[كرنشى]

جسم رشيق مع قشر البصل
بعد اللجوء إلى أدوية التخسيس التي قد تلحق بعض الأضرار بالجسم، بالتأكيد تحتاجين الآن إلى وصفة طبيعية خالية من أي مواد كيميائية لتعيد إلى جسمك رشاقته.
وتتلخص فوائد هذه الوصفة في القضاء على السليوليت وإعادة رشاقتك إليك، والوصفة كالآتي:
اجمعي كمية كبيرة من قشور البصل الأحمر، ثم نظفيه وكسريه واغسليه واغلي منه مقدار ملعقة كبيرة ونصف الملعقة مع كوبي ماء، واشربيه ثلاث مرات يوميا قبل كل وجبة بخمس دقائق .
يلا جربو يا بنات وانا كمان حجربو

[بقسماط وجبنة]

انت لسه هجربيه لما تجربيه قوللى على النتيجة
بس ليه قشر البصل مش البصل؟؟؟؟؟

[نوروجني]

انا جربته بس بصراحه مستمرتش عليه كنت بنسي بس لما كنت بشربه عالج لي الامساك ماشي هبداء معاكي من بكره بس علي فكره قشر البصل الاحمر مش الاصفر ودي وصفه صنيه المفروض بتخسس 10 ك في الشهر

[WickedGames]

صحيح ازاى قشر البصل مش البصل؟
وازاى هكسره وهنظفه دا ضعيف جدا ومش هيستحمل
انا سمعت عن الوصفه دى قبل كدا وسمعت ان اليابانين هما اللى بيستعملوها
لو مجرباها ياريتى تقوليلنا نتايجها ..
وتسلم ايدك

[مستكه550]

هي بتخسس اقد ايه انا عوزة اخس علي الاقل 30 كيلو انا حاليا وزني 90 عوزة اكون 60 في اقرب وقت
هيبقي قشر البصل الحمر بس هستني الرد حالا
من فضلكو

[nsamir]

نجرب و نشوف، يعني هي جت على البصل و حنقول لا

[dora]

تسلمى يا قمر على الواصفة

[wela]

قشر بصل
يا نهاااااااااااااااااااااااااار
لا يا اوختى مش لاعبه

[انا مطمنه طول منا مع ربنا]

لا مستحيل بصل لا
شكرا ليكي

[السويسية]

تسلمى يا قمر