[born to be princess]

السلام عليكم ورحمة الله وبركاته
اخواتى فى الله
لانى احبكم فى الله كتبت الموضوع ده
معلش يمكن تختلفوا معايا فى وجهة نظرى
يمكن كلامى ميعجبش ناس كتير

بس انا شايفة ان المنتدى الاسلامى هنا مهضوم حقه


ما شاء الله المواضيع حلوة
وهادفة
على فكرة ممكن تطلعى بحاجة من الموضوع
عمرك ما عرفتيها قبل كده
مثلا سنة كانت غايبة عنك
حديث مكنتيش عرفاه
صحبه صالحة تاخد بايدك
انا وانتى مقصريين
اه مقصريين
محتاجيين على طول حد يفوقنا
مش عيب ولا حرام
كل ده هتلاقيه فى المنتدى الاسلامى
بصراحة بحس ان الاقبال عليه مش كتير
ليه؟
يعنى معلش بتسهوينا اوى المشاكل
طيب مش اولى بينا نهتم بدينا شوية

انا مش قصدى ان احنا مندخلش باقى الاقسام
لا والله
بس زعلانة اوى
اما الاقى الاقسام التانية
ما شاء الله بيدخلها ناس كتير
والمنتدى الاسلامى
لاء
يا جماعة العمر ممكن يروح فى لحظة
عاوزين نغتنم كل لحظة

معلش طولت عليكم وياريت كلامى ميزعلش حد
وياريت الموضوع يفضل هنا
اختكم فى الله
سارة

اذا اعجبك الموضوع و اردت نشره في المنتديات الاخرى فاستخدمي هذا الرابط:
ممكن ندى المنتدى الاسلامى حقه ولا مينفعش
http://forums.fatakat.com/thread220950

[ملكة الأبتسامة]

شكراً حبيبتي على الموضوع الرائع

وان شاء الله كله هيدخل الركن الإسلامي

جزاكِ الله خير على التذكير

[قدس]

السلام عليكم
والله كل كلامك صحيح وانشاء الله راح يزيد الدخول للموقع الاسلامي
وجزاكي الله عنا كل خير

[فتكات21]

وعليكى السلام ورحمة الله وبركاته

والله يا سارة معاكى حق مليووووووووون الميه

انا دخلت وكتبت موضوع شفت عدد المشاهدات 19 مرة

والردود مفيش

جالى احباط

مع انى والله حاطه الموضوع لله

ونفسى الناس تستفاد

ربنا يعزك يا حبيبتى ويكرمك يارب

دمتى بخير

[بكره احلي من النهاردة]

كل كلمة قلتيها انا بحييك عليها بجد
والتقييم بتاع موضوعك ممتاز ياليت قومي يعلمون

[البرنسيسه ريم]

فعلا معاكى حق

وشكرا ليكى بجد عالموضوع الجمييل ده

وانا برده بلاحظ ان مفيش اقبال عالمنتدى الاسلامى اوى

وجزاكى الله خيير

[القطه]

جزاكى الله خيراً يا ساره
موضوعك مهم و نبيل
ودعوتك ما اروعها
بارك الله فيكى يا حبيبتى

[أم الصبيان]

اهلا يا سارة...
كلامك بالتأكيد صح...
يمكن قلة ورود الأخوات المنتدى الإسلامي هو الخوف من قول أحد الآراء التي لاتعجب البعض..فيبدأ الهجوم الضاري إياه...
إذن كل شيء لو تم بهدوء ومحاولة تفهم الطرف الآخر ..وقتها هيكون هناك إقبال حقيقي على المنتدى بلا خوف..

وأنا أعترف إنني ادخل المنتدى من آن لآخر..ولكن ليس بصفة دورية..
ودي دعوة منك أن نقلب في مواضيع المنتدى جميعها..وليس حصريا على أقسام معينة..

وإن كنت أرى"ودي وجهة نظر "إن المجتمع ككل فيه تلك الصبغة الإسلامية..حتى منتدى الطبيخ والماكياج..
بس لو قلنا إن نيتنا موجهة لله تعالى...
وحتى قسم الدردشة والفضفضة والمسابقات..
كل شيء ممكن أن يُحمل بصبغة إسلامية هادئة وواعية...

وشكرا لك...عزيزتي...

[الدمعة الحارة]

جزاكم الله خيرا على الموضوع ده يا ساره


وحقيقى معاكى حق


وانا من اللى لاحظوا ده


وانا باقترح على كل أخت هاتقرا الموضوع ده


انها تبدأ صفحه جديده مع نفسها ومع المنتدى


وتخلى المنتدى الاسلامى أول منتدى تدخله لما تفتح فتكات


وبعدين تدخل المنتدى اللى هى عاوزاه بعد كده


مرة فى مرة


هاتتعود على كده


وهاتطلع فى كل مرة بحاجه جديده


وتكون ان شاء الله فى ميزان حسناتها


ايه رأيكم فى الاقتراح ده؟؟


يا ريت يا سرسورة تقوليلى رأيك وتسمحى


للأخوات يقولولى رأيهم هما كمان

[عاشقه المطبخ]

معاكى حق مليون مره
فعلا انا كمان لاحظت ان مفيش اقبال على المنتدى الاسلامى
لانى كتبت مه موضوع هناك ومكنش فيه ردود كتير
ويمكن اللى خلانى اكتب موضوع يمس دينى على فضفضه
لانى عارفه ان اكتر مشاركات بتكون فيه
وعايزاكى تدخلى وتشوفى الموضوع وتشوفى الردود اد ايه
http://forums.fatakat.com/thread221010

[*زوزو*]

والله يا سارة أنا أول مرة اخذ بالى ان فيه منتدى اسلامى لانى كل مرة بادخل على الفضفضة على طول لكن سوف ادخل فيه ان شاء الله وشكرا على النصيحة وجزاكى الله خيرا على تنبيهنا الى الخير وانت عارفة طبعا أن الدال على الخير كفاعله وجزاكى الله خيرا 000000

[انغام بلبل]

الله يحفظك موضوع جميل ربنا يجعله في ميزان حسناتك
ان شاءالله ادخل واشارك

[soosuu]

على فكرة ممكن تطلعى بحاجة من الموضوع
عمرك ما عرفتيها قبل كده
مثلا سنة كانت غايبة عنك
حديث مكنتيش عرفاه

صحبه صالحة تاخد بايدك

هو صحيح زي مقولتلي لو دخلتي للمنتدى الاسلامي اكيد

بتطلعي منه وانتي حسة انك استفدتي منه كثير و عرفتي حاجات على دينك
غير انك بصحبة صالحة بتحس انك بتقربي من الله ومفيش احلى من كده
نتمنى انه يكون اقبال عليه اكثر واكثر الان في اول في اخير ده بيهتم بدنيا
موضوعك هاااااايل

[ghada16]

طبعا معاكى حق احنا فعلا بنكون محتاجين حد يذكرنا كل فترة

[born to be princess]

شكراً حبيبتي على الموضوع الرائع

وان شاء الله كله هيدخل الركن الإسلامي

جزاكِ الله خير على التذكير

العفو يا حبيبتى
والله نفسى الفايدة تعم على الكل
جزانا واياكى يا حبيبتى

[born to be princess]

السلام عليكم
والله كل كلامك صحيح وانشاء الله راح يزيد الدخول للموقع الاسلامي
وجزاكي الله عنا كل خير

وعليكم السلام ورحمة الله وبركاته
ياريت يا حبيبتى والله الاقبال يزيد ياريت
جزانا واياكى

[born to be princess]

وعليكى السلام ورحمة الله وبركاته

والله يا سارة معاكى حق مليووووووووون الميه

انا دخلت وكتبت موضوع شفت عدد المشاهدات 19 مرة

والردود مفيش

جالى احباط

مع انى والله حاطه الموضوع لله

ونفسى الناس تستفاد

ربنا يعزك يا حبيبتى ويكرمك يارب

دمتى بخير

معلش يا حبيبتى
ان شاء الله الموضوع يبقى فى ميزان حسناتك
والناس اللى شافوه يكونوا استفادوا منه

ربنا يكرمك يارب
ويارب الموضوع ده يكون زى منبه لينا كلنا

[born to be princess]

كل كلمة قلتيها انا بحييك عليها بجد
والتقييم بتاع موضوعك ممتاز ياليت قومي يعلمون

يا حبيبتى ربنا يكرمك يارب
وتسلم ايدك على التقييم
جزاكى الله خيرا

[born to be princess]

فعلا معاكى حق

وشكرا ليكى بجد عالموضوع الجمييل ده

وانا برده بلاحظ ان مفيش اقبال عالمنتدى الاسلامى اوى

وجزاكى الله خيير

ريم حبيبتى
العفو يا قمر
وياريت كلنا نشجع بعض
افكار جديدة مواضيع دعوية
كده يعنى
جزانا واياكى يا حبيبتى
وربنا يكرمك باحلى وظيفة
ويتمملك انتى وخطيبك على خير

[born to be princess]

جزاكى الله خيراً يا ساره

موضوعك مهم و نبيل
ودعوتك ما اروعها
بارك الله فيكى يا حبيبتى

بيرو حبيبتى نورتي والله
جزانا واياكى يا حبيبتى
ربنا يباركلك
انا والله بيصعب عليا اد ايه بيبقى فى مواضيع حلوة عاوزة التفاعل والتنفيذ كمان ومش بتلاقى اى تشجيع
بجد حاجة بتوجع قلبى
ربنا يكرمك يارب يا بيرو ويقويكى