[شكران]

عاوزه واحده تكون جربت الشاي الاخضر وتقولي هو بينفع مع الرجيم ولا لأ يعني بيخسس ولا إيه ....جوزي كان جابه وجينا نشربه محبيناهوش ورحت عامله كوبيتين شاي أحمر من اللي بيعدلو المزاج وكانسلنا الشاي الاخضر دا ........بس الايام دي باسمع إنه حلو للرجيم فهل دا فعلا ولا إيه وباسمع إنه مع النعناع والزنجبيل أفيد كمان للتخسيس..أرجوكم فيدوني وشكرا ليكو يا فتاكوات المنتدي الجميل

[moheyeldin]

اختى فى الله
اولا الشاى الاخضر مفيد جداً بشكل عام
اما بالنسبه للتخسيس فهو يساعد فى عمليه حرق الدهون
وهناك انواع كثيره من الشاى الاخضر
مثل الشاى الاخضر مع النعناع او الزنجبيل او حبه البركه اوالليمون
وارجو ان اكون استطعت اِفادتك

[ام ميداء]

السلام عليكم
الشاى الاخضر مفيد جدا -هو فى الاول بيبقى غير مستساغ بعدين تتعودى عليه
انا عن نفسى حبيته بشعرة قرنفل
وفى موضوع مخصوص عنه دورى عليه فى البحث بتاع المنتدى

[شكران]

متشكره أوي أختي الكريمه علي ردك عليا ....وأنا هتوكل علي الله وأشربه أنا جبته بالنعناع وأزود عليه جنزبيل لعل وعسي يجيب نتيجه والواحد يخس شويه

[شكران]

شكرا علي مروركم الكريم والعزيز وعلي أرائكم الجميله

[الداعسه]

انا عندي النصيحه المزبوطه الشاي اللي بالنكهات يعني
اما الافضل الشاي الاخضر اللي مكتوب على العلبه انتاج الصين او فيتنام
واذا تبين التخسيس مزبوط اخلطيه مع كم ورقه مراميه ملعقه صغيره وغليه واشربيه مر وتشوفين الرشاقه تحكي وتقول انا

[شكران]

متشكره أوي أختي الداعسه وإدعي لي أخس الله يخليكي وشكرا علي مرورك الكريم .....بس إنتي مجربه الطريقه دي وملهاش أضرار

[الداعسه]

انا عن نفسي جربتها وجاراتي انهبلو على النتيجه ومالها ضرر

[أم مريم]

من فضلك اختى الداعسة
يتشرب امتى على الريق قبل الاكل بعد الاكل قبل النوم اى وقت

انا بشرب الشاى الاخضر علطول لفوايده الكتير و بشرب المراميه كمان بس عايزه اعرف استعمله ازاى للتخسيس
ياريت تقوليلى؟

[الداعسه]

يشرب مرتين او ثلاث مرات في اليوم مش اكثر من كذا
واللي تبغى تنحف مره
تاكل وجبة العشاء حبة اناناس كامله ماعدا الحوامل لانه مولد وشو الرشاقه كيف
ادعولي