[ماما دودو]

أهلا بيكم
انا عايزة اركب اللولب لمنع الحمل
ولكني خايفة من تركيبو
في الي قالي انو تركيبو مؤلم وفيه الي قالي موش حاتحسي بحاجة
فأرجوكم الي تعرف تقولي

[ام بسنت]

انا بصراحه معرفش لكن اللى ركبوا اقاربى قالولى عادى ولا حسوا بحاجه الدكتوره بدخل ايديها وتربط حاجه بس مش عارفه انا مجربتش بس اعرف انه بيخلى الدوره تقعد كتير وبيوجع الظهر ياريت اللى مركبين يفدوكوا لان ده كلام بسمعه

[دودينا]

بصى يا حبيبتى انا اخواتى مركبين اللولب وهو مش بوجع الضهر عادى خالص بس بيعمل اضطربات فى الدورة بس ولو انتى خايفة من الوجع اعملى بالبنج

[منااااااال]

والله يا حبيبتي انا عمري مجربتو
نصيحتي لكي الاحسن تبعدي عن الحاجات دي دول مش كويسين انا بس بسمع كده وكمان حبوب منع الحمل مش كويسيين عشان الصحة
ممكن تتفقو انتي وجوزك وتعملو الحساب بس بدل الحاجات دي

[ماما دودو]

أشكرك يا أم بسنت أنا بحس أنك قريبة من الكل ودايمة بتستجيبي لأي نداء الله يخليك أنت فعلا ست الكل

[um_tareq]

ماما دود انتي كمان بتساعدي الكل

أنا ما جربتها بس كتيير زميلاتي و قريباتي بستخدموه و كل وحده شكل تجاوبها معه
لأنه في أجسام أبدا ما بتتأثر فيه و اجسام ما بتناسبها
بس هوه بالأغلب بطول الدورة الشهرية -بزيد عدد أيامها-
بس اللولب مو مضمون مية بالمية ياما ناس حملو فوق اللولب لأنهم ما كانو يعملو مراجعات لحتى يتأكدو من ثبات وضعه
و بالسلامة يا قمر

[ماما دودو]

الله يسلمكم وشكرا ليكم

[أم الطيب]

انا جربته مرتين بعد كل ولد من أولادي وتاني مرة أهو عدى عليه 3 سنوات ماشاء الله ولا بيعمل أي حاجة غير انه بيطول أيام الدورة الشهرية وفي اول يومين منها الدم بيكون كتير بس بيقل في تالت يوم .
انا بجيب اللوب من الصيدلية وبخلي الدكتورة تركبهولي.. والوجع في تركيبه بسيط جدا وبيكون سببه أداة بتدخلها الدكتورة في عنق الرحم عاملة زي مكواة الشعر في شكلها بتدخلها وتوسع ما بين جانبينها علشان توسع عنق الرحم بس كده ولا بتحسي بحاجة تانية خالص..
توكلي على الله واستخيري، وربنا يعينك

[ماما دودو]

شكرا لك يا أم الطيب على التوضيحات دي ربنا يخليكي

[ام ميداء]

انا كمان استعملته وهو احسن وسيلة علشان متلعبيش فى هرموناتك بالحبوب
اهم حاجة ان مقاسه يكون مناسب لحجم رحمك
واحتفظى برقمه علشان عند التغيير بتحتاجيه

[فطيمة]

فعلا كلام ام الطيب صحيح انا كمان مركباه ليا سنتين الحمد لله والدوره عادي خالص 4 ايام زي ماهي مره واحد بس اللي زاد عدد الايام يومين بس توكلي علي الله وشوفي دكتوره كويسه وهي تختارلك اللي بيناسبك

[ماما دودو]

شكرا ليكم كلكم

[rehab]

أنا كنت مركباه هو تركيبه مش بيوجع ولا حاجة أنا كنت خايفه زيك كده لكن بجد مفيش وجع
بس أنا ظهري أتأثر بيه جدااااااااااااااااا وعملي ألتهابات بس أهو أرحم م الوسايل التانيه اللي ممكن تجيب عقم لا قدر الله

[ايمان فريد]

شوفى ياجميل انا كنت عوزه اقول ليكى الكلام اللى قالته ام الطيب

[ام الاولاد]

الى انا اعرفه ان اللولب احسن وسيلة لتنظيم الاسرة لان الحبوب و الحقن لها اضرار كبيرة لانها تؤثر فى الهرمونات ولكن اللوب اذا تمت متابعته باستمرار و معالجة اى التهابات فان مشاكله تكون معدومه تماما و يجب ان تستشيرى الدكتورة قبل ما تركيبه

[ماما دودو]

شكرا ليكم كثير رحاب, إيمان فريد وأم الأولاد وكل الي جاوبوني