[اسماء ام عمر]

السلام عليكم ورحمة الله وبركاته
محتاجه انكم تساعدوني وخصوصا مدام ديدي خبيرة الحلويات. انا ابني عمر هيكمل سنه يوم 15/5ونفسي اعمله حاجه حلوه في البيت لاني مش بحب حاجة بره،أنا بعمل تورته جميله بس بخليط الكيك الجاهز ونفسي أعملها كلها في البيت من الألف للياء. وجربتها كذا مره وبمشي علي الخطوات مظبوط بس مش بتبقي حلوه ومفيش وقت اجرب تاني .... محتاجه حد يبعتلي وصفه مضمونه ومجربه وياريت لو بالصور. ولو حاجه حلوه غير التورته ياريت وتكون سهله... في انتظار ردكم عليه أنا مستنيه

[ام ميداء]

السلام عليكم
مدام ديدى ليها موضوع مثبت عن الكيكة الاسفنجية
وقسم الحلويات فيه حاجات حلوة كتير
كل سنة وهو طيب وعقبال 100 سنة

[اسماء ام عمر]

ما انا قرات موضوع الكيكه بتاع مدام ديدي. بس برضه مش بتظبط معايا رغم ان الفرن كويسه وبضربها كويس وبقلب بخفه ومش بفتح عليها الفرن وكل حاجه بس بتبقي مش حلوه. تفتكرو ليه انا آخر ما زهقت قلت ان البيكنج بودر مش كويس ....
والصراحه مش عندي وقت أقرأ كل مواضيع الحلويات وأحتار أجرب دي ولا دي ولاايه

[ام بسنت]

بصى انا جربت كيكه الشربت وجوز الهند لام الطيب روعه
وجربت كيكه لام ياسر بردوه روعه
لو عايزاهم وانا اجبلك المقادير
وفيه بسبوسه ام الطيب بالقشطه
وسويسرول مدام ديدى بس ده مجربتوش

[ام بسنت]

المقادير:5 بيض كلمل
5 صفار بيض
50 حم نشا او مابعادل ربع كوب
150 جم سكر او مايعادل ثلاثه ارباع كوب
ثلاثه ارباع كوب دقيق
باكو فانليا
2 معلقه صغيره بيكنج بودر اونصف باكت

للتزيين
مربى او كريمه
مكسرات مفريه
سكر بودره شيكولاته فارماسيه
شيكولاته مبشوره
شيكولاته سايحه ابيض اوبنى حسب الرغبه التحضير:نضع صفار البيض بالعجان ونشغله ونضع ربع كوب سكر معه
ونضرب فى مضرب اخر اوبيدنا البيض الكامل والفانليا
نقلب الدقيق مع النشا ونضيفه لصفار البيض المضروب
ثم نضيف البيض الكامل المضروب للخليط مع التقليب بخفه
نحضر صاج ارتفاعه نصف سم مدهونه ذبده ثم نضع ورق ذبده
ندهنه ويرش دقيق
نصب الخليط على ارتفاع نصف سم من الصاج ونساويه الطبخ: يدخل السويسرول الفرن بدرجه حراره 220 لمده 6 دقائق تقريبا
توضع ورقه ذ بده اكبرحجما من الصاج وتقلب عليها السويسرول
تقطع الحواف لانها ناشفه
تبسط المربى بسرعه بواسطه سكين التورته العريض
مع ترك مساحه قليله فارغه
تلف بخفه على شكل اسطوانه من جهه العرض مع ملاحظه جعل اللفه الاولى صغيره بقدر المستطاع
تلف بواسطه ورقه الذبده وتترك بالثلاجه للتثبيت
ممكن ان تدهن وجهها بالمربى ويرش عليها البندق المحمص المفرى
او تغطى بالكريم شانطى
او تدهن بالمربى وترش بالشيكولاته الفرماسيه
تقطع دوائر وتقدم كصنف جاتوه
وممكن ان تغطى بالكريم شانطى الملون بالكاكا وتثلج بالفريزر
ثم تصب فوقهاشيكولا سايحه وتحضرى قرطاس من ورق الذبد
ولاكن الثقب يكون صغير جدا وتضعين به شيكولا بيضاء
سايحه وتعملين بها خطوط فوق الشيكولاه البنى وسوف يعطيكى شكلا لطيفا
ملاحظات:
ومن الممكن ان تبدعى انت فى التزيين كما تشائين بلمساتك
الرقيقه يافتوكه
ده السويسرول

[ام بسنت]

المقادير:
1 كوب سميد
1 كوب سكر
1 كوب جوزهند ناعم
1/2 كوب زبدة مذابة
1 كوب زبادي
1 بيضة كبيرة
1 م ك بيكنج بودر
م ك فانيليا
1/4 1 كوب لبن حليب
3 م ك نشا
1 كوب قشطة طازجة
1/2 م ص فانيليا
شربات (شيرة) (2 كوب سكر + 1/2 1 كوب ماء يذابا معا على النار حتى الغليان ثم توضع ملعقة كبيرة سمن ويرفع من على النار ويترك ليبرد)
فستق ناعم للتزيين

الطريقة:
1 1- لعمل الحشوة يخلط الحليب مع النشا ثم يوضع في طنجرة على نار حتى يتماسك شوية ثم تضاف الفانيليا و القشطة أو القيمر و يخلط جيدا و تترك ثواني على النار حتى تتماسك
2- لعمل عجينة البسبوسة تذاب الزبدة على نار هادئة ويخلط السكر و جوز الهند و السميد و البيكنج بودر ثم تضاف البيضة و الفانيليا ثم الزبدة و الزبادي ( الروب ) و تخلط حتى تصير عجينة لينة
3- يوزع 2/1 مقدار السميد في طبق بايركس زجاجي ثم توزع القشطة دون الوصول للأطراف ثم يوزع باقي السميد مع الإبتداء من الجوانب
4- تخبز في فرن حرارته 180 من 20 : 25 دقيقة حتى يصير لونها ذهبي
5- تصب الشيرة على البسبوسة الساخنة و تزين بالفستق.

بسبوسه بس عايزه اقولك السميد ده فرط من عند العطار مش الكيس

[ام بسنت]

المقادير:1 كوب جوز هند
2 كوب دقيق
3/4 كوب زبدة
2 بيضة
1 كوب سكر
1 كوب لبن
فانيليا
بيكنج بودر
مقدار الشربات: 2 كوب سكر، 1 كوب ماء، عصير ليمونة، فانيليا التحضير:1- يتم عمل الشربات أولا وذلك بإضافة السكر للماء ووضعه على النار وتقليبه حتى يذوب السكر ثم تركه حتى يغلي ثم تضاف عصير الليمونة والفانيليا ثم يترك يغلي لدقيقة ثم يرفع من على النار ويترك ليبرد تماما.
2- يخفق الزبد مع السكر في الكيتشن ماشين ثم يضاف اللبن والبيض والفانيليا.
3- يضاف الدقيق لثلاثة أرباع كمية جوز الهند ويضاف لهما البودر ثم يضاف إليهم الخليط السابق يقلب جيدا حتى تمام التجانس.
الطبخ: 1- يصب الخليط السابق في صينية مبطنة بالزبد والدقيق ثم توضع في الفرن لدرجة حرارة عالية لمدة 15 دقيقة ثم تقلل درجة الحرارة ل180 درجة لمدة 30 : 45 دقيقة وتختبر الكيكة كما في طريقة عمل كيكة البراوني.
2- فور خروجها من الفرن يتم عمل خروم بالشوكة على سطحها ثم يصب الشربات عليها وتترك لتبرد وقبل تقطيعها يرش جوز الهند المتبقي على سطحها. ملاحظات: يجب تسخين الفرن قبل البدء بعمل التحضير ولا يجب فتحه _ بعد وضع الكيكة _ قبل مرور 30 دقيقة.
يمكن زيادة كمية الشربات حسب الرغبة.
دى كيكه الراونى بالشربات وجوز الهند

[ام بسنت]

مصر - مصر)
تاريخ التسجيل: 1/2008
المشاركات: 6,024
المواضيع: 233



طبقات الكيك بالفواكه لذيذه












المقادير:

كيك بالفانيليا

كأس حليب

كأس لبن زبادي

5 ملاعق كبيره حليب بودره

2/1 ملعقة شاي فانيليا

4/1 كأس سكر

4 مغلفات دريم ويب

شرائح خوخ

كأس كريمه مخفوقه

ملعقتا طعام سكّر مطحون

فواكهه طازجه مثل الخوخ والبرتقال والتوت وهكذا حسب الرغبه








الطــــــــــــــــريقه:

فتتي الكعك وضعي كميه منه في كل كأس من كؤوس الحلى او الوعاء

الكبير واكبسيه جيدا ، رشي عليه قليلا من شراب الخوخ .


اخلطي الحليب والدريم ويب والزبادي والحليب البودره والسكر في طاسة

متوسّطة واخفقيهما بمخفقة السلك حتى يصبح الخليط ناعم وسميك .

ضعي ملعقة من الخليط السابق على الفتات ومن ثم انثري عليه كميه من

الفتات مره اخرى واكبسيهم جيدا . رتّبي الخوخ أو البرتقال على الفتات .

اخفقي الكريمه اللباني والسكّر في الخلاطة حتى تتشكل القمم المتصلّبه

وزيني الطبق بها .

رصي الفاكهة في الطبقه العليا ثم برّديها من 2 إلى 4 ساعات وقدميها

بارده .

وبالهناء والعافيه

بصى شوفى انتى عايزه تعملى ايه وانا ادورلك واجبلك وكل سنه وهو طيب وعقبال 100سنه ان شاء الله ويارب اكون افدتك

[ام ميداء]

انا كمان البسبوسة الاسفنجية لام سعيد هتلاقيها فى مواضيعها
تحفففففففففففففففففففففففففففة
بس هى نسيت تقول الشربات كوب ونصف سكر+كوب ونصف ماء+ليمونة
الشربات سخن والبسبوسة سخنة

[اسماء ام عمر]

بارك الله فيكي يا ام بسنت
بفرح اوي لما حد يرد عليه. بصي ياستي :انا عندي خليط كيك شيكولاته جاهز هعمله وعندي خليط بسبوسه العلالي جاهز برضه وعايزه اعمل بلح الشام جوزي كان نفسه فيه بس اتمني يظبط معايا من اول مره. وعايز اعمل كيكة حلوه و صغيره وازينها بشكل العاب والوان الاطفال وعندي شيكولاته خام ابيض واسود وملون طعام الوان. محتاجه مساعدتك في حاجه:مكتوب علي علبة البسبوسه يضاف لها 3/4 كوب زبادي و1/3 كوب سمن بس بتبقي سميكه أوي وبتطلع ناشفه تفتكري ليه
انا عايزه منك طريقة بلح الشام
وجزاكي الله خيرا

[ام بسنت]

فعلا اعملى طريقه ام سعيد فى البسبوسه جميله جدا ومقاديرها اكوب كوب سميد
نصف دقيق
2 بيضه
ا سكر ا زيت
ا حليب
فانليا وشويه بيكنج بودر
اكوب جوز هند
تخليطى السوائل الاول والبيض وتضربى وتحطى باقى المقادير والفرن يكون سخن من قبلها وتحطيها فى النصف تلت او نصف ساعه لماتلاقيها احمرت والشربات دافى بحراره الغرفه والبسبسوسه سخنه طبعا وهى طالعه من الفرن

[ام سعيد]

اسمحيلى أرد عليكى فى البسبوسة
بالنسبة للبسبوسة الجاهزة (عن تجربة)أنا بأضيف لها كوب زبادى وربع كوب سمنة وملعقة بيكنج بودر وبعد ما تقليبيهم هتحسى أنها يابسة شوية فتقومى تحطى فى كوب الزبادى شوية لبن (تخضيها بيها)وبعدين تحطيها على الخليط هتحسى بقى لين شويه وتدخليها الفرن وتكونى عاملة الشربات يبقى بارد والبسبوسة سخنة تحطية عليها.
وممكن ترشى عليها شويه جوز هند أو تحطى جوز هند جوه الخليط قبل ما يدخل الفرن.
بلح الشام هتلاقيه فى قسم الحلويات أنا بصراحة مجربتوش.
وأى خدمة أنا تحت أمرك

[ام سعيد]

شكرا ليكى ياام بسنت وطريقة البسبوسة ده تحفة إنما أنا قلتلها على الأكياس الجاهزة
والشربات مش بارد بمعنى ساقع لا يكون دافى عادى ويستحسن تعمليه قبل ما تعملى البسبوسة

[ام بسنت]

على فكره ام عمر اناقريت لسه دلوقت فى منتدى تانى عن الكيكه الاسفنجيه لقيت مكتوب تضربى البيض والسكر والفانليا والمحسنوربع كميه الدقيق تضربى بسرعه عاليه وبعدين متوسطه وبعدين تحطى باقى الدقيق وتعملى سرعه عاليه نصف دقيقه ولماتطلع وتبرد تجيبى سكينه وتحطيها فى ميه سخنه وتشيلى الجوانب الناشفه منها

[ام بسنت]

كانت محاولاتي كثيرة مع بلح الشام حتى يكون مثل الذي نشتريهوالحمد لله هدانيالله لهذه الطريقةأرجو أن تنفذوها ويارب تعجبكمالمقادير/
- 2 كوب دقيق
- 1كوب ماء
- 1/2 كوب سمن+ زيت
- 6بيضات- فانيليا 1ملعقة متوسطة خل
الطريقة:يوضع الماء مع السمن والزيت على النار وعندما يغلي يضاف الدقيق.ويقلببسرعة مع تهدئة النار حتى يصبح العجين كالكرة, تبعد عن النار وتوضع فيإناء واسعحتى تبرد ثم أضيفي البيض واحدة بعد الأخرى.مع التقليب أضيفي الخل وقلبي جيدا ثمأضيفي الفانيليا بعد ذلك ضعيالعجين في ماكينة بلح الشام.في زيت غزير ساخن اقليأصابع بلح الشام مع تهدئة النار أثناء التحمير ثم أخرجيه وضعيه علىورق شفاف حتىيتخلص من الزيت وعندما يبرد ضعيه فيالشراب البارد ثم ارفعيه ورصيه في طبق ورشيعليه جوزهند.
ملحوظة / لا تضعي البلح وهو ساخن في الشراب حتى لا يلين.لو عايزاه لين بقه حطيه فى الشربات على طول بيبقى طرى بس لازم يكون عندك قمع بلح الشام يكون كبير كده الوش بتاعه وبالف هنا

[فرحه]

بسم الله الرحمن الرحيم

شوفى يا سمسمه يا قمر هذه طريقتى الخاصه جدا وطريقة امى كمان فى عمل الكيكه الاسنفجيه وفعلا بتبقى شكل السفنجه عاليه وخفيفه وتزوقيها كيفما تشئيين جربيها وادعيلى
المقادييييييييييييير :-
* 6 بيضات
* باكو بيكنج بودر كامل
* كوب دقيق (شوب )
* كوب سكر بودره ( نفس الكوب اللى عبرتى بيه الدقيق تعبريه سكر )
*باكو فانيليا كامل

-:الطريـــــــــــــــقه :-

1- يضرب البيض جيدا بمضرب كهربائى حتى يكون هشاً جدا
2- ثم يوضع عليه السكر البودرة والفانيليا ويوضع فى شئ غويط ويضرب الخليط ضربا جيدا جدا جدا وعلى قد ما تضربى على قد ما تعلى وتبقى خفيفه جدا
3- ثم يوضع عليه كوب الدقيق والبودر ويخفق باليد جيدا لا بالمضرب حتى يصبح سائل يصب
4- نحضر صنيه متوسطة الحجم ليست كبيرة ولا صغيره ونبطن قعرها وجدرانها بالسمنه ثم نضع على السمنه دقيق وتسمى هذه بطانه ثم يصب عليها الخليط وتسويها فى الصينيه بحيث تكون متساويه تماما
5- فى وقت تحضير كل هذا نشعل الفرن هادئا تماما من فوق ومن تحت وعندما ننتهى من التحضير يكون اصبح الفرن محمى
6- نضع الصينيه فى الفرن ونتركها لمدة ثلث ساعه بالظبط دون فتح الفرن عليها نهائيا الا بعد ثلث ساعه ثم نخرجها من الفرن وتترك حتى تبرد تماما ثم تزوقيها كما تحبين

ومش حقولك ع النتجه جربيها ادعيلى وبالهنا والشفا لعمور

[أم الطيب]

دي طريقة بلح الشام وانا جربته طلع رائع بجد

http://food.fatakat.com/recipe270.html

[أم الطيب]

ودي كيكة اناناس بالكراميل تحففففففففففففففة وقلت لرحاب عليها عملتها يوم الجمعة وقالتلي انها طلعت خرافة
http://food.fatakat.com/recipe40.html