[أميرتى يمنى]

الله يا ساندى موضوعك جميل وسؤال كمان صعب
بس لو الواحدة عايشة مع واحد بيحبها ويقدرها يبقى فى داهية كل حاجة الأ هو
لأنه كده هايحطونى فى عنيه من جوه وأنا هابقى عايزة أيه أكتر من كده
وأنا عندى عمى ومراته بقالهم عايشين مع بعض عشرين سنه لحد دلوقتى من غير أطفال والحمد الله عايشين مبسوطين وكويسين جدا وبيحبوا بعض جدا كمان
وربنا يسعد الناس كلها يارب

[n.e.h.e.a]

أنا نفسى جداً أبقى أم
وبأموووووت فى الاطفال
بس لو جوزى إنسان كويس وبيعاملنى بإحترام وأنا سعيدة معاه
ولقيت إنه يستاهل التضحية دى
مفيش مشكلة هأكمل معاه طبعاً وأنا سعيدة
ومين عارف أكيد ربنا هيعوضنا خير بعد فترة
ولو مفيش نصيب يبقى لنا أطفال هنحمد ربنا على النعمة اللى إحنا فيها من سعادة زوجية
وممكن نعوض دة بإننا نزور يتيم فى دار أيتام بانتظام ونعتبره زى إبننا او بنتنا ونفرغ فيه عاطفة الوالدين اللى إتحرمنا منها

[crazy_tota]

مفيش رد غير كلام ربنا سبحانة وتعالي قال
[ ويجعل من يشاء عقيما]
الاولاد رزق اللي بيدية ربنا
واذا ربنا اراد انة يرزقني بأولاد حيرزقني بيهم مأردش يبقي دي حكمتة ونصيبي وانا ارضي بية
وبعدين مش يمكن اللي حتفكر تطلب الانفصال عن زوجها عشان تبقي ام تضمن منين ان اللي حتتجوزة بعد كدة حيكون بيخلف
ولا تضمن منين انها حتفضل سليمة
زي ما قلت دة رزق وارادة ربنا قبل اي شيء

[ثمر]

السلام عليكم
الاطفال ما اجملهم .....هو السبيل الوحيد للوجود للمراة وهو دليل انوثتها
لو زوجك زعلك ....طفلك يهون عليكى
لو انت لم تنجبى .... اول فرصة لة يتزوج حتى لو كنتى اجمل امراة فى الوجود
على فكرة هو بيتعامل معها كويس بس عشان عارف انه لايستطيع
فى رجالة كتير اوى محترمة وبتعامل زوجتها بحترام

[dodo246]

بصراحة الموضوع حلو و بجد بيجى على بالى كتير بس طبعا كل انسان و له طبيعته و تفكيره

انا عن نفسى ماتفرقش معايا حكاية الاولاد طالما ان زوجى بيحبنى و علاقتنا و حياتنا مستقر
لكن فى ناس تانية ماتقلبش
اللى انا عايزة اقوله ان ربنا شرع الجواز مش علشان الاولاد لكن علشان الراجل و الست علاقتهم تكون فى اطار شرعى و دينى و بعدين اذا اراد يرزق الزوجين باطفال نتيجة للعلاقة دى
لان الغريزة الجنسية هى اقوى غريزة فى الانسان
و نفسى الناس كلها تفهم كده
انما للاسف الموروثات بتاعتنا بتقول ان ربنا خلق الجواز علشان نجيب عيال
و الجوازة اللى مافيهاش عيال لازم البيت ده بتهد و كل واحد يشوف مصلحته
لكن و الله كله بمشيئة ربنا و الرضا بقضاء الله اهم شيئ
و ربنا مايحرم حد ابدا من الذرية الصالحة

[ماما دودو]

أنا رأيي زي رأي الأخوات مدام زوج بيحبني وطيب ويراعي ربنا فيا فأرضى بنصيبي وأقتنع بأن الخير فيما اختاره الله
عايزة أقول لأسماء ربنا إن شاء الله يرزقك بالذرية الصالحة وخلي أملك وتوكلك على الله كبير وأقولها إنو بنت خالتي فضلت 8 سنين ما بتخلفش والعيب كان من الإثنين
هي ضعيفة جدا أما بالنسبة لزوجها فالطبيب قالها مستحيل) والحمد لله أنجبت مرتين وطبيبها قالها دي معجزة من ربنا.....سبحان الله
أما انت يا ساندي فعايزة أقولك دمك عسل
أنا دلوقت افتكرت قصة لقريب جارتنا ما كانش بيخلف لمرض صحي (الكليتين بايزين وموش لاقي متبرع ) طلبت الطلاق .....في الأثناء تموت هي غرقانة في بيسين (عافانا وعافاكم الله) وهو يلاقي متبرع وتتعمل العملية وتنجح وبعد كدة اتجوز وخلف القصة دي حقيقية بالفعل يا سبحان الله

[بدر البلوى]

مشكورة علي الموضوعة الحلو
انا بقالي 4 سنين ولسة ما خلفت بس صبرة لاني جوزي انسان محترم وحنين وحبيحبني وبيحترمني يعني الي عندهم عيال عمللهم اية
بس الخلفة في نفس الوقت حلوة بس مش بايدنا بايد ربنا لما يشاء

[toto s]

انا شايفه انو حبي لجوزي رح يخليني اتغاضى عن هاي الشغله وخصوصا اذا كان بحبني وبحترمني.
وبعدين بفكر شو هو رح يعمل لو عرف اني انا ما بخلفش , بس اكيد لو بحبني مستحيل حيفكر انو بتجوز علي او يطلقني

[((مى))]

مش ممكن اتخلى عنة طبعا
الاقى فين انسان زية
دة اللى هو خطيبى يعنى
متهيألى عمرى ما اسيبة

[نسرين عيد]

اكيد الامومة شيء عظيم
ربنا ما يحرم حد منها

[memo352]

السلام عليكم ورحمة الله وبركاته انا رأى لو كان جوزى معاملته معايا كويسه وراجل محترم وصالح وقبل كل ده بيحبنى وانا بحبه اكيد هيعوضنى عن كل ده اه الاطفال حاجه كويسه ومهم جدا ان يكون عندى اطفال واحس بالامومه بس دى حاجه بايد ربنا لو ربنا رايد انى مش اخلف يبقى مش هخلف حتى لو اتجوزت 100 مرة دى ( قل لن يصيبنا الا ما كتب الله لنا ) فانا لازم اقف جنب جوزى واحسسه انه عندى اغلى من الدنيا كلها وربنا يعوضنا خير ويصرنا .. واعتقد ان رجاله كتير اوى بتقف جنب زوجاتهم فى الموقف ده واحيانا نلاقى اللى مش بيقدروا يقفوا جنب زوجاتهم بسبب العادات والتقاليد او بسبب تعلق الرجل بالاطفال بشكل هستيرى .. يارب اكون افدتك وجزانا واياكم كل خير .. السلام عليكم ورحمة الله وبركاته .

[روشا]

لو انسان طيب وبيحبنى وبحبه هيكون هو جوزى وأولادى

[سوكة الددة البيضة]

يا ختى عليكم وعلى جمالكو يا فتكوات
ربنا يديكو الى فى بالكو جميعا

[sadrose]

انا عن نفسى بحب خطيبى قوى ولو اتجوزنا واكتشفت انة مش بيخلف عمرى مااتخلى عنة بالعكس هفضل جنبة اكتر لانة بيحبنى وانا بحبة وهيكون هو عندى اكتر من ابنى