[ام شوكت]

هل التفكير بالخيانة ..خيانة؟!..

سؤال حيرني كثيراً

إحدى صديقاتي لديها أخت متزوجة
من إنسان يصعب التعامل معه

قاسي،
بخيل،
متسلط،

ووووووووووو

الخ........!!.

أما عن زوجته فهي من النوع الطيب جداً الذي يصل كما يقولون إلى حد

(الهبالة) وعفواً لهذا التعبير..

كانت قبل زواجها قد خطبت إلى شاب من أقربائها

وكانت تعيش قصة حب معه من قبل، ولكن كانت نهاية هذه القصة

الفشل..

بعد رفض أحد أخوتها الزواج منه لعدم التكافؤ المادي بين العائلتين!!!

وكان ذلك بعد فترة من خطبتهم

وقدعاشت أثناء تلك القصة فصول حب بريئة ولحظات رائعة .

والآن

ما إن تضيق بها سعة الدنيا حتى تتذكر ذلك الإنسان وكرمه وطيب خلقه

وتتمنى لو أنه هو من تعيش معه..وتنتظر الفرصة بأن تختلس

النظر إليه دون أن يشعر أي كائن على وجه الأرض

..على حد تعبيرها!!..

تتمنى أن ت

كلمه،

أن تشكو إليه همها ولكن كل هذا هاجس داخلي لا اكثر ويستحيل حدوثه

ومع تفكيرها هذا تعيش صراعاً نفسياً أليماً فتتحدث عن نفسها قائلة

((أنـــــــــــــا زوجة خـــــــــائنة))

فبمجرد التفكير الداخلي في هذا الشخص أنا أخون زوجي وأبو أولادي..

فهل التفكير في الخيانة.. خيانة؟!؟..

وهل تعتبر خيانتها خطيئه
ارجوا التفاعل مع الموضوع
وارجوا ابداء ر أيكن .....

-----------------------------
منقول

اذا اعجبك الموضوع و اردت نشره في المنتديات الاخرى فاستخدمي هذا الرابط:
هل التفكير بالخيانة ..خيانة؟!..
http://forums.fatakat.com/thread20628

[mon]

اعتقد ان دى خيانه ولو هى تعبانه اوى كدة من جوزها يبقا ترحم نفسها وترحمه وتسيبه اكرم ليه وليى علشان التمادى فى التفكير فى الموضوع دة حرام وغلط وربنا يهدى الجميع

[annos]

انا كمان من راى mon اما انها تبطل التفكير فية او تترك زوجها وتبدأ حياتها من جديد بعيد عن زوج مثلة بها الصفات

[أميرتى يمنى]

أنا من رائى انها تتكلم مع جوزها بصراحه وتحسسه بمشاعرها وتعرفه أنها زعلانه منه وتحاول أنها تغيره ولو لم يقبل الكلام ولا التغير فكده خلاص يبقى لازم تنفصل عنه عشان هى تستريح لأنها كده هاتتعب قوى
وربنا معاها

[hanotif]

لو وصل بيها الحال للدرجة دي تبقي تفارقه بالمعروف خوفا من الفتنة

ووالنبي بالاش كلام بلاش تخربي بيتك والعيال واصبري

في حالات بيضطر الطبيب فيها للبتر ودي من ضمن الحالات

والله المستعان

[سوكة الددة البيضة]

انا لو هرد على سؤالك مباشرة.........
انا بصراحة مش شايفة ان دى خيانة ....
واكبر دليل على كلامى ان جوزها لو ربنا هاداه الصبح اكييييييييييد هتبطل تفكير فى الشخص التانى ده ...

ساعات الوحدة من غلبها بيبقى ال5 دقايق الى بتسرح فيهم دول هما الحاجة الحلوة الوحيدة الى فى حياتها ((مع ملاحظة انها معملتش اى حاجة غلط)) اقصد الفعل}}}}}

انا مش بشجع على كده ...........بس انا برد على سؤالك يا قمر

[ام شوكت]

[أم روان]

أنا مع ساندى اللمضه فى حاجه ان الست لما بتزعل من الرجال بتنسى اى حاجه حلوه ولما بيرضى تتمنالو الرضى
تعرفو بقه علشان كده العلاقات دى حرام لان الست بعد الجواز تفضل تقارن الحنين ابو كلام حلو والزوج الى راجع تعبان مكشرطيب ماهو لو كان اتجوزها كان هايعمل كده

[ام شوكت]

[sea***]

والله محدش بيهرب من نصيبه
وده نصيبها اللى ربنا كتبهولها
والافضل تصبر على قدرها وخصوصاً
إن فى أطفال لازم تتحمل علشانهم أى حاجة
لآنها لو سابت جوزها اولادها هما اللى
هيدفعوا التمن غالى وهيلوموها لما يكبروا
ومش هيلتمسوا ليها أى عذر
الحل الوحيد دلوقتى إنها تحتسب أجر صبرها
عند الله تعالى
والله لايضيع أجر من أحسن عملاً
ومش كل حاجة هنتمناها فى الدنيا
هنلاقيها...على طبق من دهب
وإحنا مش عارفين ربنا بيدخرلنا إيه
جزاء الصبر
وده إختبار من ربنا أتمنى لها النجاح
فيه...
وبعدين إيه أدراها إنها كانت هتكون سعيدة
مع الراجل التانى ده؟؟؟؟؟؟؟؟؟؟؟؟؟؟؟؟؟؟؟؟
وإيه أدراها هل كان ربنا هيرزقها منه بأولاد
ولآ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا عن نفسى باقول لها
خلى أولادك هما املك اللى بتعيشى علشانه
والله وهما أكيد يستحقوا التضحية
وجوزك ده أدعيله بالهداية
وإفتكرى كلام النبى صلى الله عليه وسلم:::
{لو اطلعتم على الغيب لفضلتم الواقع}

[رانيه]

-----------لا تعليق

[أم لوجى و ملك]

ايوه التفكير بالخيانه خيانه فالقلب يزنى
لو مش مرتاحه مع زوجها تنفصل عنها ولا تحمل نفسها ذنب التفكير برجل اخر

[ام شوكت]

[rawan432]

الخيانه بالنظرة احنا ربنا بيحسابنا على صنع حواسنا وليس ع تفكرينا بس الخيال مش وحش ومش كويس انها تستغرق فيه لان جوزها ختى او اتغير هى مش هتحبه لانه مش فى خيالها نصحيتى ان تتقى ربنا فى جوزها وتعامله بالكلمة الطيية لان اصلها ثابت وفرعها فى السماء ااكيد هيتغير وهى هتحبه وهتتقبل افعاله

[نسرين احمد عوض]

فى حاجات ديننا الحنيف واضح وصريح فيها دى واحدة منهم
نعم التفكير فى الخيانة خيانة ....كل ما تيجى تفكر فورا تستعيذ بالله من الشيطان
وتقوم تشغل نفسها باى شىء ويستحب لهذه السيدة الكريمة ان تكثر من الصلاة والدعاء بالصبر على هذا الزوج من اجل اولادها ...وتعوذ بالله من الخيانة واصحابها. اللى هى فيه ده جهاد فى الدنيا فالتصبر وتحتسب والله لايضيع اجر الصابرين فى الدنيا والاخرة...

[ام ايفان]

شكرا ياام شوكت لطرحك هكذا موضوع ..
انا من رائيي ان هذة المرآة يائسة ..واننا نعطيها الحق في التفكير بالا شياء الجميلة التي حدثت لها لانها الان تشوف الجانب المظلم من زوجها بس..بس لوهي تفكر انها لو تزوجت من حبيبها السابق مين قال انها ستعيش سعيدة معه ..هي اكيد اكتشفت اخطاء زوجها بعد الزواج والا لما كانت تزوجت به..
انصحها بعدم التفكير بهذا الشخص وان تحاول ان تغير زوجها ..وان تغير نفسها الاول وان تفكر بزوجها والاشياء الايجابية فيه حتى لو كانت قليلة وان تقترب من زوجها اكثر وتعطيه الحب الكافي بدل التفكير بالماضي..
واقولها نصيحة(اتغيري انتي الاول واعرفي اخطائك حتى يتغير زوجك)

[هميس]

انا مع معظم الاخوات ان مجرد التفكير في الخيانة خيانة وهيا فعلا لازم تشغل نفسها باي جاجة نافعة وتبعد عن وسوسة الشيطان
وشكرا لموضوعك الرائع يا ام شوكت

[drnahla]

من رايى
ان رد السؤال ده هو....
هل تعتبرى تفكيرزوجك فى انسانة اخرى غيرك وهو يعيش معك تحت سقف واحد خيانة لكى ام لا..
والامر متروك اجابته لصاحبة المشكلة

[ام شوكت]

شكرا لمرور كم الرائع على صفحتي المتواضعه
باقات من الورد للجميع