[أميرتى يمنى]

على فكرة الميدلية الفضه أحسن هديه وياريت تعمليها عموله يعنى تدمجى فيها حروف أسمك مع أسمه معليش هى هاتكلفك بس هاتطلع روعة وتغلفيها تغليف شيك قوى وبعدين تحطى معاها كارت صغير وفيه كلام رقيق
وربنا يهنيكوا يارب ويجمعكوا على خير

[هنية المتهنية]

انا وصلني ايميلك و انبسطت كتير بالنسبة للهدية ممكن تشوفي مجموعة عناية بالجسم و البشرة عند Natural looks و Natural care و هدول الهم فروع كتير في كل الدول العربية شوفي في المولات و الله يوفك

[roia]

بصى يا قمر انتى ممكن تجيبيله كرافتة لو هو بيلبس بدل وممكن طقم مكتب لو هو شغله على مكتب وممكن ميدالية فضة وممكن برفان بيور بلاك دة شيك اوى وشكله حلو وممكن تعملى سى دى مع الهدية تكتبى فيه كل الكلام اللى عايزة تقوليه وتحطى صور خطوبتكم عليه او لو ليكوا صور مع بعض وممكن تجيبى ولاعة شيك لو هو بيشرب سجاير او لو انتى عايزاه يبطل فى طفايات سجاير شكلها مرعب شوية وممكن تخليه يقرف من السجاير ويخاف يشربها بسبب شكل الطفاية
انا عارفة انى رغيت كتير اوى بس انا حبيت اقولك كل الافكار اللى عندى

[fatmagdey]

لا مش رغيتى كتير ميرسي ليكى وافكار حلوة اشكرك عليها

[smsma amr]

حبيبتى فاطمه
اولا ربنا يهنيكو ببعض ويجعل ايامكم كلها افراح واعياد
انا مخطوبه بقى لى سنه ومن واقع تجربتى انصحك دائما ان تكون لكى لامساتك الخاصه فى حياه خطيبك وان الهدايا تكون اشياء هو هيستخدمها شخصيا علشان تكونى معاه فى كل وقت مثلا مج شيك يستخدمه فى البيت او الشغل علشان تكونى معاه دايما وانصحك بتاجيل فكره بيجامه العريس دلوقتى لان وقتها لسه مجاش انشاء الله تجبيها قبل الفرح بفتره صغير احلا واهتمى جدا بتغليف الهديه وطريقه تقديمها وان تكون فيها ابهار
مع تمنياتى لك بحياه سعيده

[@@خبيرة تجميل متخصصة@@]

حبيبتي
لازم الاول تعرفي خطيبك بيحب ايه وايه الهدية الي تسعده
انا مثلا زوجي اي حاجة تخص السيارة يحبها جدااااااااااااا ومش بيحب البرفانات اووووووووووي
جوزي برده بيحب الفضة
لازم الاول تعرف بيحب ايه ودي هي شطارتك ياعسل

[غاده الصايغ]

ربنا يهنيكم ببعض وتبقي ايامكم كلها اعياد
انا جبت لاحمد جوزي في اول عيد ميلاد دبوس دهب للكرافت كان حلو اوي وشيك بحرف A وجبتلوا معها تورته واباجوره صغيره للسرير كانت هديه جميله وبعد كده لما اتجوزنا جبها في البيت ,بعدين بقيت بجيبله برفانات ومره ساعه

[roia]

بصى انتى ممكن تعملى له صورته على مج او على تابلوه خشب صغير او على مخدة بس المهم بقى الحاجات دى بتتعمل فين ياريت اى حد يعرفنا

[حنان السيد]

بصي يا فاطمه اول حاجه لازم تهتمى بيها وهى فعلا اهم من الهديه انك تعمليله عيد ميلاد صغير على قدك انتى وهو بس وممكن تحطى على التورته صورة خطوبتكم او ممكن تحطى صورته وهو صغير هاتبقا لفته جميله اوى والهديه لازم تكون حاجه بيحبها وانتى بتفهمى فيها عشان ماتجيبيش حاجه مش كويسه يعنى لو برفان هاتى ماركه كويسه وكمان ممكن ميداليه فضه وماتخليهوش يحط حاجه فيها الا مفتاح شقتكم انشاء الله واهم حااااااااااااااجه التغليف بتاع الهديه بيعمل انطباع لذيذ جدا وفى دلوقتى محلات للتغليف
وكل سنه وانتو طيبين

[fatmagdey]

وانتى طيبه شكرا ليكى يا قمر وكل اللى قلى على رايه

[elbatool5]

انا جبت لجوزى فى عيد ميلاده الاول بعد خطوبتنا برفان وميداليه فضه لسه معاه لغاية دلوقتى وغلفتها تغليفه تحفه بهرته اكتر من الهديه نفسها وعشان العمليه تبقى مفاجاه رحت البيت عنده الصبح وهو فى الشغل وخليت اخته تحط الهديه على سريره
وتانى عيد ميلاد جبت برفان من مزايا وساعة يد البا
وتالت عيد ميلاد واحنا متجوزين جبت محفظه جلد طبيعى من عند مومنتس
وياريت فى اليوم ده تعزميه عندك وتجبيله تورته وتحتفلى بعيد ميلاده مع اسرتك وانا جوزى لما عملت معاه كده فى عيد ميلاد غير طبعا الهديه التحفه كان يجيب معاه تورته عشان يحتفل بعيد ميلادى فى البيت معايا

[برتقال سكرى]

والله اول هدية دى مهمة جدا جدا جدا
وعلشان كده والله مش فاكرة انا كنت جايبة ايه!!!!
ههههههههههههههههههههههههههه

[كادبورى 81]

السلام عليكم ورحمةالله وبركاتة

انا بنصحك يا فاطمة تجيبيلة حاجة عملية وقيمة وفى نفس الوقت تكون حاجة بيستخدمها يوميا عشان يفتكرك وانا عملت كدة وجبت محفظة
يعنى ممكن تجيبى محفظة وتكون جلد طبيعى عشان تبقى عملية وكمان قيمة جدا يا ريت الفكرة تعجبك .

[looolita94]

ممكن تعمليلو عيد ميلاد خاص بيكوا يبقى لوحدكو انتو الاتنين وتجيبى تورتة وتحطى صورة خطوبتكوا وكل ده طبعا يبقى مفاجأه وتجبيلوا برفان ماركة كويسة وساعة حلوة او ممكن تجيبى حاجة من واحدة من الاتنين بس تبقى ليها ماركة وغلافها يكون حلو

[fofa]

المدليه قليله اووي لازم يكون معاها حاجه الساعه علشان تكون قيمه هتعدي الحدود لانك اكيد هتجبيها ماركه وسيبك من اللي يقولك الهديه موش بقيمتها اصله موش صاحبتك بتتفضل اهله مسكنهالك العمر كله جيبي طقم خروج + البرفان اللي بتحبيه انا جيبتله نمرايوه نمرغالي وقيم مايتنسيش