[رينجو]

معلشى كتير من اخواتى الفتكاوات يمكن يزعلوا من الرأى ده لأنى فكرة أنى قلته ايام الكلية فى المحاضرة وساعاتها رأيت التصفيق والتهليل من زملائى ورأيت التهديد والوعيد من زميلاتى بس ما زلت مقتنعة برأى طبعاً شوقتكم بما فيه الكفاية راى عن موضوع المساواة بين الرجل والمراة التى أصبح ليس لدينا شغل شاغل الا المناداه بها بس بصراحة انا لا أؤمن بالاخت مساواة دى خالص أو علشان متزعلوش مش مؤمنه باجزاء منها اولاً انا مؤمنه بانه لازم تكون هناك مساواة بين المرأة والرجل من وهما لسة صغيرين فى التربية وفى التعليم وفى حق الحوار والرأى ويمكن فى كل شىء ولكن مقدرش اؤمن بهذه المساواة بينهم عندما يكبران فى كل شىء فبمجرد بلوغ البنت مقدرش اساويها بأخوها فى الخروج الكتير مثلاً أو اذا خرجت وتاخرت وأيضاً انا بحط نفس الضوابط دى للولد بس ممكن أتجاوز لو تأخر برة البيت دون تكرار ومع معرفة السبب فالقاعدة معروفة للجميع ولكن عند تأخر البنت أكيد حيكون التدقيق معها اكثر وده بحكم طبيعة البنت والحرص على سمعتها وأن تكون بمظهر يتقبله المجتمع الشرقى الذى يحكمة الدين والعرف ولست أنا التى فرضت عليها هذا بل الدين الحنيف عندما قال الرسول اذا بلغت المراة المحيض لا يصح ان يظهر منها الا هذا وهذا وأشار الى وجهه ويديه اذا الدين جعل الحال يختلف من عمر لعمر
ولنا بقية للحوار باذن الله

[ام مهند]

مشكوره

وانا معاك في رأيك واحييك عليه

(وليس الذكر كالأنثي)صدق الله العظيم

انا مش عارفه مساواه ايه اللي بينادوا بيها لا حول ولا قوه الا بالله

[nona79]

مين قالك اننا مش حنوافقك بالعكس انا موافقكي جدا جدا اكيد
المساواة زي ما قلتي في التربية وفي التعليم وفي جميع الحقوق
بس في حاجات تانية ما ينفعش فيها المساواة
شكرا ليكي

[رينجو]

بصراحة انبسطت جداً ان فية نساء صاحبات فكر راقى ومتحضر لان هو ده التحضر مش التحضر ان تكون هناك مساواة بل ان المساواة التى يريدونها هى تخلف وتقهقر لايام الجاهلية قبل ان ينظم الاسلام هذا الموضوع ويجعل للمراة مكانة قد تفوق مكانة الرجل فى بعض الاحيان ولا ننسى حديث الرسول عندما جاء رجل الى الرسول صلى الله عليه وسلم وقال له يا رسول الله من أحق الناس بحسن صحابتى قال أمك قال ثم من قال أمك قال ثم من قال أمك قال ثم من قال أبوك .
وضع الرسول الام او المرأة فى مكانة اعلى من الاب نيجى احنا ونقول لأ احنا عاوزين مساواة يبقى ده اسمه كلام واحياناً أسمع ستات تقول لازم الواحدة تثبت نفسها وتشتغل وتكون فى أعلى المناصب محدش قال لا على فكروة انا بشتغل بس بينى وبينكم مش شايفة ميزة فى الشغل يا فرحتى دى أعباء أضافية لانى للأسف مش حأقدر أشتغل بس ده لازم أقوم بدورى كأم وزوجة وأرجع من الشغل وأنا رايقة وأنسى المضايقات بتاعة المواصلات والزميل ده ورخامته والزميله دى واللت والعجن والشد والجذب علشان أقدر أتحمل تعب العيال وطلباتهم هما وأبوهم اللى لا تنتهى هى دى بقى المساواة خلينا فى مكانتنا أحسن مش كدة