[mon]

ربنا يهنى الجميع يارب والى مش متجوزة تجوز يارب قوالو امين وانا منهم
والى متجوزة ومعندهاش اطفال يارب يديها ولد وبنات قوالو امين
والى عندها ولد يرزقها ربنا ببنات قوالو امين
والى عندها بنات يرزقها ربنا باولد قوالو امين
ويسعد الجميع يارب

[حنونة_فلسطينية]

والله سؤالك لامحرج ولاحاجة بالعكس هيك بنتعرف على بعض بمصداقية اكتر وانا عمرى 30سنة متجوزة من 14سنة وعندى اربع اولاد وبنت محمد 12سنة و علاء 11سنة وسام 9سنوات ومهدى 5سنوات وبشار 7شهور والحمد لله الحياة حلوة بس بدها الصبر والتحمل وربنا يعين على المسئولية الكبيرة وما فيش بيت بدون مشاكل والى بتحكى غير هيك معلش بتكون بتغالط نفسها

[money]

انا عندى 23 سنه
متجوزه من سنتين
عندى اياد عنده عشر شهورونفسى ان شاء الله فى بنوته
وانا الحمد لله حياتى كلها سعاده احسن ما كنت متخيله وربنا يديمها علينا
سعاده انا شاء وكل الفتوكات

[rare_essam]

انا عمرى 22 سنه
ومتجوزة من شهرين
وارغب فى الاطفال
والجواز مسئولية كبيرة جداً بس الحمدلله حلو وانا سعيده مع جوزى الحمدلله

[مرموووره]

عمري 24
مخطوبه من سنه وادعولي نتجوز بقى
نفسي اجيب ولد وبعدين بنوته
احيانا بتخيل ان الحياه بعد الجواز حلوه ووردي ورومنسيه
واحيانا لما بتحصل مشاكل في الخطوبه اقول من دلوقتي مشاكل يبقى بعدين ربنا يسترها
بس غالبا حاسه ان الحياه بعد الجواز محتاجه صبررررررر وشويه احساس علشان الحاجات الحلوه متضيعش في زحمه البيت والاولاد
ادعولي بقى ويارب كل اللي متجوزوش يتجوزوا
سلام بقى

[HALANADER]

كل واحدة فينا تقوال سنها الحقيقى كام كمان يومين ان شاء الله 38


وكمان المتجوزة تقوال هى متجوزة من كام سنه من سنه 93




وكمان الى عندها اطفال تقوال كام طفل واعمارهم 3 محمد 12 مصطفى ومؤمن 10 توأم



واذا كانت ترغب فى اطفال تانى تقوال نوع الطفل ايه بنت ولا ولد بارك الله فيما رزق




وايه تقدرها هى الشخصى عن الجواز والامومه وياتر هو دة الى كانت بتتمناة ايام ماكنت بنت ولا الحياة اختلفت الله يسامح اللى اتجوز قبلى وماقليش واللى اتجوز بعدى وما سألنيش

[mon]

ربنا يسعدكم يارب

[رضوى]

كل واحدة فينا تقوال سنها الحقيقى كام انا عندى 24 و7 شهور

وكمان المتجوزة تقوال هى متجوزة من كام سنه متجوزه من سنتين الا شهر




وكمان الى عندها اطفال تقوال كام طفل واعمارهم عندى بنوته واحده
اسمها مريم عندها8 شهور



واذا كانت ترغب فى اطفال تانى تقوال نوع الطفل ايه بنت ولا ولد نفسى فى بنت تانى




وايه تقدرها هى الشخصى عن الجواز والامومه وياتر هو دة الى كانت بتتمناة ايام ماكنت بنت ولا الحياة اختلفت الجواز كويس بس طبعا لازم يبقى شويه كده وشويه كده واحلى جاجه فى الجواز طبعا الامومه بنتى عندى بالدنيا كلها

[heba & hema]

السلام عليكم
انا عندي 21 متجوزة من سنة
حامل في اخر الشهر التامن وان شاء الله اجيب سلمى
نفسي بعد البنت ولد عشان التنوع بس ^_^
وانا شايفه زي معظم الستات ان الجواز فعلا مسئوليه عظيمة عشان مابقيتش في بيت بابا نايمة ومستنيه الغدا ماما تحضره والشقه ماما تنظفها وكل حاجه ماما ماما
يعني فيه راجل مستني منك الاكل وتحضير اللبس والغسيل والتنظيف ومراعاة كل شؤونه
الله المستعان بس علي اد المسئوليه علي اد ماهو جميل ولذيذ وايام السعادة فيه ماتتعدش
الحمدلله علي النعمه دي

[mahou]

كل واحدة فينا تقوال سنها الحقيقى كام
أنا عندى 29 سنه ....
وكما المتجوزة تقوال هى متجوزة من كام سنه
ومتزوجه من 4 سنين الا شهرين ....

وكمان الى عندها اطفال تقوال كام طفل واعمارهم
عندى ولدين ... محمد 3 سنوات .. ونور الدين سنه ....

واذا كانت ترغب فى اطفال تانى تقوال نوع الطفل ايه بنت ولا ولد
الحمد لله على كده .... وإذا ربنا أراد ... تكون بنت ...
وايه تقدرها هى الشخصى عن الجواز والامومه وياتر هو دة الى كانت بتتمناة ايام ماكنت بنت ولا الحياة اختلفت الحياة لحد دلوقتي حلوة
الجواز حلو و الأمومه أحلى ....بس لما يكونوا نايمين ..هههههه
المسؤليه صعبه وربنا يقدرنا عليها ....

[looooly]

لولي مواليد 82
مخطوبة وادعولي
الزواج مسؤلية كبيرة ولازم كل وحدة تعرف انه حلو ومر
عشان تكون قد المسؤلية ال تواجهها
وطبطبة الازواج على بعض تمسح اي مشاكل وتهون كل شئ
باذن الله
شكراً حبيبتي على الاسئلة
بس ما في احراج ولا حاجة
وكل مرحلة من العمر لها لذتها الخاصة
ثانكس

[زيزى]

أنا عمرى 23 و 10 شهور متزوجه من سنه وعندى عبدالرحمن 3 شهور نفسى أخلف تانى بنوته حلوة بس بعد لما انسى آلام الولاده
الجواز حلو اوى ومسئوليه والامومه احلى بس لما يبقى نايم لان العيال حاجه صعبه اوى ايه دا يااختى مابيبطلوش زن
ربنا يرزق كل واحده بالزوج الصالح
ويرزق كل زوجه بالذريه الصالحه
ويتمم لكل مخطوبه على خير
آميييييييييييييييييييييييييييييييييييييييييييييييي يييييييييييييييييييييييييييييييييين

[اموله المنفله]

انا عندى 37سنه متزوجه من 21سنه كان عمرى 16سنه الحمدلله عندى تلات بنات وولدين وبحمد ربنا على كده ربنا يحفظهم ويبارك فيهم وبالنسبه للجواز الحمدلله مسوليه ويومين حلو ويوم مر والحياه ماشيه وعقبال كل الانسات اللى فى المنتدى

[مها عبد الحق]

أنا مخطوبه وعرسي بعد شهرين أذا الله شاء
بتمنى بل المستقبل الله يبعتلي ولد وبنوته حلوه
والله يقدرني ع سعاة زوجي وولادي بل المستقبل وكون أم صالحه وزوجه صالحه
دعولي

[eman of allah]

انا بقي عندي 19 سنه
ومخطوبه وهتجوز الصيف الجاي
ربنا مبيجبش حاجه وحشه ان شاء الله

[eman of allah]

انا عندي 19 سنه
مخطوبه من 7 شهور وهتجوز السنه الجايه ان شاء الله
ادعولي

[مارولا4]

انا سنى 22سنهانا متزوجه من ثلاث سنوات ونصف ولسه ربنا مارزقنيش باطفال ادعولى وابحس انى احلى حاجه فى الدنيا الامومهوالحمد لله اخر سعاده مع زوجى

[مروة الدميري]

انا بقى يا ستى عندى 26 سنة ومتجوزة من سنتين ونصف وعندى بنت صفا عندها سنة ونصف وباتمنى من الله انه يرزقنى باخ لبنتى وبالنسبة للجواز هو طبعا مسؤلية بس لما باحس بحب جوزى لى وكلمة ماما من بنتى بانسى الدنيا وانسى كل التعب ربنا يخليهوملى يارب

[bebsa]

انا عندى 26 سنه متجوزة من 3سنين الا شهرين
عندى همس عمرها سنتين وبفكر اجيب بيبى كمان وربنا يرزقنى ب ولد ان شاء الله واما الجواز فهو طبعا مسئوليه كبيرة وخصوصا ف وجود الاولاد بس الحمد لله ربنا يخليلى جوزى ويحفظه ودة اهم حاجه ف الحياة البيت والاسرة

[flowermoon14]

عمري 26 سنة
لست متزوجة