[د/لولي]

السلام عليكم ورحمه الله وبركاته
ان شاء الله هاكون موجوده كل يوم من بعد العصر للمغرب للي حبه تدخل ونتناقش سوا في التجويد
وكده كده ان شاء الله مش هانزل قواعد جديده الا لما احس ان الكل فهم دول واستوعبهم صح عشان كده ياريت حد يتواصل معايا

[مورة]

لا استمري يا لولي وجعلة اللة في ميزان حسناتك وبعدين
انتي بتعملي للموضوع للة ومتنتظريش من حد حاجة واللة اللي
حابة تعرف احكام تلاوة قرانها اكيد هتدخل
واللة انا متابعة معاكي علي قد ما بقدر علشان البيت والعيال
وان فعلا بستفيدمنك

[فرحه]

والله يا دكتورة لولى انا كان نفسى اعمل الموضوع ده بس انتى سباقه بالخير
جزاكى الله خيرا

[اسماء ام عمر]

ما تزعليش انا متابعه معاكي ... بس انا ما شفتش موضوعك غير النهارده سامحيني
وانا عايزه الايميل بتاعك ياريت تبعتيه ع الخاص وانا هبعتلك ايميلي عشان تسمعي قراءتي ........ياريت وتقوليلي ايه الاخطاء اللي عندي وادعيلي ان ربنا يوفقني في مراجعة القرآن الكريم قولو آآآآآآآآآآآآآآآآآآآآآمين
وانا عندي كتاب تجويد من ايام الدراسه جميل اوي ومبسط وفيه امثله كتييييييييير واسئله اسمه التحفه العنبرية ، لو تحبي ممكن انزل منه حاجات معاكي
وبارك الله فيكي وربنا يجعله في ميزان حسناتك

[د/لولي]

ياريت طبعا يا اسماء تنزلي معايا
والله انا مقصدتش حاجه من حد انا بس كنت بسال حد فاهمني ولا لا اكمل علي الوتيره دي ولا اغير اسلوبي

[اسماء ام عمر]

متن أحكام التجويد:
أحكام النون الساكنه والتنوين

للنون ان تسكن وللتنوين ... أربع أحكام فخذ تبييني
فالأول الاظهار قبل أحرف ... للحلق ست رتبت فلتعرف
همز فهاء ثم عين حاء ... مهملتان ثم غين خاء
والثان ادغام بستة أتت ... في يرملون عندهم قد ثبتت
لكنها قسمان قسم يدغم ... فيه بغنة بينمو علما
الا اذا كانا بكلمة فلا ... يدغم كدنيا ثم صنوان تلا
والثان ادغام بغير غنه ... في اللام والرا ثم كررنه

هذه بعض الأبيات التي توضح احكام النون الساكنه والتنوين( الاظهار والادغام)
ولو عجبتكم ممكن اكملكم باقي الاحكام يعني لولي تشرح بأسلوبها السهل وأنا أجيبلكم المتن وبالشرح بتاعه لو مش مفهوم... ده طبعا بعد اذن د/ لولي. ولاأعمله موضوع منفصل؟؟؟؟؟؟؟ ايه رايكم

[د/لولي]

الله عليكي يا اسماء بجد تحفه
ايه الشطاره دي
تنفصلي ليه يا جميل خليكي معايا وهاكرمك في الايجار

[د/لولي]

ان شاء الله نصلي العصروبعدها نقعد ندردش شويا
تمام

[د/لولي]

السلام عليكم ورحمه الله وبركاته
مين قاعد معانا

[د/لولي]

طيب نحاول نسترجع احنا اخدنا ايه
التفخيم والترقيق
اقولكو مثل حلو تقدرو تفرقو بيه بين التفخيم والترقيق
عارفين افلام زمان لما تلاقي الباشا بيقول صدقيني او بيضحك ها ها ها من غير ضحك اكيد كلكو سمعتو الكلام دا
طيب علي النقيض لما حد يقولك نكته بايخه تقولو هيهيهي
شايفين الفرق بين هاها وهيهيهي
هو دا الفرق بيت التفخيم والترقيق انت بتفخم يعني بتنطق الحرف بعظمه
طيب التفخيم اتفقنا ان حروفه خص ضغط قظ
طيب فيه درجتين للتفخيم
مفتوح لو خلفه الف
مضموم لو بعده ساكن او مكسور
حد يعرف يجيبلي مثل

[د/لولي]

غير المغضوب عليهم
الضاد هنا وراها ضمه

[د/لولي]

طيب الترقيق
البنات هي اكتر ناس بتجيد الترقيق

[د/لولي]

طيب اخدنا كمان القلقله
معناها اللغوي ذبذبه الحرف الساكن سواء كان السكون اصلي او عارض
يعني ايه اصلي ويعني ايه عارض
الاصلي يعني التشكيل مكتوب او الحرف من غير تشكيل خالص
العارض يعني نهايات الايات او مكان ما انتي بتقفي عند القراءه

[د/لولي]

طيب الحرف المقلقل ممكن ييجي في اخر الكلمه وممكن في وسطها
هل في فرق بين الحالتين
قالك اه لو جه قي وسط الكلمه تكون قلقله صغري
ولو جه في اخرها تبقي قلقله كبري

[وفاء ام صغنونة]

انا جيت يا د/لولي انتي فين؟؟؟

[د/لولي]

نورتي ام وفاء انا كنت قربت امشي

[د/لولي]

حد يقولي مثال لقلقله كبري واخري صغري

[د/لولي]

الطارق قلقه كبري
افتطمعون قلقله صغري

[ام شوشو]

السلام عليكم ورحمة الله وبركاته
ايوة يا د لولى انا معاكى اهو وحدة وحدة
نبتدى من الفاتحة علشان انا فهمى تقيل حبتين
وجزاكى الله خيرا والله فعلا اسلوبك بسيط ويتفهم

[ام شوشو]

علفكرة هى الاحكام عايزةحفظ ولا فهم
انا فهمت منك شرح اعوذ بالله من الشيطان الرجيم وبسم الله الرحمن الرحيم
فهمت الحروف المرققة والمفخمة
الى يجى قبليه حرف مكسور نرققه والى يجى قبليه مفتوح اومضموم نفخمه
صح ولا خطا