[fatmagdey]

السلام عليكم
انا يا جماعه عاوزة رأيكم عيد ميلاد خطيبى قرب وعاوزه اجبله هديه تكون حلوة ..للعلم ده اول عيد ميلاد هجبله فيه هديه
(انا قبل كده جبت برفان هوجو ومخده حلوة في عيد الحب)
ارجو قولولى رأيكم اجبله اييييييييه
فاطمه

[ام ميداء]

انا جبت لجوزى اول عيد ميلاد ميدالية فضة

[um_tareq]

أنا جبتله ساعة يد
أو اشتريله ( قميص + بنطلون) أو تي شيرت

[fatmagdey]

شكراااااااااااااااااا

[emyaly]

حلو اوى لو جيبتيله ميداليه فضه عليها اسم الله يحفظه

[samasemo]

بصى يا فطومة انتى ممكن تجيبى حاجات كتير بس المهم تكون مفيدة له وحيستخدمها ومن تجربتنا لازم تهتمى بتغليفها احنا كان اول عيد ميلاد لازواجنا واحنا مخطوبين كنا جايبين هدية عادية جدا ومكناش عارفين ان اهلهم كلهم حيبقوا حاضرين ولحسن حظنا كنا مغلفنها فى احدى المحلات المتخصصة فى تغليف الهدايا صدقينا التعليقات كلها كانت على اللفة الهايلة ونسيو الهدية نفسها وما تنسيش بطاقة صغيرة فيها كلمة رقيقة

[واحدة من الناس]

انا اول هدية جبتها لجوزى ايام الخطوبة كانت سبحة فضة وكانت جميلة جدا

[مؤمنة باللة]

كل سنة وانتم مع بعض انا جبت لزوجى مدلية فضة وبرفان

[fatmagdey]

اشكركم جميعا على الافكار الحلوة دى

[hana]

انا جبتله بيجامة بيت حلوة اوى وقميص خروج

[nefrtlove]

انا ارشح الميدلية الفضة اوى
لانى بفكر اجيبها لخطيبي
وتكتبي لى كارت جميل
عقبال ما تحط فيها مفتاح شقتنا او عربيتنا مثلا
شكرا ليكي

[أم لوجى و ملك]

انا جبت لزوجى اول عيد ميلاد له قميص وبنطلون من نفس ماركة ملابسه
وكمان سى دى لعمر خيرت لانه بيموت فيه
وفرح بالهديه جدا
واهم حاجه التغليف يكون شيك

[الداعسه]

ممكن برفان وبوك

[rehab]

جيبيله ساعة يد

[مونى88]

انا من رايهم ساعة وميدالية

[shosho90]

ميداليه حلوة بس الاحسن تكون هديه الشقه بتعتك لى انشاء الله وشوفى حاجه هو محتاجه

[mody]

ممكن ميداليه فضه عليها اسمه

[mon]

انا جبت ترنج رياضى او ممكن انتى تجيبى له بيجامه الفرح وتكن بيضه
وكل سنه وانتو مع بعض

[منااااااال]

الصراحة يا اختي
نحن لا نحتفل بعيد الميلاد ولا نهدي هدايا بعيد الميلاد ولا بعيد الحب ولا بعيد الكواز

انا جوزي بيشتريلي ثياب بعيد الاضحى او اي حاجة تانية حلوة
ممكن تشتري لخطيبك عطر او تشتري له كيكة عيد الميلاد تكون على حسابك وتكتبي فيها اسمك واسمه
ربنا اهنيكو يا رب

[هنية المتهنية]

شوفي يا حبيبتي جيبيله ساعة يد فاخرة أو مجموعة عناية بالبشرة للرجال بالروائح اللي انتي بتحبيها