[رتاج الكعبة]

السلام عليكم ورحمة الله وبركاته

ياجماعة انا استعملت الصابون المغربى وبجد جميل اوى
وحسيت بفرق على طول
هو بيساعد على ازالة اللاوساخ الموجودة بالوجة والجسم ايضا
وهو خالى من الروائح الكيماوية
انا كنت بحس ان فى فرق اسود بين كفة ايدى ودراعى طبعا الفرق دة من الشمس
بس والله راح على طول

وفى كمانshawerمغربى بس ده لسه مستعملتوش بس صحبتى استعملته وبتقول عليه حلو اوىوبيبيض الجسم والمناطق الداكنة

وفى كمان الطين المغربى

ياريت تقوليلى رايكم عن الجات دى ولو حد عندة اى معلومة عن المنتجات المغربية ياريت يفيدنى.

ممكن حبيبتي تجيبي لنا صورة للصابون المغربي لو سمحتي وربنا يكتبك من العتقاء في شهر رمضان

[Marwa Esmael]

انا اشتريته من هنا الامارات كان في برطمان عامل زي الزيت وريحته زيت زيتون هو فعلا بيبيض وينعم

[سحابة في الافق]

مشكورة اختي علي هده المعلومات

انا مرة سالت اختي عن الصابونة المغريبة قال لها العطار

ان سعرها 25 جنية بس ماسالت اسمها اية

وماشتريتها لانها غالية

[onlygirl]

شكرا ليكم على مروركم الطيب
انا كنت شارية صابونة (ايمى )من عند العطار بس والله هى جميلة ورخيصة كمان
بس انا مش عندى صورتها عشان تشوفوها بس هى لونها احمر
وكمان استعملت الصابون المغربى (اصالة )وجبتها من الصيدلية ب20 ج وبرده حلوة
بس انا حاسة ان صابونة ايمى جابت نتيجة معايا
بس ياريت تدعولى الاقيها تانى عشان على طول بلاقيها خلصانة

[ام جنة]

[semsem056]

[dodopink]

شكرا جداااا انا فرحي قرب وعنيد الصابونه المغربي ماكنتش عارفه استخدمهاازاي عندي اصاله يا رب تنفع معايا شكرا جزيلااا وجزاكي الله خيرااااا

[مغربية مراكشية]

دي صورة الصابون البلدي (الصابون
المغربي)




ودي صورة الليفة المغربية


ودي صورة الطين المغربي(الغاسول)


ودي صابونة الطاووس منعمة للبشرة


اتمنى اكون ساعدتكم
متنسوش تدعولي

[dodopink]

بجد ربنا يبارك فيكي ويكرمك شكراااا جداااا وجزاك الله خيرااا

[إبتســـــــــــــامه]

شكرا ياورده
بجد كنت محتاجاها جزاك الله خيرا
انا كمان كان فرحى قريب واتأجل
ههههههههههههه
لما قريت تعبيرك ضحكت
ربنا يتملى ويتملك ويتم لكل مسلمه ع خير
دمتِ بحب وطاعه

[memoza]

تسلم ايديك

[onlygirl]

تسلم ايدك يا مغربية مراكشية على مجهودك الرائع
وياريت كل الى يعرف وصفة اواى معلومة عن الصابون المغربى يقولها

[gygy make up artist]

بصى يا قمر الكلام ده عن خبره وتجربة على نفسى وعلى الاخرين
اولا الصابون المغربى الاصلى عباره عن صابون شبه سائل مايل للكريم لونه اسود مصفروليس له رائحه زكيه والصابون اللى بيتباع فى مصر كله تقليد يعنى عباره عن مسمى فقط لكن المكونات تختلف عن الصابون المغربى الاصلى مهما كان اسمه او ماركته لازم يكون من المغرب وده مش معناه انه اغلى من اللى فى مصر بالعكس ده متوفر بس مش عند العطارين والبياعين وسعره زى اللى فى مصر برغم انه اصلى

بالنسبه للطمى المغربى او الطين المغربى نفس الموضوع زى الصابون لازم نتاكد انه من المغرب اصلا ومش سورى او مصرى وكمان الافضل انه يكون حجر مش بودره وكمان الطمى الاصلى بيتحط ماسك للشعر بيخلى الشعر ناعم اوى لانه فلى معادن من التربه مفيده جدا وهو متوفر واحسن نوع هو غسول الشرفاء الاخضر للشعر والبشره المصنوع فى المغرب
وبالنسبه لقفل المسام بعد ما نخلص الحمام المغربى ناخد اخر شور بالميه الساقعه العاديه مش التلج وحتى لو كانت ساقعه شويه لانك كنتى فى البخار بس دى اللى بتجدد البشره وتشدها وتقفل المسام


ويارب اكون قدرت ارد على اسئلتكم وانا فى الخدمه يا فتكات

[onlygirl]

تسلمى يا جيجى على المرور

[فريسكا هانم]

حلو كتييييييييييييييييييييييييير الموضوع

[سلا فة مغربية]

شكرا وبا رك الله فيك

[ام البنات3]

[Ranosha]

بجد مش ممكن
الحاجات دي فعلا روعه انا بستعمل الطمي المغربي علي بشرتي وفعلا النتيجه هايله
بس( ان شاء الله ) هابقي استعمل الصابون المغربي كده وهادعيلك

ميرسيي جدا أخر حاجه

[onlygirl]

اشكركم على مروركم الطيب