[د/لولي]

السلام عليكم ورحمه الله وبركاته
استاذنت من الاخت ام وفاء اني افصل موضوع التجويد عن الصحبه الصالحه عشان الافاده تكون للجميع ونقدر نتابع
مش هاقول اني علامه في التجويد ولكن الله انعم عليا بجزء من نعمه علي ويسرلي دراسه التجويد
ادعو الله انه يقدرني اني اقدر اشرح بطريقه سهله ويسيره زي معلمتي ما وصلتهالي
اللي حبه تاخد ايميلي وتكلمني علي الخاص عشان اسمع تلاوتها ارحب بكده
ان شاء الله هاحاول اجيب فلاشات ومقاطع صوتيه ليكو
والله خير المستعان

[د/لولي]

السلام عليكم ورحمه الله وبركاته
بصو يا جماعه التجيد دا اسهل ما يكن عارفين لما تقرو الكلمه الصح تلاقيها خفيفه علي اللسان
باذن الله قبل ما نبدا بسوره الناس نقول الاول صوره الفاتحه علي اساس اننا جميعا بنقراها في الصلاه
اولا الاستعاذه
اعوذ بالله من الشيطان الرجيم
أعوذ تنطق الالف مفتوحه مرققه يعني في فرق بينها وبين لما حاجه توجعك وتقولي اه لا دي أ مفنوحه مرققه
والذال من الحروف اللي بيخرج فيها اللسان
نيجي للفظ الجلاله الله اللام في لفظ الجلاله لها اكثر من حكم
اولااذا كانت الكلمه التي قبلها مفتوحه او مضمومه تفخم اللام
واذا كانت الكلمه التي قبلها مكسوره ترقق
في حالتنا دي بالله قبلها باء جر تنطق مرققه
من الشيطن تنطق الشين زي نطقك لكلمه الشاي مرققه
الط مفخمه( حروف التفخيم مجمعه في كلمه خص ضغط قظ)
الرجيم الراء ليها برده حكم مخصوص اذا كانت مفتوحه او مضمومه تفخم واذا كانت مكسوره ترقق
وفي حالتنا دي مفتوحه اذن تفخم
بدانا اعوذ بالله من الشيطن الرجيم
بسم الله الرحمن الرحيم كلها مرققه ما عدا الراء في الرحمن الرحيم تنطق مفخمه ليه؟

[د/لولي]

اول الاحكام للتجويد اللي لازم نعرفها هي التفخيم والترقيق
التفخيم لحروف (خص ضغط قظ) تنطق مفخمه وفي حاحالات تانيه بنفخم فيها حروف تانيه اللي هاتقولها تبقي شاطره انا قلتها قبل كده
كل ما هو دون تلك الاحرف فهو مرقق

[د/لولي]

هاناخد بعد كده احكام النون الساكنه الاحكام دي بتنطبق علي النون وعلي التوين ايضا
النون الساكنه لها 3 احكام سهلين جدا هانظهر ونخفي ونضغم
الاظهار ومعناه اننا بنطق النون زي ما هي بالظبط
ودا بيكون في حالات انه ييجي بعدها أ:ء:ه:ع:غ:خ:ح
بتنطق نون عاديه
ثانيا الاضغام ومعناه اننا مش بنقرا الحرف خالص وننطق ما يليه
ودا في حاله انه ييجي بعدها اي حرف من حروف يرملون
مثال:تبت يدا ابي لهب وتب هنا الباء منونه يعني تنوين تنطق لهبو علطول مش بننطق التنوين
ثالثاالاخفاء ودا اسهل حاجه اي حاجه مش من حروف الاظهار ولا حروف الاضغام تبقي ايه اخفاء
طيب بننطق الاخفاء ازاي مش بنلغي الحرف بس بننطقه بغنه تاتي من الانف( بالبلدي كده زنه)

[د/لولي]

طيب النون ممكن تيجي مشدده
يعني ايه الشده كانو بيقولو في المدارس يعني حرفين مع بعض دخلو في بعض بنكتبهم حرف واحد لكن بنقراهم حرفين
وخير مثال ليها في سوره الناس
بندي الشده كام حركه 3 حركات يعني انطيقها وعدي علي ايديك 3
طيب تيجو نطلع سوا الاحكام في سوره الناس
ها مين هايقول معايا

[د/لولي]

طيب ناخد ايه ايه
الاول هانستعيذ زي ما قلنا والبسمله
الايه الاولي
هانخرج لسانا في الذال
برب الراء هنا مفتوحه يبقي حكمها ايه صح مفخمه
طيب الباء هنا ليه حكم لو كانت ساكنه كنا نقلقلها لانها من حروف القلقله لكن هي هنا مشدده فنديها حركتها بس
طيب الناس النون مشدده حكمها كام حركه صح 3
طيب السين
بصو قاعده عامه كل نهايات الايات او اي حرف هاتقفي عنده لازم تسكنيه

[د/لولي]

ملك الناس كلها مرققه
والنون المشدده في الناس

[د/لولي]

طيب جت اهه نون ساكنه في الايه 3 من شر الوسواس الخناس
من شرنون ساكنه وراها ش مش من حروف يرملون ولا من ء ه ع غ خ ح تبقي ايه اخفاء يعني غنه
الخناس فيها الخاء من الحروف المفخمخ ولا المرققه
صح مفخمه يبقي نفخم الخاء
والنون المشدده 3 حركات

[د/لولي]

الذي يوسوس في صدور الناس
الذي نخرج اللسان في الذال
يوسوس كلها مرققه عاديه
صدور الصاد مفخمه
الراء مكسوره مرققه
الناس نون مشدده 3 حركات
س ساكنه همس

[د/لولي]

نراجع احكام النون الساكنه
اظهار واخفاء واضغام
طيب كلمه الناس او كنتم صح تبقي اخفاء ازاي ينطق بغنه
من الخيشوم وليس شفهيا

[د/لولي]

طيب لو جه بعد النون الساكنه حرف الباء
بصو عشان تبقي سهله الباء نقطه من تحت يعني مقلوبه يبقي حكمها اقلاب
وتنطق ميم
عايزه حد يجيبلي مثال من القران ولها هديه كبيره بجد

[د/لولي]

نراجع اللي خدناه
اولا الحروف المفخمه هي ..........
ثانيا احكام اللام في لفظ الجلاله
احكام الراء,,,,,
الحروف اللي بيخرج فيها اللسان.........
احكام النون الساكنه............؟

[د/لولي]

هاناخد قاعده جديده وهي القلقله
حد يعرف
حروف القلقله مجموعه في كلمه قطب جد
طيب هل معني كده ان اي حرف من الحروف دي كل ما نشوفها نقلقلها
قالك لا بتقلقل فقط اذا كانت ساكنه
طيب لو جت في اي كلمه تانيه ومكنتش ساكنه يبقي ننطقها عادي زي ما هي
طيب نشوف مثال
سوره الاخلاص
اعوذ بالله من الشيطان الرجيم
بسم الله الرحمن الرحيم
قل هو الله احد
مش قلنا اني اي نهايات الايات بتكون ساكنه يبقي الدال هنا حققت الشرط وهي ساكنه بنقلقلها

[د/لولي]

طيب حد يعرف يفرقلي بين الدال في الايات دي
1:لا اقسم بهذا البلد
2:ووالدو ما ولد
3:من شر حاسد اذا حسد

[د/لولي]

"لا أقسم لهذا البلد" حكم الدال قلقله
"ووالد وما ولد" حكم الدال ادغام بغنه لانه جاء بعد التنوين حرف من حروف الادغام بغنه المجتمعه في كلمة ينمو
"من شر حاسد اذا حسد" حكم الدال اظهار لانه جاء بعد التنوين حرف من حروف الاظهار المجتمعه في البيت التالي: همز فهاء ثم عين حاء مهملتان ثم غين خاء

الاخت اسماء ام عمر هي اللي جاوبت علي السؤال دا

[د/لولي]

حروف الادغام كلها مجتمعه في كلمة يرملون
ادغام بغنه اربع حروف مجتمعه في ينمو
ادغام بغير غنه مجتمع في رل
حروف الاظهار: الهمزه والهاء والعين والحاء والغين والخاء
حروف الاخفاء مجتمعه في اول حرف من كل كلمه من البيت التالي:
صف ذا ثنا كم جاد شخص قد سما دم طيبا زد في تقى ضع ظالما
الصاد ، الذال ، الثاء ، الكاف ، الجيم ، الشين ، القاف ، السين ، الدال ، الطاء الزاي ، الفاء ، التاء ، الضاد ، الظاء


دي برده معلومه افادتنا بيها اسماء ام عمر اثابها الله

[مؤمنة بالله ورسوله]

بارك الله فيكى يا حبيبتى وجزاكى الله خير فعلا طريق سهل ومبسط واتمنى الموضوع يثبت حتى تعم الفائد

[د/لولي]

يارب يتثبت بس هو في حد زاره اساسا عشان يقيم

[أسعد أم]

جزاكى الله خيرا اختي ويارب كلنا نستفيد ونقدر نقرا كلام ربنا صح ويجعله في ميزان حسناتك وفعلا اسلوبك في الشرح جميل

[ام شوكت]