[misskarmen]

مرة واحد مسطول مسك الفرخة من زمارة رقبتها وقال لها كل يوم بيض كل يوم بيض مفيش جبنه

*******

واحد غبى حبيتين عينوه مدير ملجأ أيتام اول قرار اخده اجتماع لأولياء الامور

*******

واحد عنده مزرعة فراخ وكانت فاشلة جدا راح لمهندس زراعي وقاله: أنا مش عارف أزرع الفراخ, زرعتها من رجليها مطرحتش زرعتها من جناحها مطرحتش زرعتها من دماغها مطرحتش. المهندس قاله: روح هاتلي عينه من الأرض

*******

ترزي متجوز واحدة قصيرة فكلها التنية

*******

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

*******

واحد بيقول لمراته انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل ... عسل

*******

واحد باشا دار عليه الزمن وافتقر حب يشتغل, إشتغل بياع فجل وجرجيرطول النهار واقف فى السوق ولابس طربوش وبينادي: فجل يا حوش .. جرجير يا كلاب

*******

اتنين مساطيل واحد سال التاني هو النهارده السبت و لا الحد قاله الاتنين قال ماشاء الله هما بقو سوا

*******

واحد دلوعة اوي ابوه جبله شريط اسلامي عشان ينصلح حاله تاني يوم الاب رجع البيت لقى ابنه متحجب

*******

واحده ست اشتركت فى من سيربح المليون جوزها طلقها عشان اتصلت بصديق

*******

مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

*******

واحد كهربائى..ابنه سخن ركبله ترانس

*******

كان في واحد شكله وحش قوي قوي قوي عايز يتجوز فراح واتقدم لواحده, فبيقول لأبوها :انا يا عمي بلا فخر عملت نفسي بنفسي
قاله: ما انا برضه بقول استحاله تكون خلقه ربنا

*******

واحد مسطول راح صيدلية يشترى جبنة حاول الصيدلى يفهمه ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون

*******

مرة واحد ميكانيكى دخل فرح نقط زيت

*******

عربجى كارو دخل فرح قال رفصنى ياجدع

*******

فكهانى دخل فرح رقص عشره بلدى و عشره بسره

*******

واحد قال نكتة قديمة طلع تراب من بقة

*******

واحد حب يصطاد ارنب قلد له صوت الجزر

*******

مرة واحد اتزنق في قرشين فعصوه

*******

واحد سباك سايب رسالة على التليفون يقول
اترك اسمك وعنوانك بعد سماع صوت السيفون

*******

واحد حانوتي فتح محل فاكهة قام كتب يافطة المـوز علينا حـق

*******

اتنين مساطيل واقفين مستنيين الاوتوبيس فالاول بيسأل : هنعرف الاتوبيس ازاى التاني قاله بسيطه اللى هيجى يقف هنا يبقى اتوبيس قاله طب والكومسارى قاله: بسيطه اللي حيحط ايده على كتفك يبقى الكومسارى ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهاله فقالهم : انا مش الكومسارى انا ضابط بحريه قاله شوفت شورتك المنيله ادينا ركبنا باخره

*******

تلاته عمالين بيحششوا فى مزرعه طب عليهم البوليس استخبوا فى تلات أشوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه وراح عالشوال التانى و شاطه قام الحشاش اللى جوه قعد يأدن ويقلد صوت الديك الظابط سابه و راح عالشوال التالت برضه شاطه برجله الحشاش التالت متكلمشى..شاطه تانى بس بالجامد برضه متكلمش .. شاطه تالت
طلعله الحشاش يقوله بطاطس بطاطس انت مبتفهمش

*******

مره واحد مسطول بيصطاد سمك بالحشيش طلعتله سمكه بتقول : انا تمساااااااااح

*******

مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش
وفجاة وهو قاعد سمع خبط على الباب فقال مين رد علية اللى برة قاله بوليس فراح مقطع ال200 جنية بتوع الحشيش

*******

واحد بياكل رز معمّر ... راح ضارب في وشو



ههههههههههههههههه

[أمولة]

ههههههههههههه







http://content.sweetim.com/tbsig/sig.asp?img=ad1

[زوزو الهلالي]

جزاكي الله خير ضحكتيني انا والاولاد
شكرا

[nona.ezzo]

جعل الله ابتسامتك عادة وكلامك عباده
والله ضحكتيني وانا ليا اكتر من سنة مشفتش العدد ده من النكت الجديدة مرة وحدة

[nona.ezzo]

هذه اضافة مني ليك يا مس كارمن يمكن نضحكك زى ما ضحكتينا

واحد مستعجل تزوج وحدة مستعجلة جابو عيل مش فاضي

وحده قالت: بكم هذا ياحجي. قال: اناوالله ماحجيت بس اعتمرت

يعني قوللي ياعمري

واحد راح للبحر ولقى وحدة تغرق وتطلب النجدة ... قال لها : عطيني يدك قالت اطلبها من أبوي

وحدة كلمت ام بي سي وقالت اهدي الاغنيه لخطيبي بمناسبة وفاة امه

وحدة هربت من البيت ركبت تاكسي قالها وين قالت والله ما قلتش لاهلي عاوزني أقول لك

[بندق]

زى العسل انا ضحكت جداجدا ومجموعة نكت تجنن

[نيللى]

خههههههههههههههههههههههههههههههه

[ام الابطال]

هههههههههههههههههههههههههههههههههههههه مشكورة ياعسل

[meramied]

http://content.sweetim.com/tbsig/sig.asp?img=ad1

[ام جويريه وعلى]

اضحك الله سنك

[misskarmen]

بأشكركم ياأأحلى فتوكات ف النت كلوووووووووو

[أسعد أم]

جزاك الله خيرا ضحكتينا
عسل والله

[يارب ابقي عروسة]

كلهم حلوين بس نشيل النكت اللي فيها تريقة علي الشرائط الاسلامية وتريقة علي خلقة ربنا ارجوكي عشن كده انتي هتاخدي ذنب مش مهم الناس تضحك قد ما مهم يدخلوا المشاركة يخرجوا من غير ذنوب
علي فكرة انا تضحكت برده جزاكي الله الجنة