[حبيبةزوجها:-)]

السلام عليكم حبيباتي

انا في مأزق .. عقدي كان من نص سنه و كان مفروض الزواج ميبقاش قبل السنه الجايه .. يعني لما اخلص الكليه .. بس دلوقتي و من دون سابق انذار الزواج هيكون كمان شهرين ...و كمان عندي امتحانات مش عارفه اخلص ولا اجهز ايه ولا ايه .. ارجووووووكم ساعدوني .. هقللكم على مشاكلي و محتاجه ايه ومحتاجه اعرف كمان ايه و انتو ارجووووووكم ساعدوني ..

1- بشرتي في وجهي دهنيه و كمان علشان الحجاب فيها خطين يمين و شمال من الشمس .. اكيد المحجبات فيكو يعرفو المشكله دي .. يعني محتاجه حاجه لآثار الشمس ..
2- انا كان وزني 75 و نزلت دلوقتي على 60 و بقى في جسمي في تشققات بيضا و مش عارفه اعمللها ايه :-( ... ليها حل؟ قولولي عليه
3- محتاجه حاجه لشد البشره ..
4- بشرتي حساسه جدا جدا و ظهري كللللله اثار حبوب لونها بني .. اروحها ازااااااااااي؟
5- من كتر ما بشرتي حساسه لما اشيل الشعر بالحلاوه الجلد بيتسلخ و بتطلع حبوب و كمان بتنزل دم في مناطق .. الموضوع ده ليه حل؟؟
6- شعري حلو و ناعم بس خفيف و متقصف .. محتاجه حاجه تطوله و تصلحهولي من التقصف و تغزره .. قولولي على حاجه مجربه و اكييييده ..

و الله انا محتاااااااااره مش عارفه اعمل ايه ولا ايه و امتحاناتي كمان قربت قوي قوي و صعبه و مش مذاكره حاجه ..
ارجوكم ساااااااعدوووووووووني انا في مأزق زمني ..
ربنا يجزي اللي تساعدني الجنه و كل حاجه تتمناها و تكون خير ليها ..

ارجوكم قولولي بس على حجات انتو متأكدين منها 100 %

و شكرا مقدما على المساعده .. املي فيكم كبيييييير جدا جدا انكم تعرفو تساعدوني ..

لو عندكو كمان نصايح لنضاره البشره ولا اي نصائح حتى زوجيه قولوها .. اتمنى بجد الاقي منكم ردود كتير و مساعده على اللي انا فيه ..

اختكم حبيبة زوجها :-)

اذا اعجبك الموضوع و اردت نشره في المنتديات الاخرى فاستخدمي هذا الرابط:
ارجووووكم متبخلوش عليا بمساعدتكم .. محتجاكم
http://forums.fatakat.com/thread20695

[Lolly]

اولا عايزة اقولك الف مبروك..
وكلامك بيقول ان الزواج فالاجازة وبعد الامتحانات..اهم حاجة دلوقت هى تركزى فالامتحانات لانك لو اهتميتى بالحاجات التانيه مش هتلحقى تذاكرى وهيبقى شكلها وحش وانتى عروسه حلوة بس ..... فالامتحانات ..انا مش عايزة اقولها..ههههههه
بهزر معاكى
بس انت اسمك حبيبة زوجها..يعنى الراجل بيحبك من غير حاجة
وعاوزه اقولك ان والله والله ربنا بيحلى العروسه يوم فرحها حلاوة مش طبيعيه حتى لو عملت ايه!!
فانتى ماتحمليش هم شكلك فالفرح..وان شاء الله تكونى زى القمر
وفى حلاوة بعسل النحل للبشرة الحساسه وانا باستعملها
وحاولى ماتتعرضيش للشمس وحطى صن بلوك كل ساعتين
واوعى تشدى بشرة ولا الكلام دة انتى لسه صغيرة وماتبوظيش نفسك
ممكن تروحى زياره لدكتور جلديه واللى يقولك عليه اعمليه لان هو الصح وماتضيعيش وقتك فالوصفات
هو ممكن يديكى مراهم او كريمات تنجز معاكى فالمفعول وكمان تعرفى تذاكرى
وسيبيها على الله
وبينى وبينك .. العريس من الفرحة مش هياخد باله .. بس انتى اللى مكبرة الموضوع!!اسالينى انا!! ههههههه
ربنا ينجحك ويسعدك

[ام مريم المصرية]

السلام عليكم ورحمه الله وبركاته
اولا الف مبروك يا أحلى عروسه
أنا عاوزه اقولك ليه بس كل التوتر ده
الزواج مش حاجه صعبه قوى كده الدنيا أسهل من التعقيد ده بكتير
بصى يا ستى أنا أتجوزت قبل إمتحانات السنه النهائيه فى كليه الطب ب 3 شهور يغنى اكيد كانت حالتى اصعب منك بكتيييييير وكمان انا والدتى متوفيه يعنى انا اللى كنت مسؤله عن كل حاجه وكانت عندى امتحانات اعمال السنه وقت التجهيز يعنى الظروف هى اللى وضعتنى فى كده
المهم مش هطول عليكى بس انا عايزه اقولك ما تاخديش كل حاجه على اعصابك وحاولى تهدى نفسك علشان الامتحانات تعدى على خير ان شاء الله

• اما بالنسبه لآثار الشمس فى كريم بيضيعها وكمان بيحمى منها اسمه olay أنا مجرباه بنفسى وحاولى تتجنبى الشمس المرحله الجايه
• والخطوط البيضا دى بسبب نزول وزنك مره واحده هى بعد فتره هتروح لوحدها بس لو أنتى مستعجله نفس الكريم فى منه نوع لكده إسألى عنه بالصيدليات
• فكرة الاخت لولى صح إستعملى الحلاوه بالعسل easy sweet
• اما آثار الحبوب فالافضل تروحى لطبيب جلديه
• إوعى تستخدمى أى حاجه لشد البشره لانها مضره
• ربنا يوفقك أولا فى امتحاناتك وبعدين فى الزواج إن شاء الله

[حبيبةزوجها:-)]

حبيباتي ردودكم فرحتني قوي قوي قوي قوي .. و الله مش عارفه اوصف حتى .. حسيت اني مش لوحدي :-) مع اني لوحدي قس بلد غريب و هرجع بعد امتحناتي على طول ان شاء الله ..
شكرا على نصايحكم .. ادعولي كتيييييييييييييييييير قوي قوي قوي قوي قوي قوي
ربنا يسعدكم بردودكم الجميله .. ربنا يسهل