[onlygirl]

السلام عليكم ورحمة الله وبركاته

ياجماعة انا استعملت الصابون المغربى وبجد جميل اوى
وحسيت بفرق على طول
هو بيساعد على ازالة اللاوساخ الموجودة بالوجة والجسم ايضا
وهو خالى من الروائح الكيماوية
انا كنت بحس ان فى فرق اسود بين كفة ايدى ودراعى طبعا الفرق دة من الشمس
بس والله راح على طول

وفى كمانshawerمغربى بس ده لسه مستعملتوش بس صحبتى استعملته وبتقول عليه حلو اوىوبيبيض الجسم والمناطق الداكنة

وفى كمان الطين المغربى

ياريت تقوليلى رايكم عن الجات دى ولو حد عندة اى معلومة عن المنتجات المغربية ياريت يفيدنى.

[ريتا ميشيل]

طب ماركته ايه عزيزتى طلما انت مجرباه انا كمان محتاجه حاجه كده وسعره بليز

[onlygirl]

اسم الصابونة المغربية <صابون ايمى> وسعره 6 ج
اسالى عليه عند اى عطار كبيراو وهتلاقيها بسهولة ان شاء الله

[ورده الحب الصافى]

السلام عليكم ورحمه الله وبركاته
بصوا ياجماعه أنا كتبت مره موضوع عن تفتيح المناطق الغامقه فى الجسم لأنى فرحى كان هيبقى قريب وأتأجل ههههه
المهم بعض الأخوات وصوفوا لى بعض الأقتراحات وكان منها الحمام المغربى
أنا هقولكم على الطريقه اللى أنا بستخدمها دلوقتى ولو جربتوها هتحكوا أنكوا عمركم ما أستحمتوا قبل كده
هههه
والله العظيم بجد
أنا أشتريت صابون مغربى من الصيدليه هى عبوه تشبه علبه الكريم والصابون اللى فيها متماسك زى الكريم بس مش قطع زى الصابون العادى
أسمه أصاله وسعر العبوه 20 جنيه ومعاها أسفنجه صغيره بتستخدميها فى الحمام وبتخدى حته صغيره أوى أوى بتعمل رغوه جامده على جسمك كله يعنى العبوه هتعيش معاكى وخصوصا أنك بتعمللى الحمام مره كل أسبوع
وأشتريت ليفه مغربى هى عباره عن قفاز بيتلبس فى الأيد وكان سعرها 23 جنيه وأشتريت طمى مغربى وكان سعره 8 جنيه
أقولكم على الطريقه اللى أنا بستخدمها
اللى الحمام بتاعها فى بانيو
تملىء البانيو مايه ساخنه وتجلس فى البانيو لمده 15 دقيقه والهدف من ده تفتيح مسامات الجسم
واللى ماعندهاش بانيو ممكن تستحمى عادى وتدعك جسمها بالليفه العديه كويس أوى علشان الجسم المسام بتعاته تتفتح
ولازم الحمام يكون معبأ بالبخارعلشان يساعد على عدم أنسداد المسامات
المهم بعد ماتستحمى عادى تنشفى جسمك بس مش أوى يعنى يكون مندى بالمايه
وتبتدى تحطى الصابون بالأسفنجه اللى معاه على جسمك وتركزى على المناطق الغامقه وتتركيه لمده من 10 إلى 15 دقيقه أو لحد ماتحسي أنه نشف على جسمك
وممكن تستخدمى الوقت ده فى فرك كعوب قدميى بالحجر الخفاف
وبعد كده تشطفى جسمك بالماء الدافىء وتتخلصى من الصابون اللى على جسمك نهائى وتكونى ناقعه الليفه المغربى فى ماء ساخن جداً
وبعد ماتشطفى جسمك تنشفيه بس مش أوى تنديه بالماء الدافىء وتبتدى تستخدمى الليفه فى حركات داريه على مختلف مناطق جسمك مع التركيز على المناطق الغامقه وبجد هتزهلى من النتيجه اللى هتخللى جسمك نظيف جداً جداً جداً
وتكررى الحمام مره كل أسبوع
ملاحظه هامه
بعد الحمام ماتستخدميش على جسمك أى كريمات ترطيب او مزيلات عرق أو أى مستحضر تجميل نهائى لأنه ممكن يكون بيسسب لك حساسيه وأنتى مسامات جسم متفتحه فيسبب مشكله تانيه
أسفه طولت عليكوا بس أتمنى أنى أكون أفادتكم

[ام شوشو]

مشكوررررررررررررة

[ام ميداء]

اشكرك يا وردة

[onlygirl]

اشكرك على الكلام الجميل ده

[maioi5500]

بس كده لازم يكون فيه حمام تاني في الشقه لاني هقعد 3 ساعات جوه اعمل الحمام المغربي ده.ههههه
شكرا علي الموضوع
ان شاء الله هجربه...هاخدله اجازه مخصوص .ههههه

[ورده الحب الصافى]

على فكره يا جماعه الحمام مش بياخد أكتر من ساعه إلا ربع أو ساعه بالكتير أوى

[احلام النهار]

انا شريت قبل فتره الصابون المغربي من ماركة الطاووس بس باقي ما استعملته

[NO MORE CRY]

شكرا اوي علي النصايح الغاليه دي وبجد ( ان شاء الله ) لازم اجربها وادعي ليكم.

[dolovemo]

جزاك الله خيرا

[قطقوطة]

مشكورةعلى الموضوع الجميل دة

[بلقيس66]

شكراجزيلا على هذه المعلومات

[سمهان]

الصابون المغربي عندنا بالمغرب اسمو الصابون البلدي والليفة اسمها بالمغربي الكيس بتاع الحمام بيكون غالبا اسود وفيه انواع كثيرة ويزيل الجلد الميت بشكل فظيع عندنا كمان غسول بتاع الشعر بيخلي الشعر زي الحرير وهو طين ابيض ولما ننتهي من الحمام ندهنو على الجسد كلو نتركه شوية ونغسله وريحتو ياي زكية كتير ومهدئة وتعطيك احساس حقيقي بتاع الحمام عشان الطين بتكون معمولة معها عدة مكونات يسقى بها الغسول مواد ذات روائح زكية تسقى بها كذلك الحناء وعلى فكرة حتى الحناء نعملها على كل الجسد والوجه كذلك بعد الانتهاء وشفط الاوساخ من على الجسم نعمل الصابون نغسلو بعدها نعمل اما الغسول او الحناء وتشوفي حتنامي نومة كانك رحت العالم ثاني مليء براحة عجيبة