[هبهوبه هوبه]

.عندي واحد صحبتي فى الشغل لسانها طويل شويه
كل لماالبس حاجة تعلق عليها
مثلا عندي بلوزة كنت لبساها من 4 سنين فى كنيسه واحدة كانت عملها فرحها هناك اول لما شفتنى لابساها تقول يااااااه من ايام الفرح طبعا الكلام دة بيحرجنى قدام باقي الزملاء
والله انا بشتري لبس كتير كل سنه عشان كدة الحاجة مش بتلحق تدوب
وبكرة ح البس فستان كنت جيباه من ايام جوازها من 3سنين والله الفستان زى الجديد بس خايفه تعلق ومش عارفه ارد عليها اقول لها ايه.

[مونى88]

ملكيش دعوة بيها البسى اللى يريحك انتى حتى لو كان قديم
ده رايى وبرضه شوفى رد ببقيت العضوات

[واحدة من الناس]

وهى مالها بيكى اساسا؟!!!!!!!!!!!!!
سيبك منها والبسى اللى يريحك وماتفكريش فى كلامها خالص

[بنوته شيك]

قولى لها دا اقل احاجه عندى انى ممكن اجى بيها الشغل دا لكن الجديد كله بسيبو للمكان اللى ينفعو وبعدين البس اللى انا عوزاه انتى دفعالى حاجه من جيبك لما ابقا اقولك هاتى حاجه ابقى اتكلمى
وكل واحد ياستى بيلبس اللى يريحو لو جيتى لبساجيب ميكرو عادى
لان دى حاجه مريحاكى محدش هيدخل وبعدين جوزى هو اللى مخترلى دا بيحب يشوف كل حاجه عليا بيقولى لو قديمه انتى بتحليها
اصل الحلو حلو
بس
يبقا انتى كدا مش هتخليها تتكلم تانى معاكى احرجيها دايما
وهى تبعد عنك
بس على فكره هى عندها نقص

[ام مهند]

تعرفي تكبري دماغك؟؟؟؟؟!!

ايوه كبري دماغك واحرجيها بالذوووق

وخدي كل كلامها بطريقه الهزار واقلبيها لمصلحتك

وماتبينيش انك محرجه ابدا وثقي في نفسك اكتر

[reda mohamed]

دى إنسانه بتغير منك علشان كده واخده بالها من لبسك دايما
زى ما هى بتحرجت أحرجيها هى كمان مش لازم باللبس ممكن من طريقة كلامها -مشيتها أى حاجة

[ريري]

لابد من التجاهل التاااااااااااام لكلامها ..يعنى تكملى حوارك مع اللى معاكى بدون حتى ان تنظرى لها بعد كلامها
وممكن بس بكره تردى عليها وتقوليلها :انا لبست الفستان ده مخصوص علشان تلاقى حاجه تعلقى عليها..لانك هاتصعبى عليّه جداااا لو روحتى من غير ما تعلقى على حاجه!!!!!!
ربنا يهديها ..

[um_tareq]

بالزبط انتي لازم يكون عندك ثقة أكبر بنفسك
و أكيد هاي الزميلة بتغار منك و من أي حدا بتحس إنها أحسن منها، و اللي زي هيك ما عندها شي يشغلها يعني هيه تافهه و فاضية من جوا
فلا تهتمي بالمره
و لازم ترد عليها بطريقة مهذبة جداً و نفس الوقت محرجة إليها و علقي عليها بنفس أسلوبها عن لبسها
و الله يهدي هاي النوعية من الناس لأنهم بحزنو لأن حكيهم دليل فراغ

[هبهوبه هوبه]

كلامكم كله صح بس انا بتحرج لما بتتكلم قدام حد وانا مش بعرف اكون سريعه الرد
بس الحمدلله هيه النهاردة غابت

[hana]

والله يا حبيبتى لو فضلنا نسمع كلام الناس يبقى مش هانخلص خالص
إلبسى اللى انتى عايزاة ومحدش لي كندك حاجة
وزى بقيت العضوات قالولك إحرجيها بالزوق
لأن كثرة كلامها دة ممكن تكون هيا غيرانة منك .
وربنا يهدى

[ام سعيد]

وهيا مالها هيا بلبسك كل واحد حر طنشيهاااااا وكبرى ده قعدة فاضية بقى مورهاش حاجة غير لبس الناس متخلى بالها من شغلهاااااا وعموما كبرلها ولا تردى عليهاااااا

[أميرتى يمنى]

والله يا بنتى دى واحدة هايفة وفاضيه عشان اللى مخليها تفتكر شكل اللبس بتاعك وحفظاه دا الواحد بينسى أكل أيه أمبارح وعلى فكرة خلى بالك منها لانها بتغير منك مووووووووووووووت ودا باين من كلامها يعنى حاولى أنك تتجنبيها وما تتكلميش معاها خالص
وربنا يهديها يارب

[ام حمادة]

ا(لا اله الا الله سبحانك انى كنت من الظالمين)

[أم لوجى و ملك]

انا عارفه طبعا ان ده شىء سخيف لكن لا تعيريها اى اهتمام التجاهل هو الحل

[samasemo]

والله الفتوكات قالو المفيد اسمعى كلامهم ربنا يبعد عنك الشر وعيون الناس

[برتقال سكرى]

سيبك منها
ومتهيألى أنها أصلا بتغير منك
دى عارفة جبت هدومك امتى وكنتى لبساها فين
دى حاجة تفرحك مش تزعلك أنها غيرانة منك تبقى أنتى أحسن منها
وكبرى دماغك