السلام عليكم
طبعا كلنا عندنا في بيتنا حاجات استانلس احجام مختلفه من حللل وكنك واطباق وغيره وطبعا بتلاحظي بعد شويه ان لونهم بيطفي ومش فيه لمعه وكمان الطامه الكبري لما يشيط فيهم الاكل وخصوصا الحليب طيب ايه الحل؟؟؟؟؟؟؟؟؟؟؟؟؟؟
الحل سهل جدا باذن الله
انتي تجيبي كل الستانلس اللي عندك وتحطي الصغير في قلب الكبير (يعني الحله الكبيره جواها الاصغر منها وبعدين الاصغر وممكن الكنك والمعالق)اتمني اني عرفت اوضح
المهم بعدين تحطي عليهم مسحوق غسيل وتمليهم ميه وتحطيهم يغلوا علي البوتجاز لمده دققتين تلاته (هتقوللي المسحوق هيفور ) ماشي يكون احسن علشان ينضف الحله الكبيره من بره كمان الميه اللي بالمسحوق هتقع علي البوتجاز ويساعد في تنضيف البوتجاز بسهوله
بعد الميه ما تبرد في الحلل تمسكي كل قطعه وتدعكيها بسلك (مش هتاخد مجهود ابدا يعني مجرد تدليك خفيف)
وبعد كده اشطفي واستمتعي بلمعان الاستالنس كأنك لسه شارياه
