[nefrtlove]

الفـكـرة أعجبتني

وأحببت أن أنقلهـا إلى منتدنا ...

سنقـوم من خلالها بـإستضافة عضو..
يقول لنا مسار يومه

من أن يصحـى صبـاحـاً حتى الليل وينـام...

بحيث يتكلم بحريـة تـامـة وبأسلـوب..عفـوي جـداً.

وياليت يكون فيه بعـض المــرح

والإنطـلاق والتحـرر من قيـود المـواضيـع الجديه

و بعـد أن ينتهـي من الرد يقوم هـو شخصيـاً بأختيـار عضـو ثاني

ويرسل لـه رسالـة خاصـه

ينبـه بهـا العضـو الـذي بعده وتتضمن الرسالة رابط الموضوع ليسهل على

العضـو الجـديــد الـدخـول والـرد وهكــذا

ليروي لنـا تفـاصيل يـومـه وكيف يقضيـه...

مـع ذكـر التفـاصيـل ليكـون المـوضوع ممتـع...وانشــاء الله يكون هنـاك تقبل للموضوع

اختكم

نفرتيتي

اذا اعجبك الموضوع و اردت نشره في المنتديات الاخرى فاستخدمي هذا الرابط:
يوم في حياة الاعضاء و المشرفات (آتـمنى آلتفآعل)
http://forums.fatakat.com/thread21528

[nefrtlove]

هااااااااااااااااااااااااااااااااا
مين يبدأ
او مين تبدأ بالترشيح

[آية من الله]

انا ارشح الاخت ام مهند هى مشرفة القسم واول واحدة تستضاف

[nefrtlove]

من فضلك يا حمامتنا ابعتى لها ع الخاص وقولى لها احنا في انتظارك
شكرا حبيبي

[ام مهند]

تم ابلغي شوفواامتي عاوزني من بكره اقولكم

يومي عامل ازاي

اما التثبيت فعلي اساس التقيييم

فارجو تقيييم المواضيع ياغالييين علشان التثبيت

شكرا

[ام شوشو]

يلا يا ام مهند يا قمرياة
انا مستنية انا بحبك فى الله

[samasemo]

موضوع حلواوى يا نفرتيتى ومستنينك يا ام مهند

[أم ايثار]

مشكورة على الموضوع يا جميل
واحنا كلنا منتظرين ام مهند العسل

[moheyeldin]

تسلمى على هذة الفكرة الرئعه
ومستنينك ام مهند عشان نستفيد منك

[nefrtlove]

هههههههههههههههه
ام مهند
خلاص
عليكى الدور
كلنا مستنييينك
اختارى اى يوم في حياتك واحكى عنه
مستنيينك
باىىىىىى

[asmaa ebrahim]

[ام شوكت]

انتى فين ياغاليه
احنا في انتظارك

[ام مهند]

اولا ياستي انا بصحي من النوم علي الساعه 10ونصف تقريبا

مبعرفش ليه وده عاده عندي من زمان لما اصحي من النوم لازم اصحي كل النائمين (ايوه اشمعني انا اصحي واقعد لوحدي ولا ايه)اغلس علي يوسف ابني لحد مااصحيه وطبعا خلال ذلك لازم ادلعه علشان مش يصحي مزمزء ويقرفني

مبحبش ابص في المرايا اول مابصحي

بصرااااااحه كده مبحبش اشوف نفسي وانا منحكشه اجري علي الحمام واغسل وجهي واسرح شعري واتوضأ واصلي واقرء اذكار الصباح للمره التانيه او للمره الاولي اذا فاتتني صلاه الفجر نسيت قبل ده بدخل المطبخ احط براد الشاي

وبعد كده افتح التلفزيون علي القناه اللي لايمكن حد يغيرها ابدا الا لما ينام سعاده الباشا يوسف قناه الاطفال mbc3ساعات يقوم من امام التلفزيون ويلعب بلعبه اللي طبعا مبعتره في كل حته في الشقه واقول لنفسي فرصه واجي جري علي الريموت ولا اسمع الا صوت صرخه تخرم اذني لا يامامي سيبيها
وبعد الفطار اللي غالبابيبقي سندويتش جبنه رومي او شيدر مربعات في الفرن وسايحه وزيتون اسود
يجي ميعاد تحضير الغداء للي في المدرسه وبعد الغدا اقعد علي فتكات ويتخلل جلوسي الاتي ساعه اقوم اشوف ايه اخبار المطبخ وخاصه ان حبايب قلبي جم من المدرسه ومابيهونش عليهم يدورا مثلا علي كوبايه او يشيلوا كوبايه الا بالامر ويسبقوه زعيق متواصل مني علشان يتحركوا بسرعه ممكن اقوم اكنس الصاله او ارتب حاجه وارجع جري علي الجهاز اشوف ايه الجديد او اعمل حاجه حلوه (كيك----بيتي فور---سينمون----كرواسون------فطائر مالحه او حلوه---اي تسالي يعني)يعني الزياده في الوزن جت من فين
وخصوصا ان زوجي عاشق للحاجات الحلوه ويوسف كمان وممكن اخرج اشتري حاجه وارجع جري برضه علي الجهاز

طبعا ده كله مع مراعاه الصلاه في اوقاتها والحمد لله

المهم لحد ماانام هو ده نظامي في الغربه اما في مصر مختلف 100%
وساعات بيبقي اختلاف في حاله يوم الاربعاء والخميس وهما يومي الذهاب الي الحديقه والحرم واذا ذهبنا الي الحديقه بيبقا يوم الباربكيو بتاعنا وعموما بيبقي يوم جميل لانه اليوم اللي زوجي بيجلس معانا نتكلم اما باقي الايام يجي من الشغل علي التلفزيون وانا علي الكمبيوتر لاني مش من محبات التلفزيون الا اذا كان هناك فيلم ابيض واسود او برنامج ديني او برنامج من كل بلد اكله او برامج حواريه زي البيت بيتك والعاشره مساءا و90دقيقه وبعض البرامج بس مش متابعاهاوالحمد لله بطلت من زمان برامج المنوعات والاغاني الحمد لله تعالي
الذ حاجه ابني مهند اليوم كنت قاعده لوحدي بدندن باغنيه مش عارفه ايه اللي فكرني بيها

لقيته وبكل ثقه وتقل بيقولي (ماما:الاغاني حرااااااااااااااااااااااااام) قلت له انا مش بغني انا بدندن ومش حافظه الاغنيه ده انا بعمل لحنها بس قالي حراااااااااااااااااااام ياماما
مش انتي كده بتسمعيني انا كمان

بيني وبينكم اتكسفت موووووت بس بقيت فرحانه قوي والله
الحمد لله
انا رغيت قوي انتم اللي طلبتوا استحملوني بقا

[ولاء محمود]

بجد فكرة جميلة اوى ويوم ام مهند يوم فتكوتى جدا جدا جدا

[مؤمنة بالله ورسوله]

يومك جميل يا ام مهند يجعل ايامك كلها سعادة يارب ويخليكى لزوجك واولادك وللفتكوتات اللى هو احنا
بصراحة ونعم النساء
ربنا يبارك فيكى وفى ايامك

[ام بسنت]

يومك جميل ياام مهند ربنا يخليك اولادك وجوزك ويبارك فيهم ويحميهم

[nefrtlove]

يوم لذيذ
ومهند شكله مشاكس
ربنا يخليه لك
ميرسي على يومك الجميل

هترشحوا مين الخطوة الجاية
هو اللى يحكي يوم يا بنات

[ام مهند]

طب انا كان المفروض ارشح

ايه رايكم في

كاتبه الموضوع

وياريت تقولي اسمك لو حتي الدلع

[ام مهند]

نسيت ياجماعه

في حاجات انا بعملها بس مقولتش عليها في يومي

زي قراءه القران والاستماع اليه في الايام اللي مابقدرش تلاوته

الذهاب الي مسجد قباء كلما سنحت لي الفرصه

علي فكره انا لسه والله راجعه من الحرم صليت العشاء هناك