[أم روان]

احنا ليه بنفضل نكتم فى نفسنا لغايةماتيجى لحظه ننفجر فيها وممكن نأذى الى حوالينا ويكون السبب تافه مش محتاج رد الفعل الى بناخده
الى خلانى اخد بالى من الموضوع ده واحده صاحبيتى كل ما نتكلم مع بعض فى الى مضايقنا
نلفت نظر بعض ان الموضوع مش مستاهل كل الزعل ده
علشان كده يا بنات فتكات------- فكرت نعمل صفحة فضفضه ونهون على بعض مشاكلنا الصغيره الى بتضايقنا الى طبعا مش محتاجه دكتورتنا النفسيه العسل الى فى المنتدى
وانا اول واحده هابتدى مشكلتى فى اطفالى الثلاثه بصراحه ساعات بيخلونى اكره نفسى من كتر الشقاوه واللخبطه الى بيعملوها فى البيت وخصوصا بعد التنظيف مباشرة
انا عرفت ان حل المشكله انى اقعد جمبهم لانهم بيكونو هادين بس المشكله انى دايما فى حاجات مهمه عايزه اعملهاومش بقدر اقعد جمبهم
لازم مشرفتنا القمرات يتشاركو معانا واولهم ام الطيب
علشان يرتاحو من اشكالنا فى الشكاوى

[حتة سكرة]

دى فكرة حلوة اوى وانا اول مرة اشارك معاكو ياريت اكون اختكو
اما بالنسبة لاولادك انا عندى فكرة لو هما اعمارهم كبيرة شوية (يعنى 5 سنين او اكتر)ممكن تحاولى تشركيهم معاكى فى ترتيب البيت وتوعديهم بحاجة تقدرى تنفذيها يعنى مش تقولى هودية الملاهى وانت طبعا مش هتروحى وكدة يعنى
يارب اكون افتدك ولو بحاجة صغننة

[drnahla]

ههههههههههه
حلوة فكرتك ام روان
والله انا بنتى مجنننانى
انا احيانا اصحى الصبح ع صريخ ف الحمام
اقوم مخضوضة
اقلاقيها فى الحوض ومشغلة الحنفية عليها ومش عارفة تنزل طبعا؟؟؟؟؟؟؟
قفلت الحمام
هى بتنام معانا ع السرير
اصحى الاقى كل المكياج ع وشها
وزيوت الشعر ع شعرها وهدومها
وزجاجات البرفان كان عندى عينات ديور لسه جديدة 5 زجاجات
لقيتها دلقاهم ع جسمها كلهم.................ياااااااااااااااااااالهوى
طب اعمل ايه؟؟؟؟؟؟؟؟؟؟
ما نفعش الضرب ولا المحايلة
دماغها جزمة
وكمان لو خليتها تشم هوا ف البلكونة
رمت كل المشابك ف الشارع
وجزم ابوها ف الشارع...........
ولو خرجنا ..........ثوانى تنزل ع الارض والاقى صاروخ جرى وكانها طفشانة منا وتاهت منى مرتين ف المول
ولو مخرجتهاش
عارفة بتعمل ايه دلوقتى
عمالة تجرى ف البيت من اوله لاخره بدون هدف
بقالها حوالى تلت ساعة
دا غير وغير وغير.................
ع فكرة عندها سنتين

مازا تفعل لو كنت مكانى؟؟؟؟؟؟؟؟؟؟؟؟؟

[حتة سكرة]

احمدى ربنا على شقوتها دى هى بنوتة برضة امال لو عندك ولدين تؤام هاتعملى اية؟

[drnahla]

والله انا قبل ما اولد سما كان نفسى ف تؤام ولاد
لكن بعد اللى عرفته,,,,,,,,,,,,
تووووووووبة

[أم روان]

تسلمى يا سكره انا فعلابشركهم معايا علشان اقلل من فتر التخريب بتاعتهم
والله يا نهله هونتى عليه نفس عمايل بنتك بتعملها رحمه 3سنين انا بقالى يومين مش لاقيه مشابك بيكسروهم علشان انا مخبيه اللعب من كتر ما باكعبل فيهم