[*أنـــوس*]

السلام عليكم ورحمة الله


حد جرب الغسالات LG

لانى عملت سيرش لاقيت اللى بفتحة من فوق شكلها شيك بس معرفش يا ترى ينفع معاها اى مسحوق ولا اية
وفى اللى فتحتها من تحت زى باقى الغسالات الاوتماتيك
رجاء اللى جرب يقولى انهى الافضل واية الاسعار

[emy1989]

بالتوفيق

[نورا ام يوسف ونور]

الغسالات اللي من فوق بتستخدم اي مسحوق عادي او اوتوماتيك
بس مبتنفعش في المطابخ البلت ان
بس عموما lgماركة كويسة جدا

[اتمنى الفردوس]

بصى حبيبتى الى فتحتها من فوق اسمها فوق اوتوماتك هى اى مسحوق عادى انا بجهز جيبة الاتوماتك الكاملة جميييييييييييييييلة ب2750

[sokkar nabat]

مرات اخويا لسه عروسه جايبه اللى فتحتها من تحت
هبقى اسالها عن السعر وكلوووووووو وهبقى اقول لك ان شاء الله.

[follaya]

الفرق
اللي بفتحة من فوق حجمها كبير بتاخد لحاف و بعيد عن لعب العيال ..
واللي بفتحة عادية من الامام ... عادية زي اي غسالة فول اوتو ماتيك

[غادتى]

انا فى السعوديه واحده اعرفها عندها ال11كيلو من فوق ب 2500 وبتشكر فيها قوى وبتستخدم مسحوق عادى انا عندى نيهون من فوق برضه وماشاء الله حلوة ومسحوقها عادى

[*أنـــوس*]

شكرا يا بنات كلكم
مكنتش اعرف انى هلاقى ردود سريعة كدة
بتشكركم

[sweety_nodaa]

انا عندى lg فوق اوتوماتك وحلوه اوى انا مستريحه معاها زيها زى الاتوماتك بالضبط وممكن ارخص فى السعر والمسحوق انا بستخدم اريال للغسالات التعبئه العلويه وجميل
وممكن تستخدمى اى مسحوق يعجبك طبعا

[*أنـــوس*]

انا فى السعوديه واحده اعرفها عندها ال11كيلو من فوق ب 2500 وبتشكر فيها قوى وبتستخدم مسحوق عادى انا عندى نيهون من فوق برضه وماشاء الله حلوة ومسحوقها عادى

اعتقد فى مصر هتبقى اغلى يا قمر