[eng_nonaonline]

السلام عليكم ورحمة الله و بركاته
ازيكم اخواتى فى الله , عايزة اسالكم فى حاجة مهمة جدا جدا. بنت عمتى الحمد لله ربنا رزقها بيوسف وكنت عايزة اجيبلها هدية ليها او للمولود افضل بس مش عارفة ايه ممكن تكون الهدية المناسبة
ممكن تفيدونى برايكم وجزاكم الله خيرا.

[nona79]

شوفي يا قمر انا مش عارفة في مصر مفروض تجيبي ايه بس انا حاقولك عن نفسي
ممكن تجيبي لبس للبيبي او غطاء صغير تلفه بيه وهي خارجة او لو عايزة حاجة اكبر واحسن ممكن طقم شنطة وحمالة بيبي او كرسي بيبي للبيت والخروج

[هنية المتهنية]

انا لما خلفت كانت احلى و احسن هدية اجتني هية كرسي الاكل للاطفال بس ا1ا بدك هدية ابسط ممكن طقم بطانية و لفة للبيبي او لبس........... الخيارات كتيرة بعتمد على فلوسك

[eng_nonaonline]

شكرا حبيبتى على ردك وربنا يكرمك ويجازيكى كل خير

[نسرين احمد عوض]

البيبى عامة مريح جدا فى هداياه لانها كتيرة ومتنوعة حسب الذوق والحالة المادية للى هيجيب الهدية...
ممكن لبس ( سالوبيت - بيجامة قطن - جاكت بيبى تريكو )
مجموعة ملابس داخلية قطن ، مجموعة بافتات ، مجموعة شرابات ، مجموعة بنطلونات قطن
ممكن مفروشات ( بطانية بيبى - كوفرتة - لحاف بيبى فيبر - بشكير بيبى بكاب )
ممكن عبوة حفاضات كبيرة مقاس بيبى حديث الولادة ودى هدية جميلة هتريح ميزانية مامته شوية
ممكن هدية ذهب ( خاتم - انسيال عليه اسمه - بروش ما شاء الله يتشبك فى ملابسه - خمسة وخميسة وبرضه تتشبك فى ملابسه )
ممكن ادوات البيبى الخاصة والتى لا غنى عنها ( شامبو- بلسم- زيت- بودرة -كريم للتسلخات مكان الحفاض- فرشة شعر- كولونيا خاصة للاطفال حديثى الولادة بدون كحل - ببرونة - عبوة اعشاب بيبى درينك.. وكل ده موجود فى الصيدلية )

**** واخيرا الف مبروك على يوسف ويتربى فى عزوكوا ان شاء الله

[ام سعيد]

فعلا زى ما قالت نسرين حاجات البيبى كتيرة ومتنوعة
وممكن لو مش عارفة تشترى الهدية تنقطيها (يعنى تديها فلوس)

[نسرين احمد عوض]

شكرا لكى ام سعيد ...

[برتقال سكرى]

احلى حاجة
هاتيله عروسة
بجد مش لعبة
اهو يكونو مستقبلهم مع بعض