[داليا محمد نور]

السلام عليكم ورحمة الله وبركاته

لو جات بنتك في سن المراهقة وقالت لك ياماما انا بحب زميلي هتتصرفي ازاي
ولو ماجتش قالتلك وانتي اكتشفتي ده هتتصرفي ازاي
ياريت كل واحدة تشاركني الرأي ضروررررررررررررررررري

[monee_2020]

السلام عليكم ورحمة الله وبركاته
اولا انا حاربى بنتى على الاخلاق والالتزام زى ما انا تربيت ثانيا انا ممنوع ادخل عندى تلفزيون لانه سبب البلاوى اللى بنشوفها دلوقتى
ثالثا يعنى سن المراهقه ده مثلا يعنى من بدايه سن 14 وده سن إضطرابات فى الهرمونات ممكن مثلا الواحده تكون معجبه بشخص ما نتيجه لسلوك شافته منه
رابعا بالله لازم ناخد بالنا من بناتنا لان والله اليومين دول كترت البلاوى بسبب الثقه الزايده من الام لبنتها وهى غافله عنها وبعد كده بتكون المصيبه ربنا يعافينا واياكم

[أم فريدة]

السلام عليكم
أولا بدي أقول أنو الحمد لله على كل حال,فإذا بنتك بتحب فهذا يعني أنها طبيعية,يعني ما عندها مشكل نفسي,بس المهم انك تحميها من الصدمات النفسية...عندى حل بسيط و ياريت اتجربيه..في هذه السن تبدأ البنت في تكوين شخصيتها...فيجب على الأم ان تستغل هذه الفرصة لكسب إبنتها و لا تدع الغرباء يقوموا بذلك...إشغلي وقت إبنتك في البيت..علميها الطبخ....أريها أنها محل ثقة... .صيري صديقة وأحكيلها عن العواطف و الحب...انو شيء نبيل بس في إطار الدين و خارج الدين حيوصل لمصايب..بس كل ده بطرقة لينة...و إنشاء الله خير

[انوسه]

السلام عليكم انا حاحكى لكم تجربتى انا مع ابنتى هى 13 سنه وجاءت من شهر وقالت انه فى زميل فى صف دراسى اعلى منها بعتلها تقبلت الموضوع بهدوء وفهمتها انه ده مرحله طبيعيه بس ده فى نفس الوقت ضد تقاليدنا واخلاقنا وانا بنتى والحمد لله محجبه وحافظه للاجزاء كثيره من القران وفاهمه انه حرام ولكن ده غريزه فينا كلنا ومرينا بيها قبل كده المهم انى متابعه معاها كل شئ وهى من نفسها بعد فتره بسيطه جاءت وقالتلى انها حسيت انها مش مقتنعه وتركته وقالت خلينا زمايل بس رجعت تانى امبارح تقولى ان فى واحد تانى بصراحه انا اضايقت بس برده تقبلت كلامها بهدوء وقولت لها انه مش ممكن تبقى كل يوم مع واحد لانه كده حتطلع عليها سمعه مش كويسه وهى قالتلى انها مردتش عليه قولتلها فكرى فى كلامى واعرفى انى لى تجارب لانى اكبر منك واعرف اكتر منك وانتى مش بتاعت الكلام ده انا دلوقتى عاوزه ردودكوا عليا فى تصرفاتى واعمل ايه معاها بعد كده خصوصا وانها فى مدرسه مشتركه
وجزاكم الله خيرا

[مرام شريف]

انا معنديش خبرة بالموضوع دة لانى بناتى عندهم سنتين بس انا هكلمك عن نفسى لما كنت فى ثانوى واعجبت بشخص جدا ورحت قلت لامى وهى بصراحة استقبلت كلامى بكل بساطة وكانت ديما بتقولى دة مجرد اعجاب علشان انا فى سن المراهقة وكل البنات بيحصلها كدة وكانت بتقولى لو كلمتية او نظرتيلة عمرة ما هيفكر يتزوجك وهيقول عليكى مش مؤدبة وفعلا سمعت كلام امى وفضلت ست سنوات معجبة بية من غير ما ابينلة وفجاة اتلاقيتة جاى يتقدملى لكن محصلش نصيب وانتهت الحكاية ولما اتزوجت نسيت كل حاجة

[umaesha]

اهلا بيكى انوسة نصيحة منى لازم تخرجى بنتك من المدرسة المشتركة دى ضرورى لان شباب الايام دى بقى مستهتر ومبتنفعش معاه بنات الناس المحترمة الا من رحم ربى وكل شوية هتلاقى بنتك جاية تقولك على واح مستهتر المر دى هتمسكى نفسك المرة اللى جاية متعرفيش ممكن تعملى ايه ممكن تتهورى وتخسرى ثقت بنتك وساعتها هتحصل حاجات ممكن متعرفيهاش لانها مش هتقولك وهنا الخطر
علشان كده انقليها لمدرسة بنات وخليكى صاحبتها وكل شوية اتكلمى معها على تجارب انتى تعرفيها زى دى وفشلت لحد متقتنع وممكن تتدخلى حد تكون بتحبه تخليه ينصحها بس بشكل غير مباشر علشان ميكنش محرج بالنسب لها لان البنت فى الفترة دى بتكون حساسة جد
معليش طولت بس انا قلتلك على اللى ماما كانت بتعمله معانا انا واختى
تقبلى منى

[انوسه]

جزاك الله خير اختى الغاليه على الرد عليا وبجد والله وبدون مجامله انا من يوم ما اشتركت وان حاسه بمتعه من انضمامى ليكم وبحس انا بين اخواتى واشكرك على النصيحه باذن الله بس انا كنت بقول لو البنت فى مدرسه مشتركه يبقى الوضع بعد كده فى الكليه عادى لانها حتبقى وسط اولاد برده لكن انا حاضع اقتراحك محل تفكير وربنا يوفق بجد سعيييييييييييييييده بردك عليا
مشكوووووووووووووووووووره