[أميرتى يمنى]

بسم الله الرحمن الرحيم
أخوتى فى الله فى أيه بقى بالظبط مالكم كلكم زعلانين ومكتئبين ليه ومضايقين ليه
طب ماتيجوا نفضفض لبعض وكل واحدة تطلع اللى جواها عشان تستريح وتقول تعبانه من ايه وزهقانه ليه يمكن نقدر نريح بعض لأن الكلام بيريح كتير
ايه رأيكم ....................ها ينفع نفضفض ولا ايه
يلا أبتدوا
كل واحده مضايقه تحكى هانسمعها ولو فضلت تكلم لبكرة معاها برضه

[مون لايت]

في الحقيقة أنا قررت فعلا أفضفض لما قرأت دعوتك الكريمة للبوح والكلام ....أنا عندي سؤال محيرني هل النقاء والوضوح مع الرجل جريمة !!؟؟؟ هل لازم أكدب وأزيف كل كلامي ومشاعري وردود أفعالي ؟؟ لماذا لا يقدر الرجل أن كل مرحلة من مراحل العلاقة لها عطائها المناسب لها من المشاعر فالرجل دائماً يتوقع من المرأة أن تبذل مشاعرها بالكامل لأجله وإن لم تفعل فهى لا تحبه لماذا أكذب عليه وأصور له مشاعر لا أشعر بها لقد تصور أن تحفظي معه في مشاعري يعني أني لاأحبه لقد أخبرته أنني لا أحب الاندفاع في المشاعر لكي تنمو مشاعري تجاهه بتأني وتؤدة ولكنه لم يقدر ذلك وتركني لقد أصابني في مقتل وأظنني لن أبرأ من هذا الجرح فلقد أحببته بالفعل ولم يحدث أن فضت بمشاعري تجاه إنسان سواه ولم يحدث أن فعلت ذلك ولو على سبيل التجربة فلم أبح إلا لمن وجدت فيه صورة شريكي كما تصورتها دوماً ولكنه خذلني أعيش الآن فترة صعبة جداً لا أشعر بطعم لأي شيء.....والحمد لله على كل حال

[أميرتى يمنى]

بسم الله الرحمن الرحيم
أختى مون لايت ارجوكى لا تبكى ولا تحزنى لأنه هو بجد اللى خسر مش أنتى
هو اللى خسر اجمل وارق انسانه خسر أحسن رفيقه كانت ممكن تشاركه فى طريقه واللى زى ده ما يستهليش أنك تحزنى عشانه بالعكس أفرحى لأنه ليس جدير بكى ولقد أزاحه الله من طريقك ليبعث لكى أن شاء الله باللى أحسن وأفضل منه وباللى هايفهمك ويفهم مراحل وتطورات الحب والأرتباط وهايكون جنبك سندك وسبب قوتك
فلا تحزنى وابتسمى واعلمى أنه النصيب فهو ليس من نصيبك
وأن شاء الله ربنا هايبعت لكى يا مون أحلى نصيب وابقى أفتكرى كلامى
وربنا يوفقك يا حبيبتى يارب ويقدملك اللى فيه الخير
وياريت تبقى تطمنينى عليكى
أختك أم يمنى

[مون لايت]

أشكرك جداً يا أختي أم يمنى على كلماتك الرقيقة والتي تدل على إنسانة غاية في الرقة والطيبة وجزاك الله كل الخير على تمنياتك الطيبة ودعواتك لي ربنا يجعلها من نصيبي ويجعلها في ميزان حسناتك إن شاء الله .....ولا تنسيني دائماًً في دعائك فأنا في أشد الحاجة إليه....اللهم ارزقنا الهدى والتقى والعفاف والغنى آآآمين يارب العالمين

[مروشكا]

أنا كمان حفضفض معاكم
نفسي أشعر انني أحب زوجي متل كل النساء يعني حبه موت وأعمل كل يلي بنفسه بحب ومن قلب
أنا لا أقصر معه بشي حتى لو مش مقتنعه بس عشان أتفادى المشاكل
وأحس ان أي شي بساويه هو تأدية واجب مش أكتر
من زمان ما قدملي هدية بتخصني لشخصي حتى لو كانت ورده مع أنني كتير هديته ولما ماوجدت مبادله بطلت
أنا كنت كتير شقيه وحركه وشعلة حيوية وبشعر أنه طفاني
يعني حاسه انو حياتي مالها اي معنى جميل

[مون لايت]

أختي العزيزة مروشكا قلبي معاكي لأنه شيء مؤلم إن المرأة لا تجد زوجاً تشعر معه بمشاعر الحب ويبادلها إياها وأعرف جيداً كيف تنطفيء شعلة الحياة في المرأة وتختفي من داخلها الكثير من المشاعر عندما تعاشر زوجاً لا يشعر بها ....كان الله في عونك فقد رأيت سيدات كثيرات على هذه الحال وكنت أعجب لما يطرأ عليهن من تغيير بعد الزواج فالرجال لا يدركون أبداً أن المرأة إذا ما تزوجت أصبح لها رجل واحد فقط فطرة وشرعاً أما هو فله الحق في أربع نساء حتى وإن لم يستخدم هذا الحق لذا لا يعلم أنه إن لم يشع الحب والمودة في حياة زوجته فمن ذا الذي يقوم بذلك ...حاولي ياأختي أن تلفتي نظره إلى ما ينقصك وتحتاجين إليه وأخبريه بأنه هو رجلك فمن أين لك بالمشاعر إن لم تكن منه؟؟!! واطلبي دوماً من الله صلاح الحال,,,وادعيه
ربنا هب لنا من أزواجنا و ذرياتنا قرة أعين واجعلنا للمتقين إماماً
لعل الله يحدث بعد ذلك أمراًً

[أميرتى يمنى]

والله يا أختى مورشكا اللى أنتى بتحكيه ده بينطبق عليا أنا وجوزى بالظبط نفس الحياة والتصرفات كأننا نسخه بالكربون فى كل حاجه أنتى بتحكيها بتحصل عندى عشان كده أنا كمان زيك حاسه أنى مش بحبه أو ممكن بحبه عشان العشرة اللى مابينا لكن أكترمن كده لا وده شئ تاعبنى قوى قوى ومخلينى أحس أنى مخنوقه ومش طايقه البيت ولا العيال مع العلم أنى كلمته وهو شافنى وأنا منهارة من العياط وعادى كل اللى عمله طبطب عليا وخلاص ولا كأن حاجه حصلت ولا فكر أنه يراجع نفسه ويحاول أنه يغير من نفسه ولا حتى أتقرب منى عشان يخفف عنى
يلا الحمد الله وربنا يهديه ويهدينا جميعا ويصبرنا
ياااااااااااااااااااااااااارب

[أميرتى يمنى]

وبعدين يا فتكوات ايه مش عجبكوا الموضوع ولا ايه ولا أنتو مش عايزين تفضفضوا معانا أنا شايفه الكل بيدخل يقرأ ويخرج مافيش كلام ليه هو الكلام خلص وأيه ولا بقى عليه جمرك وضرائب دلوقتى ياريت ما تخفويش أتكلموا من قلبكم عشان تستريحوا من التعب والحزن اللى بقى مالينا وأنا أن كنت عملت الركن ده فعشان خاطركم أنتم
عشان أنا حسيت بيكم مخنوقين وعايزين تفضفضوا
يلا أحنا كلنا سامعين ومنتظرينكم

[مروشكا]

شكرا حبايبي لأنكم رديتو علي أنا حسيت انني مش غريبه في تصرفي
يعني في متلي

على فكرة الرجل ما بيعرف انو بكلمه حلوه منه بيحسن يملك قلب المرأه
يعني بيحسن يضحك عليها بسهولة
أنا بقبل بس حس بالحب

[ام مهند]

حبيباتي

اولا اشكر صاحبه الموضوع الرائعه اميرتي يمني

حبيبه قلبي الغاليه مروشكا

في رجاله كتير مبتعرفش تعبر عما بداخلها ابدا

بس في تصرفات بتخليك او بتحسسك باهتمامهم

انا زوجي من المقلين جدا في كلامهم وعلي فكره انا زيك كده شقيه بخجل واحب التجدد اوي مش روتينيه

لا وايه دلوعه مووووت ايوه والله لاني انا الكبيره في بيت بابا واول حفيده لجدي ابو ابي وكنت دلوعه بمعني الكلمه

ولكن لزوجي تصرفات كتيره قوي كلمه ساعات خطأ بيقولها ههههههههه
المهم علشان ماتتعقديش دوري ايه الحلو في زوجك وحبيه وتغاضي عن الاشياء الاخري
وجددي من نفسك واعيدي اكتشاف ذاتك مره اخري ارجعي زي ماكنتي الاول يعني ارجعي زي ماكنتي وادعي الله دائما انه يهديه
وبيني وبينك ان شاء الله سادعيلك في الحرم علشان خاطر عيونك ياجميل المهم انك متعقديش نفسك ابدا

[rookaaa20]

السلام عليكم ورحمة الله وبركاته.
انا يا جماعة حالتى حاله انا حبيت شخص وكان اول واحد اقابله فى حياتى لانى كنت رافضه انى ارتبط خالص بس فى ناس حسستنى ان حياتى مملة من غير حب ولما فكرت انى اجرب احب انجرحت المشكله انه كان محسسنى انى كل حاجه فى حياته وفجأه لقيته اتغير وقال لمامته قولها ربنا يسعدها مع حد احسن منى انا لسه المشوار قدامى طويل . المشكله الاكبر ان فى نفس اليوم اللى وصلنى فيه الكلام ده جالى شخص ساكن قريب منى وقالى انه بيحبنى من زمان ومش عايز يقولى انا طابعا اتفجأت بس انا محتاره اعمل ايه
وخايفه اتصدم لثانى مره فى حياتى بس هو قالى قدامى عشر شهور علشان اروق حد بالله عليكم يقولى اعمل ايه .واسفه على الاطاله

[أميرتى يمنى]

بسم الله الرحمن الرحيم
حبيبتى أم مهند يعنى أنا أعيط بقى دلوقتى بقى ولا أعمل ايه
دا انا رافعه أديا من الصبح عشان تشوفينى وتقولى أنك هاتدعليى هناك فى الحرم أشمعنى بقى والله هاعيط خلاص
ياريت يا أم مهند تدعيلى ربنا يهديلى الحال وينولنى زيارة الحرمين الشريفين لأنى بتمناها من كل قلبى يارب ينولهالى أنا وكل اللى نفسهم يروحوا يارب
وشكرا ليكى جدا على ذوقك أنا بس نفسى نخفف عن بعض كفايه اللى أحنا شايفينه من الدنيا تبقى كمان من غير فضفضه ما ينفعيش

[ام مهند]

ياقلبي انت تأمري

علي عيني والله
ادعوالي انتم بس اني لا انسي احد

تقبلي مروري

[أميرتى يمنى]

بصى يا حبيبه قلبى أنا مش عايزة أظلم اللى كنت بتحبيه لأنه ممكن يكون عمل كده غصب عنه لأنه مثلا حس انه مش هايقدر يكمل بسبب قله الفلوس أو المسؤليه عليه كبيرة وهو مش قادر فياريت ما تحزنيش وأعلمى أنه لو من نصيبك هاتخديه ولو حتى ظروف الدنيا كلها جت ووقفت ما بينكم فاتأكدى ألاول أن كان سابك عشان مش بيحبك أصلا ولا عشان الظروف و الحياة الصعبه اللى أحنا فيها دلوقتى
لأنه لو الموضوع عشان الظروف قوليله لا أنا وأنت مش هانقضى على حبنا عشان الفلوس وطول ما أحنا مع بعض كل حاجه هاتهون أن شاء الله
ولو كان سابك عشان مش بيحبك أصلا فامتزعليش لأن كده ربنا بيحبك وبعده عنك من أولها وأعرفى أن اللى كلمك ده من عند ربنا عشان يعوضك عن حبك اللى هو ما عرفيش يقدرة ولو أنتى عرفتى انه كويس صلى صلاة أستخارة وتوكلى على الله وأقبلى ومش هاتندمى أن شاء الله
وبعدين أنا مش عايزة أسمع كلمه أسفه على الأطاله دى تانى دا مكانك وبراحتك أتكلمى زى ما انتى عايزة أن شا الله تكتبى ميه صفحه برضه معاكى وسمعاكى
أمال هى أسمها ركن الفضفضه أزاى بقى
وشكرا لكى وربنا يوفقك ويعملك اللى فيه الخير والصالح لكى أن شاء الله

[أميرتى يمنى]

فى عيونى وعلى راسى من فوق ياأم مهند ياقمر
وربنا يقدرك ومتنسيش حد وأنتى بتدعى ويارب تقبل منها ومنا
وشكرا لكى جدااااااااااااااااااااااااااااااا

[بدر البلوى]

ربنا معاكم يا بنات

ويبعد عنكم المشاكل والهموم
ويريح كل مدايق
ويسعدكم جميعا ومشكورة يا اميرتي يمني علي الموضوع

[dodi80]

يا جماعة ديننا بيوجهنا ان احنا نبقى كويسين ونقابل الأساءة بالأحسان وتفترضى حسن النية دايما , طيب لو انتى بتعملى كده بس فى حاجات بتضليقك حتى لو هى صغيرة بس مش بتبوحى بيها لأن الدين قال لازم تصبرى وانتى هتتحاسبى على تصرفاتك مش تصرفات غيرك طيب لو انتى فعلا بتراعى ربنا وفى حاجات بتضايقك تتصرفى ازاى تعلرفى منين انتى مزوداها ولا هى فعلا تعدى وهل لو اهل الزوج بيحبكوى وانتى مش بتكرهيهم وبتعامليهم كويس هل ده مبرر انهم يعملوا اللى هما عاوزينه دون النظر لشعورك لمجرد انهم بيحبكوى خلاص بقى متقدريش تزعلى؟ وباتضايق اوى لما يقلولى انهم بيحبونى وانا من جوايا فى حاجات بيزعلنى مش بصارح حد بيها بشوف وطنش باتضايق اوى اوى من الحساس ده

[زهرة البنفسج فى قلب حنة]

ممكن ياجماعة اشترك معاكم اولا شكر جدا صاحبة الفكرة الجميلة دى اميرتى يمنى بس عندى سؤال هو انى ليا واحدة صاحبتى مخطوبة بس هى سمحت لخطيبها بتقبيلها هى بتقول انها رفضت شهور كتيرة وسمحتله بالعافية مرتان وبتحايل شديد منه بس هى ندمانة جدا وقاتله مايعملش كده تانية هى بمعنى اصح زعلانه جدا من نفسها انتوا ايه رايكم؟

[dodi80]

ايه يا جماعة فين الردود؟
اميرتى يمنى احنا بنحكيلك مش بتردى علينا ليه؟
لعل المانع خير طمنينا عليكى

[أميرتى يمنى]

معليش يا حبايبى أنا أسفه جدا جدا لأنى أتأخريت عليكم فى الرد لأن أبنى كمان تعبان شويه وبعدها النت فصل ولسه جاى فمعليش أنا أسفه جدا والله
وأنا على فكرة يا dodi رديت عليكى فى الصفحة التانيه
حبيت بس أعرفك أحسن تفتكرى أنى نسيتك ولا حاجه
وأنا طبعا ما قدريش