[m_maha]

والله برافو عليكى ياكتكوته عريفتى طريقك ربنا يوفقك على طول ان شاء الله

[m_maha]

على فكرة يانهله زوجى لميكن موافق ايضا لكن وره لحد ما اقنعته

[ديكوراتى]

بصي m_maha
حقولك انا بعتبر نفسي اخدت اول خطوة فى موضوع الشغل من البيت وحقولك على السلبيات ولايجابيات فى تجربتي بالظبط ويا رب تستفيدوا...
1- الزوج والاولاد بيكونوا عقبة فلازم نخلص كل سؤوليتنا فى البيت علشان نقدر نوفر ساعتين تلاتة كل يوم نشتغل فيهم من غير ما نأثر على واجبتنا..
مثلا اطبخي كام طبخة وشيليهم فى الفريزر...وممكن تخلي اختك او والدتك تيجي تقعد معاكي يومين تاخد بالها من الولاد وانتى تنتجي اعمالك اليدوية .. او واحدة من الجيران تكون امينة تاخد العيال يلعبوا عندها شوية..وانا اضريت اجيب حد ينفض البيت مرة فى الاسبوع علشان الاقي وقت لتنفيذ مشاريعي..
2-إعملي عينات لشغلك بجودة عالية واحتفظي بيها دايما معاكي وهي ليست للبيع
للعرض فقط وإللي يطلب يدفع عربون بسييييييييييط كربط كلام يعني وانتى تنتجي بسرعة وجودة علشان اول زباين هما اللي حيعملوا ليكي دعاية من غير ما تطلبي..
3- انا كان عندي مشكلة انى مشتتة بين انتاجي فالحمد والمنه لله بعرف ارسم زيت واعمل بوكيهات ورد ومفارش رائعة واكسسوارات دا كله بجانب انى مهندسة ديكور اصلا وبعمل تصميمات للي عايز يجدد شقته ..فدا عيب مش ميزة التركيز افضل بكثير..
وانا اللي ساعدني على التركيز قانون العرض والطلب ..فعلا لاقيت ان في منتجات مشيت جدا واطلبت كتييييييييير فهي دي اللي ركزت عليها وانتجتها تانى وسبت الحاجات اللي سوقها نايم لوقت تانى...
4-لفي كتيييييييييييير علشان تقدري تجيبي خامات لشغلك بسعر حلو وعلشان تعرفي الاسعار في السوق كويس قوي ودي خبرة لازم تكتسبيها مفيدة جدا لاي واحدة سواء اشتغلت من البيت او لا واعرفي الحاجة دي موجودة فين وبكام واكتبي علشان ماتنسسيش..وخليكي زبونة عند كام محل اختاريهم بعناية علشان برضه يفيدوكي في الاسعار..
ولي عودة ان شاء الله لموضوعك اجبلك بقية التفاصيل

[m_maha]

ربنا يكرمكم جميعا بالجنة ان شاء الله وشجعتونى كتييييييييييييييير

[جيهان عبدالله على ربع]

حلو جدا الكلام ده
بس مشكلة التسويق دى صعبة جدا يعنى سهل ان نشتغل فى البيت بس المشكلة نودى الانتاج فين يعنى انتوا قلته ان نعرضه على المعارف والاصحاب طيب واللى مالهاش اصحاب تعمل ايه وكمان انا مثلا اخجل انى اعرض انتاجى على حد اعرفه ويمكن لو حد شافه بالصدفة وعجبه ممكن اديهولو هدية اعمل ايه بقى فى المشكلة دى