[shiko]

هو بصراحه فيه ناس تقول 4 او 5 سنين احسن حاجه علشان الست بيبان عليها السن اكتر
فيه ناس بتقول يكون كبير اكتر علشان يكون حنين معاكى
و فيه ناس تقول عادى يكونو من سن بعض . كده يكونو متفاهمين اكتر
انتم رأيكم ايه ؟
و ايه عيوب و مميزات كل رأى من دول ؟

[أم الطيب]

والله انا شايفة انه من 6 : 8 سنوات فرق جميييييييييييل جدا

[مونى88]

طب ممكن يكون 10 سنوات وبرضه مش بالشكل
لازم التفاهم
انا الفرق سنة ونصف

[asalanasri]

من 8 سنين تمام وكتر خير الله حيكونو متفاهمين كثير الكلام دا عن تجربة

[خشوع]

بعد تجربه 5سنين كفايه لان بيكون فيه تقارب فى التفكير انا الفرق بينى وبينه 12 سنه فرق كبير فى التفكير والاحتياجات فهو فى سن الان يريد الهدوء والصمت وانا مازلت اريد الخروج والمرح ممكن تفرق بين شخص واخر فيه راجل ينزل لسنك وفيه يطلعك المهم تعرفى من الاول علشان متندميش واهم جاجة حسن الاختيار

[أم ايثار]

انا افضل ان الفرق يكون 5 او 6سنين بالكتير لان اكتر من كدا حيبقا الفرق شاسع
انا الفرق بينى وبين زوجى 5 سنين

[ورده الحب الصافى]

برافو عليكى يا شيكو موضوعك حلو زيك
انا كمان من رأى أم أيثار 5 أو 6 سنين كويس اوى لأن الست بتكبر بسرعه عن الراجل وأحتياجاتها فى الحب بتقل فى سن معين بينما هو أحتياجاته بتزيد فى سن معين
لما يكون الفرق 5 أو حتى 8 يبقى يادوب كده
وكفى الله المؤمنين شر القتال
هههههههههههه

[Om Hassan]

من رائى مش اقل من 4 ولا اكتر من 10

[ام مهند]

انا الفرق بيني وبين زوجي

تسع سنوات ومن رأي مناسب جدا ده كفايه الدلع اللي بدلعه علي حسهم

هههههه ههههههه هههههههه

ربنا يحفظه ليا ومنحرمش منه ابدا
ويفرح قلبكم كلكم مع ازواجكم

[nona79]

انا الفرق بيني وبين جوزي 4 سنين والحمد لله متفاهمين جدا وكمان بيدلعني هههههههه

[shiko]

شكرا على مشاركتكم

انا شخصيا الفرق بينى و بينه 4 سنوات

واحنا بنحب بعض اوى و متفاهمين

بس ساعات بنعاند بعض زى العيال و بنعمل مقالب فى بعض

بالمرة شكرا لكل اللى شاركو فى حل مشكلتى

الوصفه جابت نتيجه هااااااايله

[msaied2000]

لا يزيد عن العشر سنوات والمهم شخصية الزوج وتفهمة لطبيعة المراة وكيفية التعامل معها انا الفارق بينى وبين زوجى ثمان سنوات والحمد للة متفاهمين

[fulla]

انا بعتقد انه ما يزيد عن 5او 6 سنوات
انا الفرق بينى وبين خطيبى اقل من سنه
وربنا يستر وما يجيب حاجه وحشه بعد كده
دعواتكم لى الله ما يحرمنى منكم
وفكره حلوه تسلمى عليها

[المحبوبه]

السلام عليكم
بصراحه انا الفرق كبير انا من موليد 84 وهوزوجى 73يعنى 11 ونص بس المشكله لى انا بلاحظه ان انا تعبت كتير معه لانى كنت اول زوجى عندى 16 سنه وهو داخل على 30 اولا كانت معانتى وما زلت انا انا معرفش انديه با اسمه خالص رغم انا ربنا رزقنا 3 اطفال وعمرىانصح حد ان يكون الفرق كبير نعم انا عارفه ان الست بتكبر اسرع من الرجل لاكن لمه بتكةن صغبره هو بكون كبير وبتكون متطلبتها غيره يعنى روحه مرحه وهو شايف ان هو كبير زى انا بكون فى اوقات دلوقت نفسى اخرج واتفسح وهو لا عايز يجلس فى البيت حتى فى العلاقه الزوجيه الوحده بتكون غير الراجل لسه صغيره بصراحه لازم يكون فى تقارب فى كل حاجه السن وتعلم والاسره كل حاجه شكرا

[سوسو المروشه]

ايه يا فتكاوات سمعت اعمار وحاجات كده هههههههه
هى الاحصائيات قالت ان عقل البنت اكبر من عقل الولد ب 3 سنين يعنى لو الاتنين من سنة بعض بيكون تفكيرها هى اعقل منه بفرق 3 سنين ده اللى بيتقال هههه
بس ده مش مقياس لان فى حاجات بتاثر على تفكير الانسان وهى طبعا البيئة والتربيه والتعليم والثقافة والعادات والتقاليد وكل ده
بصوا يجماعة انا من عشرتى مع الناس ومعرفتى ليهم وطبعا انا هتكلم عن نفسى
بعض الرجالة لغاية سن 30 سنة بيكونوا لسه محسوش بالسؤليه وحياتهم انا هقولكم ازاى
دلوقتى لو شب اتجوز وهو فى سن 25 سنة ومراته فى سنه او حتى اصغر منه
طبعا نتكلم بصراحة ونقول انت حلوة الجواز والدلع والخروج والسفر والسهر بيجى بعد 5 سنين من الجواز ومع طبعا وجود الاولاد ومش بتكون موجود اى دلع ولا الكلام ده
يبتدى الولد يحس انه بقا عند 30 سنة وشايل هم والعيال ومشاكل الحياة وطبعا المدام بعد الجواز شالت الهم واهملت فى نفسها ومبقتش مهتمية بيه وهو شايف نفسه لسه فى سن 30 وعنده صحة وعنده حياة نفسه يعشها ويكملها زى محلم بيها طبعا الله يبعد عنا وعنكم الشر بيتجه الى طريق تانى يلاقى فى جو الشباب والصحاب والسهر وده كله
لكن الراجل بعد التلاتين بيكون خلاص جرب كل شئ بالدنيا وعمل اى حاجة هو نفسه فيها وبيكون خلاص نفسه فعلا يستقر ويعمل اسرة واولاد وبيت ويعيشهم حياة كويسة ومحترمة لان هو جرب كل متع الدنيا وزهق منها لكن نفسه يجرب متعة الامان والاستقرار مع زوجة ربنا راضى عنها وتحافظ على حياته واولاده ويبقوا اسرته هو دنيته اللى عايز يكمل معها كل حياته
على فكرة انا سنى 22 وهو سنه 35 ومع زلك عمرى محسيت بالفرق ده نهائى والحمد لله عايشين كويسين مع بعض وده مريحنى فى حاجات كتير بنا يعنى لما بتحصل مشكلة مع بعض او اكون مضيقة انا بطون مندفعة بكلامى وعصبيتى لكن هو بيستحمل ده منى ويفضل يهدنى ويتكلم معايا بالعقل ويفهمنى غلط
بجد شئ حلو اووووى لما بحس انه محطوينى وقادر يسيطر على تفكيرى وحتى لو فى لحظة غضب
ربنا يخليهولى يااااارب ولا يحرمنى منه ويخليكوا اززززواجكوا ومخاطبكوا

[sokkar]

عن نفسى شايفة ان من 5 الى 8-9 سنين كده معقول اوى
بس و الله مش شرط برده السن لان فيه ناس بتكون سابقة سنها جامد و فيه برده تفكيرهم محدود
المهم الشخصية نفسها و طريقة التفكير و الدين و الخلق طبعا و الحاجات الباقية

[الزوجة الوفية]

انا افضل ان الفرق يكون 5 او 6سنين بالكتير لان اكتر من كدا حيبقا الفرق شاسع
اما انا وزوجي بيننا 7سنوات
مشكوووووووووووورة غاليتي

[هبه مجدى]

اى حاجه ان شالله حتى يكون عنده سنه ونص بس اتخبط واتجوز يا ناس

[هبه مجدى]

لا بجد حقولكم انا بالنسبه ليا لحد 10 او 11 سنه كويس اوى علشان يكون بينا تفاهم ويكون عقله ناضج ويقدر يتفهمنى وبرضه على حسب طبيعة الزوج وربنا ييسر

[منار الجبالي]

انا مقتنعه بكلام سوسو المروشه بس نرجع نقول فين الحب في كل ده وفين القسمه والنصيب ولو واحد وواحده نفس العمر تقريبا وبيحبو بعض بجد عمرها ماهتفشل العلاقه الزوجيه لان الراجل لو بيحب مراته بصحيح هيبقى عمره ماشايف غيرها ا واستحاله مهما كانت اكبر منه حتى! ممكن حد غيرها يملا عينه
واي خدمه