[الايمان777]

انا وجدت من خلال الناس اللى عرفتهم فى حياتى ان اللى تواريخ ميلادهم متقاربه بيتشابهوا مع بعض فى بعض الصفات

اكتبى تاريخ ميلادك وانا اقولك على برجك الفلكى واقولك صفات فيكى
واكتبى برج جوزك او خطيبك اقولك على صفاته

[ام مهند]

طيب انا ياستي 2/6

زوجي 21/12

قوليلي صفاتي وصفاته

[فطيمة]

وانا 20\9


وزوجي 23\7

[الايمان777]

طيب انا ياستي 2/6

زوجي 21/12

قوليلي صفاتي وصفاته

ام مهند انتى برج الجوزاء شخصيه مش بتسيب حقها ابدا
يعنى لو حد ضايقك لازم تضايقيه بالكلام
وفى نفس الوقت انتى شخصيه قلبها طيب
بتحسى دايما ان فيكى شىء مميز ودى حقيقه انتى فعلا فيكى شىء مميز عن كل اللى حواليكى



اما زوجك برج القوس فهو شخصيه ذكيه جدا
ودايما بيشغل مخه
على فكره هو بيدور وراكى فى كل حاجه




شكرا اختى على المشاركه

[fatmagdey]

انا بقي تاريخ ميلادى 22_6
وخطـيـــــبــــــــى 25_6

[emyaly]

وانا كمان وانا كمان قوليلى صفاتى وصفات جوزى واقولك صح ولا لاه
انا 22\2
وجوزى9\1

[الايمان777]

وانا 9\20

وزوجي 7\23

فطيمه انتى برج العزراء شخصيه شكاكه جدا
عندك كبرياء جامد اوى
اللى حواليكى حاسين بقيمتك اوى وانهم ميقدروش يعيشوا من غيرك وانتى بتستغلى ده
لما بتزعلى من حد بتقسى عليه جامد
ولما بتحبى حد بتكونى كويسه معاه لابعد الحدود




زوجك برج الاسد برج بيعتز بنفسه اوى
عنده نسبه غرور ولو عيزاه يموت فيكى بجد امدحيه دايما
هو قلبه طيب اوى لكن لما بيقلب بيبقى فظيع اوى
على فكره اعتقد انكم دايما على خلاف



شكرا اختى على المشاركه

[حبيبة بابا]

انا تاريخ ميلادى 13/8
اما جوزى 13/11

[ام حمادة]

انا 27 -6
وهو 4-1

[الايمان777]

انا بقي تاريخ ميلادى 22_6
وخطـيـــــبــــــــى 25_6

انتى برج السرطان قلبك طيب اوى وحنينه جدا لابعد الحدود
بتتاثرى بسرعه فى المواقف الحزينه
لكن لما تتعصبى ممكن تجرحى اى حد اودامك
انتى متسرعه فى قراراتك علشان كده بتندمى بسرعه



خطيبك برج السرطان بردو علشان كده بينكم تفاهم بتفهموا بعض من غير ما تتكلموا حتى
خطيبك عنيد
اوعى تعصبيه لحسن هتندمى لانه ممكن يشوطك بسرعه لما يتعصب
لو بعدتى عن انك تعصبيه هتعيشوا فى انسجام تام




شكرا على مشاركتك

[fatmagdey]

عندك حق يا ايماااااااان وشكرا جدا بس هو متفاهم معايا لسه مش اتعصب لما نجوز بقي نشوف مين اللى هيشوط مين ههههههههههههههه

[فطيمة]

شكرا ياعسل كلامك فيه اشياء فعلا فينا بس مش كلها وبشكرك

[nona79]

شكرا يا قمر
انا 14-6
وجوزي 27-10

[الايمان777]

وانا كمان وانا كمان قوليلى صفاتى وصفات جوزى واقولك صح ولا لاه
انا 22\2
وجوزى9\1

انتى برج الحوت من صفاتك انك عنيده
بتحبى دايما تمشى كلامك وده بيحسسك بالسيطره
قلبك طيب وبتحبى الناس اوى
صريحه لابعد الحدود





اما زوجك برج الجدى هو برج عنده حياء من انه يحرج اللى اودامه
مبيعرفش يخبى حاجه
معندوش اسرار لانه دايما بيحب يحكى كتير
طموح




شكرا لمشاركتك

[الايمان777]

انا تاريخ ميلادى 13/8
اما جوزى 13/11

انتى برج الاسد قلبك طيب لكن عندك شويه غرور
اللى فى ايدك مش ليكى لانك علطول سخيه اوى
قلبك طيب ودمعتك قريبه اوى
حنينه



اما جوزك هو برج العقرب
انسان صريح جدا
ميحبش يوعد ويخلف
دمه خفيف
مبيعرفش يخبى حبه لحد
لكن بيقدر يخبى كرهه
ولو انه انسان مبيعرفش يكره



شكرا لمشاركتك

[حبيبة بابا]

شكرا يا قمر فعلا اللى انتى قولتيه صح جدا
تسلمى

[الايمان777]

انا 27 -6
وهو 4-1

انتى برج السرطان
قلبك طيب
عنيده
بتتاثرى بسرعه
بتصدقى الناس بسرعه
لما بتتعصبى بتبقى انسانه تانيه خالص
اكتر حاجه تكرههيها ان حد يتجاهلك



اما زوجك هو برج الحمل
قلبه طيب
بيحب الهزار
سلبى بدرجه كبيره
معندوش طموح عالى



شكرا لمشاركتك

[الايمان777]

عندك حق يا ايماااااااان وشكرا جدا بس هو متفاهم معايا لسه مش اتعصب لما نجوز بقي نشوف مين اللى هيشوط مين ههههههههههههههه

ايوه كده اوعى تعصبيه
ههههههههههه

[الايمان777]

شكرا ياعسل كلامك فيه اشياء فعلا فينا بس مش كلها وبشكرك

شكرا ليكى يا حبيبتى