[ياما]

أخواتي الفتوكات

انا صيدلانية ولكني أحب مجال التغذية لاقتناعي التام بأن الغذاء هو الوقاية و الدواء وانا لا ادعي العلم و الخبرة ولكني سأحاول بمعلوماتي المتواضعة افادتكم في موضوع التغذية و ارجوا ان يوفقني الله في ذلك و يتقبل مني .

في انتظار مشاركاتكم و اسئلتكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
عندك سؤال في التغذية و الماكروبيوتك ؟؟؟؟؟؟؟؟؟؟
http://forums.fatakat.com/thread22821

[semsems]

السلام عليكم عيزة حد يقولى عن تجربتة مع القرفة والجنزبيل فى الدايت وهل هى فعلا لها فايدة وبتجيب نتيجة سريعة وارجو سرعة الرد

[ياما]

الحقيقة لا اعرف عن فائدة الزنجبيل و القرفة في التخسيس انا اعرف انهما ممتازان لتنشيط الدورة الدموية
اما التخسيس فيستخدم له مغلي الكمون مع الليمون و هي وصفة مجربة و شوفت نتيجتها مع احدى معارفي بنفسي
و هناك العديد من الوصفات و مش كل الناس بتستجيب لنفس الوصفة
وربنا يعينك و ان شاء الله تخسي و تبقي زي ماتحبي

[nona79]

شكرا ليكي يا ياما
بارك الله فيكي
انا حبيت اسالك عن ابني تعبني جدا في الاكل يعني الاكل المفيد بقعد
ساعة اتحايل عليه عشان ياكله ايه رايك ممكن اعمل ايه عشان اخليه
ياكل حاجات تفيده
ملحوظة هو نموه كويس الحمد لله وصحته كويسة بس اكيد لازم
ياكل حاجات مفيدة لانه في مرحلة نمو

[ياما]

اهلا بيكي يا نونا قوليلي ابنك عنده كام سنة وبيحب الاكل المالح و لا الاكل الحلو وايه نظامك معاه في الاكل يعني مواعيد الاكل و نوعيته
في انتظار ردك

وارجو تقييم الموضوع حتى يتم تثبيته

[nona79]

شكرا ليكي علي اهتمامك
ابني عنده 4 سنين ونص وهو بيحب الحلو اكتر اكيد وعلي فكرة هو بيحب
البسكويت اوي اكتر من الشوكولاتة
ومواعيد الاكل الصبح يفطر 10 ونص 11 ويمكن ديه افضل وجبة بياكلها
عشان بيحب بسكويت الالياف وبيحب احطلة عليه عسل طبيعي وحليب
وبياكل سناك في النيرسري فاكهة وكباية حليب
وبعدين الغداء متاخر وساعات كتير مش بياكل كتير
وبيحب التفاح ممكن ياكل تفاحة وسندوتش وياخد ياغورت
علي العشاء او اتنين من التلاتة دول

[ياما]

لا تقلقي يا نونا من عدم اكل طفلك لوجبة الغداء المهم ان يأخذ جميع العناصر الغذائية التي يحتاجها وانا ارى ان نظامه في الاكل " ماشاء الله لا قوة الا بالله " يعطيه كل العناصر بإذن الله البسكويت والعسل يعطيه الكربوهيدرات و السكريات و الفاكهة تعطيه الفيتامينات و الالياف و اللبن و اليوغورت يعطيه الدهون و البروتينات فلا تقلقي
ولكن
حاولي تعويده على انواع اخرى من المأكولات كالارز البني و الخضراوات المطبوخة و النيئة و الاسماك تدريجيا و بكميات قليلة و بالصورة التي يحبها
يعني مثلا ممكن تعملي كفتة سمك الاطفال يحبون الاطعمة المقلية ويمكن اعطاؤه الخضراوات الطازجة ليأكلها كما هي بدون تقطيع "جزر - خيار - طماطم - خس ........" وهكذا جربي معه و نوعي في الاكل و اخبريني بالنتيجة

و ربنا يعطيك العافية انت و ابنك دايما يارب

[nona79]

ربنا يخليكي يا ياما كلامك ريحني ما تتصوريش ازاي
ان شاء الله حاعمل بنصائحك وعلي فكرة هو رضع طبيعي سنتين
وده فاده جدا وماثر في صحته لحد دلوقتي
وبالنسبة للسمك احنا كلنا ما بنحبش ناكلة يا تري التونة والسي فود الجاهز
قصدي المجمد وانا اطبخ معاه مكرونة او رز يعوض
بارك الله فيكي

[أم الطيب]

شكرا يا ياماعلى الموضوع الرائع ده..
عندي سؤال ابني بيحب الحلاوة الطحينية جدا ممكن يفطر ويتعشا منها.. زيادتها فيها مشكلة وللا ايه رأيك؟

[hana]

جزاك الله خيرا يا ياما على مجهودك الطيب

[ياما]

شكرا يا نونا و يا ام الطيب و يا هنا على تشجيعكم للموضوع و مروركم الطيب


بالنسبة للسي فوود مع الارز او المكرونة مفيد جدا ان شاء الله يا نونا و زي ما اتفقنا حاولي تنوعي لأن الاطفال بيحبوا التنويع .


و بالنسبة للحلاوة يا ام الطيب هي مفيدة و خاصة للاطفال لان السمسم يحتوي على نسبة كالسيوم عالية و لكن الحلاوة الطحينية الجاهزة تحتوي على اضافات انصحك باستبدالها بالعسل الاسود مع الطحينة فهي وجبة متكاملة من العناصر الغذائية " كالسيوم - حديد - معادن اخرى - بروتين و دهون من السمسم " و ايضا يمكنك عمل الطحينة في المنزل و بذلك تضمنين نقاوتها
وربنا يعطيك الصحة يا ام الطيب انت و ابنائك دوما يا رب

[أم الطيب]

جزاك الله خيرا يا ياما على ردك وربنا يبارك لنا فيك يااااااااااااارب

[nona79]

بارك الله فيكي يا ياما لاهتمامك ومتابعتك للاسئلة

[ايمان فريد]

جزاك الله خير على الموضوع الرائع
بس عندى سؤال ممكن ..........
انا اولادى الاثنين لو عندنا كيك مش عوزين يأكله الا الكيك
فيها اى مشاكل واللهى مش بحب اعملها بسببهم .......

[ياما]

جزانا الله و اياكي يا ايمان

بالنسبة لأطفالك الحمد لله انهم بيحبوا الكيك البيتي لأنك ممكن تضيفي للكيك اشياء كثيرة مغذية جدا مثل التمر و الزبيب و العسل الاسود و المكسرات و السمسم و الفاكهة بكل انواعها و كمان ممكن تعمليه من دقيق القمح الكامل و بكده هيكون مفيد جدا و ايضا ممكن تضيفيله دقيق ذرة او دقيق شعير ناعم مع الدقيق العادي و بكده ترفعي قيمته الغذائية جدا

المهم انك تنوعي و كل مرة تعملي الكيكة بشكل جديد وممكن تستبدلي الشيكولاته بالخروب في عمل الكيك و بتطلع لذيذة جدا
وطبعا عندك وصفات كتييييييييييير في موقع طبخ فتكات
جربي و احكيلنا
و شكرا لمرورك

[nona79]

لو سمحتي يا يا ما عاوزة اسالك في موضوع بنتخانق عليه انا وجوزي

شوفي انا بدي لابني فيتامينات الي بتحتوي علي اوميغا3

عشان احنا ما بناكلش السمك كتير فحبيت اعوضه بيها وهي فيها

انواع فيتامينات اخري يعني ملتا فايتمن

يا تري ممكة تسبب السمنة عشان ابني زاد وزنه شويه مش كتير

وجوزي بيقولي يمكن من الفيتامينات وانا بقول لا مستحيل الفيتامينات

ما بتسمنش ايه رائك

[ياما]

الفيتامينات لا تسبب زيادة الوزن بس الاوميجا3 توجد في زيت السمك وهو يباع في صورة شراب و كبسولات ولكن الجرعة اليومية له لن تؤثر في الوزن بإذن الله
وأي خدمة

[نقطة حبر]

ماسبب رائحة الفم الكريهة
وشو العلاج؟
ياريت تجاوبني بسرعة
وشكرا

[nanoos]

hi yama ana kont seme3t in el laban ma3a el kakao yemna3 emtesas el calcium is that true

[ياما]

بالنسبة لرائحة الفم الكريهة سوف تجدين عدة موضوعات عن هذا الامر في صحة العائلة يا نقطة حبر و شكرا لمرورك .

بالنسبة لامتصاص الكالسيوم يا نانوس كل المشروبات المحتوية على الكافيين تعيق امتصاص الكالسيوم و الكاكاو يحتوي على الكافيين بنسبة متوسطة اقل من الشاي و االقهوة وهذه المشروبات تؤدي الى الهشاشة .