[ريري]

اسالى زوجك هذا السؤال اذا كنت حريصة ان تملكى قلبه ، ولكن ارجوك لا تساليه الا عندما تكونان معا فقط اى بدون اطفال او ازعاج ، وكونى متجمله ورقيقه ولا تغضبى او تدافعى عن نفسك ، لان زوجك يراك بوضوحا اكثر مما ترين نفسك ، ولكن ليس هذا فقط ما اريد الوصول اليه وانما اريدك ان تجعليه (بذكاء) يسالك نفس السؤال!
وهنا وصلنا الى اخطر ما بموضوعنا فيجب عليك ان تكونى حذره جدا وان تنتقى الكلمات المهذبه الغير جارحه وتكلمى بلطف شديد، واكثرى من قول(اناباحبك وباموت فيك )(وانت اجمل راجل فى الدنيا) وعددى من صفاته الجميله ،واخيرا قولى عيب واحد من عيوبه ،فاذا تقبل فاكملى بحرص
فاذا فعلنا ذلك من وقت لاخر اعتقد ان هذه الحوارات ستجعلنا متفاهمين ومتقاربين اكثر
ولكن لا تنسى بعد هذه التجربه ان تتخلى عن الكثير من عيوبك
ادعو الله ان يجمع بين قلوبنا وقلوب ازواجنا بالحب والمودة والوئام وان نبنى بيوتا صالحه تعز الاسلام

[فتكات]

اللهم امين .. جزاك الله كل خير!

[hana]

نقاط رائعة ومهمة افادتنى كثيرا ونحن حقا بحاجة ان نكون اكثر ايجابية فى حوارتنا ...جزاك الله خيرا

[rosygirl]

الله عليكى يا ريرى دة الى كنت بقولك علية حاجة بجد حلو اوى فيكى انك بتحبى تفيدى الناس من خبريتك وتجربك بجد ماشاء الله انت مثلى الاعلى فى الحياة الزوجية ويارب دايما كدة وربنا يبركلك فى زوجك واطفالك وعقلك المنير المفيد دائما

[صائمه]

اافادك الله سنحتفظ بهذه الخبرات حتى يرزقنا الله الازواج الصالحه

[ريري]

ادعوا الله العظيم رب العرش العظيم ان يرزقكن الازواج الصالحين وان تزدن الاسلام بيوتا عامرة بذكر الله .....اااامين

[نهى بدر]

انا حاولت اعمل كده اول ما اتجوزت من سنه بس دايما جوزى بيشوفنى غلط فى كل حاجه وهوه مش بيغلط خالص انا مش عارفه اعمل ايه ياريت تفدينى

[ام مهند]

المشكله ياحبيتي بعد هذه اللحظه الجميله ممكن كل شويه يقولك مش انا كده ويعدد العيوب اللي انت قولتيها اعتقد ان افضل حاجه ان انت اكيد عارفه عيوبه وبرضه عارفه عيوب نفسك بس احنا مبنحبش نفكر فيها ولكن اذا جلست مع نفسك شويه وفكرت هتلاقيها بس بجد موضوع حلو ياقمر وعجبني البدايه الرومانسيه قوي

[أم لوجى و ملك]

شكرا لك موضوع مفيييييييييييد جدا جدا

[ريري]

ارجو منكن التطبيق لتحقيق الايجابيه فى بيوتنا،وباقول للاخت نهى حاولى وما تياسيش حتى لو جوزك هاجم كلامك لانه بعد كده هايفكر فييييه،بس الاهم ان لازم يكون كلامنا مع ازواجنا كله حب ورومانسيه ودلع حتى يتقبلوا منا كل ما نريد قوله
جزاكن الله بيوتا عامره بحبه تملؤها الموده .......امييييييييييييين

[توته1]

كلامك صح يا ريري وبجد الأسلوب الناعم والرومانسي له تأثير قوي في نفس الزوج وما كان الرفق في شئ إلا زانه وفي الأول والآخر احنا نعمل اللي علينا ولاننتظر الجزاء إلا من الله وقد قال رسول الله صلى الله عليه وسلم ان الخير لا يأتي إلا بالخير)

[داليا محمد نور]

ده اسلوب جميل اوي وانا على طول بعمل كدة مع خطيبي وبيجيب نتيجة لانه بيشوف فية اخطاء انا بكون في غفلة عنها وبصلحها بعد كدة عشان احافظ عليه وهو كمان بيعمل كدة ـ شكراااااااااااااااااجدا

[سندريلا79]

بجد فعلا موضوعك جميل جدا
وانا فعلا موافقه على كل اللى انتى قولتيه
وانا فعلا فى ساعات الصفا والروقان
بعمل كده وفعلا النتيجه بتكون كويسه جدا

[simooooo]

شكرا حبيبتى تسلميلى

[monee_2020]

والله الصبر والحكمه لهم اثر كبير جدا وخصوصا ان الزوج مبيحبش ان الواحده تنتقده لازم تبين له عيوبه باللحكمه وزى ما هى بتحب ان محدش ينتقدها انه برضه تهديه النصيحه بالحب

[نهنوهة]

فعلا طريقة هايلة بعملها على طول وبتجيب نتيجة روعة بس بتعامل بحرص علشان زوجى دماغه كبيرة وتقريبا بيحاسب على اخطاءه يعنى انا على طول تقريبا بيكون الغلط منى فنادر لما بسأله عن عيوبى
وعلى فكرة يانهى انا كنت زيك فى الأول حاولى توصلى له افكارك بطريقة صحيحة علشان ميفهمكيش غلط واحسن حاجة خليكى على طبيعتك ومتبقيش متكلفة ده ح يخليكى اكتر وضوح معاه
وخللى بينكم كل فترة عتاب مع بعض وده غيرانكم تسألوا بعض عن عيوب بعض
اكيد كلنا فينا عيوب سواء راجل او ست
بس لو عند زوجى عيب بقوله له بطريقة مرحة لطيفة
او ممكن اقول العيب اللى عنده عندى انا وافضل اكلمه عليه اكيد ح يحس ان ده بيضايقنى وح يتغير وبردو مااكونش جرحته
شكرااااااااااا جدا على الموضوع الجميل

[Hanan Fouad]

انتى بنت حلال انا كنت لسة بتكلم فى الموضوع دة مع بعلى

كنت بقول لة يا ريت نحاول نصلح اخطانا لان دة فى الاخر حيعود على بيتنا بالسعادة

[alhorah]

شكراً لك أختي
على النصيحه المفيده فعلاً
بارك الله بك ورعاك

موفقه

[***unicorn***]

ريرى انتى عســـــــــــــــــــــــــــل وفعلا دى نقطه مهمه فى حياه الازواج انك تشوفى نفسك من عينى هو يعنى تتعرفى على نفسك الىمنش عارفاها
بس لي تعليق والله مع احترامى الشديد لرايك
ان مش كل زوج تنفع معاه النوعيه دى من الاسئله
لانه فى نوع عنده اسقاط (يعنى يجيب الى فيه فيكى)يشوفك فى كل الاحوال مقصره وانك بتساليه علشان ضميرك واجعك وبتتكلمى معاه من قله ثقتك فى نفسك وده كل المناقشه هتدورى معاه وتلفى علشان تطولى كلمه حلوه ومش هتنوليها(وادى ذقنى)
فالاحسن انك متحاوليش مع النوع ده
بس ممكن فى مره تلمحى ليه من بعيد (اد 1000 كيلوكده)انا محتاره ياترى ااقولك ولا بلاش؟؟؟؟؟؟؟؟؟؟ هيقولك قولى!!!!!!! لا هتزعل للامش هزعل قولى
انا زعلت منك فى كذا واى موضوع تكونى انتى الى خلطانه فيه
هيستغرب ويبدا برده دانا الى لي حق ازعل منك دا انتى.....
وتقولى احنا هنقلب لبقعده يبقى ملوش لازمه
هيقولك لا على ايه تقومى وتيجى وتقولى يعنى انت زعلت منى ....
هيقولك مخلاص هنا اقولى الى نفسك فيه وكلمى الموضوع بتاع ريرى وياااااااااارب
اصلح حاااااااااااااااااال كل الازواج

[ريري]

مش معقوله يا ريرى(ينيكورن)انت عقدتينى فى صنف الرجال وحسيت انه(مافيش فايده)
هو فى فعلا رجاله كتير بيكون صعب انك تتكلمى معاهم بحريه ،بس على قد ماتقدرى حاولى تتكلمى حتى يظل قلبك نقيا ويحمل له كل الخير والحب،ودائما لما بتريدى تتكلمى فى هالاشياء وضحى له انك ما بتحاولى تنقصى قدره وانما لانك تحبيه وتريدين محبته لاخر يوم ..
شكرا لاضافتك الجميله يا نهنوهه،وشكرا لكل من مرت واضافت رأيها