السلام عليكم ورحمة الله وبركاته أخواتى الكريمات.
الموضوع اللى هكتبه ده يمكن كلنا عارفينه من زمان ولكن الجديد فيه إنه مش كلام الواحد حفظه وبيردده لا يا حلوين أنا مش هقعد على الكمبيوتر كده عشان سعتك تقرأى الموضوع وتقولى فى النهايه آه والله البت دى عندها حق خلى بالك مش هنولهالك أبدا دى لازم نتفق عليها من الأول إن لازم يكون فى تفاعل وعلى مقدار التفاعل هكمل فى السلسله دى إن شاء الله ومن أول موضوع هعرف علطول ومش بس كده لا دا كل واحده هتدخل من البنات ولا الأمهات هتوعدنى إنها هتفكر فى الموضوع وتبدأ تنفذه معانا وإذا كانت النتيجه أقل من 100 مشاركه مش هنكمل السلسله متفقين ياجماعه من أولها ومش 100 مشاركه سلبيه يعنى (موفقه حبوبه أو مشكوره ياعسل) كان غيركم أشطر !!!!!!!!!
ياجماعه انا بعمل كده ليه عشان بجد بجد عاوزين نتغير ولا إنتو عاجبكو حال البنات اليومين دول إحنا عاوزين كل واحده تدخل الموضوع تكون نيتها خالصه لوجه الله وعندها إستعداد تتغير وإحنا معاكى يا أختى أو بنتى متخافيش إحنا الأمهات هناخد بإيدك إن شاء الله لبر الأمان وممكن ننسى بأه شويه خشونه الشعر وخشونه الرجل وخلطة التبييض ونلتفت للأهم !!!!!!!!
على فكره أنا هزعل لو ملقتش ردود بتوعد انا عارفه انكم هتقولوا ما تزعل ولا تتفلق لأ يا جماعه كل واحده فينا لها دور فى حل مشاكل أمتها وإحنا بنجتهد والباقى على ربنا وربنا يجعله فى ميزان حسناتنا إن شاء الله قولوا آميين هنبتدى من أولها سمعينى صوتك إدينى أكتر !!!!!!!!
بسم الله الرحمن الرحيم والصلاة والسلام على أشرف المرسلين سيدنا محمد صلى الله عليه وسلم وعلى آله وأصحابه أجمعين .
هنتكلم اليوم يا أخواتى عن كيفيه إختيار الزوج ولكن سوف نضع فى الحسبان البيئه التى تربت بها الإبنه لأن لها عظيم الأثر فى إختيار الزوج . وتتعدد البيئات التى تتواجد فيها الإبنه فمنها على سبيل المثال لا الحصر :-
1- بيئه منغلقه على نفسها أى أن الأب عايش دور سى السيد وهذه البيئه التى تتواجد فيها الإبنه تجعلها ليس لها الحق فى إختيار شريك الحياه لإن من وجهة نظر الأب أو الأم أن هذا حق مطلق لهم فقط وليس للبنات أى رأى لأنهم لا يعرفون مصلحتهم .
وتعليقى على هذا للأم وأهمس فى أذنك وأقول لك أكم من المشاكل الزوجيه تحدث بسبب تسلط وجبروت الأب فيجب أيتها الأم أن يكون لك دور فى ذلك وهذا الدور يبدأ من كيفية إختيارك لزوج المستقبل .اما وإن وقع المحذور فحاولى بشتى الطرق مع زوجك وإقنعيه أن هذا ليس فى مصلحة إبنته وهذا الضغط سوف يسبب لها الكثير من المشاكل وخاصة فى العصر الذى نعيش فيه عصر الفتن والشهوات !
2- بيئه منفتحه أكثر من اللازم وعندها الحريه شئ مقدس ومش مشكله أى حاجه تانيه من عادات وتقاليد المهم فى وجهه نظر هذه الفئه إنها تكون ستايل ومش متخلفه ولا رجعيه وعلى فكره البنات اللى من هذه البيئه هما اللى أول ناس بيقعوا ولا حول ولا قوة إلا بالله .
فلابد أن نكون وسطا لا بين هذا ولا ذاك ولتتذكرى عزيزتى الأم أنك مسائله أمام الله عن تربيتك لإبنتك والتى ستؤهلها للإختيار الصحيح بإذن الله ولتعلمى والكلام للبنات إن فتى الأحلام من وجهة نظرك لابد أن يكون ملتزما دينيا وأخلاقيا لإنه إذا كان ملتزما سوف ينعكس ذلك عليك وعلى أبنائك بعد ذلك ونصيحتى لكل بنت أن تتقى الله فى نفسها والا تسلم قلبها لأحد بدعوه الإختبار يعنى إنك تختبريه أنا عاوزاكى تسألى نفسك ياحبيبتى هل فى حاجه فى ديننا إسمها إختبار الزوج قبل الزواج .
إحنا إتفقنا من الأول أنه لابد من التغيير ولكن فى إطار ديننا الحنيف طب لو كلامى مش عجبك هخلينى معاكى واحده واحده هل فكرت يوما وانت ماشيه مع زوج المستقبل إن الأرض اللى إنتى ماشيه عليها ممكن تنشق وتبلعك قصدى اللى بيسموه هبوط أرضى .ساعتها ياحلوه هتقولى إيه لربنا أقصد هل فكرت فى خاتمتك فى أخرتك فى عقاب ربنا ليكى بلاش كده هل فكرت فى الذريه التى ستنجبيها من مثل هذا الرجل وهل ستكون ذريه صالحه أم لا .
لا يا أختى يجب أن يكون تفكيرك أكبر من هذا ولتعلمى أن إختيارك الصحيح لزوج المستقبل سوف يترتب عليه أشياء كثيره وأولها أولاد صالحين نافعين لأنفسهم أولا ثم مجتمعهم وأن قصص الحب التى تشاهديها بالتلفاز ما هى إلا من نسج الخيال ولا تمت للواقع بأى صله .يالا ياحبيبتى نتعاهد على إنك إن شاء الله سوف تغيرى من أسلوب حياتك إذا كنت من هواة القصص وتذكرى جيدا أن الله يراقبك أينما كنت وليكن هدفك بالحياه أكبر من متش كوره ومن أغنيه تسمعيها .
وإن شاء الله سوف نكمل ما بدأناه ولكن هذا يعتمد على ردودكم يا حلوين .
ـ الجزء الاخير..:
السلام عليكم ورحمة الله وبركاته أخواتى الكريمات .
بعد ما إنتهينا من الجزئين السابقين ومحاوله الوقوف معا على أرض صلبه تعالى يا أختى فى الله (الأم والأبنه) نضع معا النقاط الأساسيه التى يجب أن تتوافر فى زوج المستقبل والتى يجب أن تضعيها فى الإعتبار عند إختيارك لزوج إبنتك .
1- الإلتزام الدينى . وهذا يتضح جليا من معاملته لكى أيتها الإبنه الكريمه ومدى حرصه عليكى وطبعا زى ما إتفقنا لو عاوزه سعاده زوجية وبيت سعيد لازم تبتدى صح من الأول يعنى مفيش خلوه - مفيش كلام فى التليفونات من ورا ماما وبابا لإن إحنا بنقول تكوين أسره يعنى لابد يكون الأساس متين حتى يتحمل شدة الرياح والعواصف .يعنى على أساس دينى بحت ولا أقصد تعصبا دينيا إطلاقا ولكن أقصد الإلتزام بتعاليم الإسلام فى كل خطوه يا إبنتى العزيزه لكى لا نبكى على اللبن المسكوب .
2-المستوى الإجتماعى :- والمقصود به المادى والثقافى أى لابد وأن يكون هناك تقارب من ناحية مستوى العائله وأيضا من الناحيه التعليميه .
3- المستوى الفكرى :- المقصود به تقارب الأفكار بين الشريكين من حيث الموضوعات التى تثار والأراء التى تتخذ فيها وأيضا الهوايات ودا شئ مهم جدا لإن ممكن أحد الزوجين يكون لديه هوايه معينه والطرف الآخر يقلل منها على إعتبار أنها شئ تافه وهنا تحدث فجوه بين الزوجين على المدى البعيد فلابد أن تكونى واعيه يا إبنتى لمثل هذه الأشياء لأنها بتكبر مع الزمن .
4- الإرتباط الأسرى :- مدى إرتباط عائله الزوج بعضها ببعض لأن ذلك سوف يكشف لك أشياء عن زوج المستقبل وتعرفى إذا كان كلامه معاكى تمثيل ولا حقيقه أقولك إزاى يعنى لو رب الأسره عندهم متسلط ولا يسمع لرأى زوجته يبأه تأكدى أن الإبن مثل والده تماما وأنه بيجاملك فقط لكى يأخذ ما يريده ويظهر على حقيقته بعد الزواج ومثل هذا الرجل الذى عاش فى جو التسلط لا أنصح به يا إبنتى لإنك لا تستطيعين تغييره مهما فعلتى معه وإذا كان فى حد بيتغير فقليل جدا ونادرا لذلك بأردد دائما أن العريس الموجود فى أسره إسلاميه تتبع تعاليم الإسلام هو أفضل عريس لإنه عارف ربنا كويس وعمره ما هيهينك ولا يذلك وهيكرم عشرتك .
5- علاقاته الإجتماعيه :- لابد أن تتعرفى على طبائعه من البدايه وهل يحب العلاقات الإجتماعيه مع الأسر الأخرى والأقارب أم لا (وطبعا بدون اختلاط ).
تعرفوا ياجماعه انا أكتر حاجه بحبها فى عادات دول الخليج هى التزامهم بمبادئ الدين فى الزيارات الإجتماعيه وهو إن الستات لها مكان مخصص لها والرجاله أيضا وبذلك لا يتطلع الرجاله على عورات النساء والعكس وبذلك تجنبى نفسك مشكلات لا حصر لها نتيجة الإختلاط وبالفعل رأيتها بأم عينى من مقارنة الزوج بين زوجته وصديقتها من حيث المظهر واللباقه فى الكلام فلماذا تضعى نفسك فى هذا المأزق إتفقى معاه من الأول إنك مبتحبيش الإختلاط لإن فى ذلك حمايه لكى أنتى أولا .
وبهذا يا أخواتى أكون قد إنتهيت ولله الحمد من هذا الموضوع وأسأل الله تعالى أن ينفع به أمة محمد وأن يستعملنا ولا يستبدلنا وأن يهدى بناتنا وبنات المسلمين وشبابنا وشباب المسلمين وأن يهدى أزواجنا وأن يحببهم فينا وإلينا وأن يهدى أولادنا لما فيه الخير لهم فى الدنيا والآخره آمين يارب العالمين.
طبعا هقولك موضوع حلو
وكملي يالا وانامتابعه معاكي
ممكن تكبرى الفونط شويه
علشان عنيا
ويكون ليكى جزيل
موضوع مهم جدا
متابعاكى
طبعا موضوعك رااااااائع وجزاكى الله خيراً
وأنا هتباعك باذن الله وربنا معاكى
بس ياريت تكبرى الخط شوية عشان يكون سهل علينا فى القراءة
معلش أختك نظرها على قدها هههههههههههه
المشاركة الأصلية كتبت بواسطة ام مهند
|
طبعا هقولك موضوع حلو
وكملي يالا وانامتابعه معاكي
|
شكرا حبوبه
السلام عليكن ورحمة الله وبركاته أخياتي الغاليات
بارك الله فيك أخيتي وبالطبع موضوع ممتاز وأختيار موفق
ننتظر البقيه
|
المشاركة الأصلية كتبت بواسطة ورده الحب الصافى
|
|
ممكن تكبرى الفونط شويه
علشان عنيا
ويكون ليكى جزيل
|
إنت تؤمر يا قمر
|
المشاركة الأصلية كتبت بواسطة المستجيره بالله
|
|
السلام عليكن ورحمة الله وبركاته أخياتي الغاليات
بارك الله فيك أخيتي وبالطبع موضوع ممتاز وأختيار موفق
ننتظر البقيه
|
شكرا ياجميل على التشجيع الحلو ده
اقولك سر ....... (انا نفسى اتجوز انسان يخاف عليا ويتقى الله فيا ويكون ملتزم وفى نفس الوقت يكون حبوب وفرفوش مش معقد الدنيا بس فى حدود دينا الجميل_ ادعيلى بأه ....... بس اوعى تقولى لحد على السر ده...ماشى؟؟؟؟
اه وياريت تقوليلى ازاى اضيف موضوع اصلى جديده ولايصه خالص
ازيكو يا اخواتى فى الله
موضوع جميل جدا ومحتاجنى نعرف الباقى ارجوكى متصعبيهاش علينا وتوقفى الموضوع لعدد الردود 100 حاولى تتنازلى شوية وتبدأى بينا احنا معاكى وهنكمل ان شاء الله مستنيين البقية فورا
|
المشاركة الأصلية كتبت بواسطة MrMr_4ever
|
اقولك سر ....... (انا نفسى اتجوز انسان يخاف عليا ويتقى الله فيا ويكون ملتزم وفى نفس الوقت يكون حبوب وفرفوش مش معقد الدنيا بس فى حدود دينا الجميل_ ادعيلى بأه ....... بس اوعى تقولى لحد على السر ده...ماشى؟؟؟؟
اه وياريت تقوليلى ازاى اضيف موضوع اصلى جديده ولايصه خالص
|
إنشاء الله ربنا هينولك اللى فى بالك أهم حاجه تكونى صادقه النيه مع ربنا (أقصد متعمليش حاجه بعكس ديننا وبعدين تقولى يارب إبعت لى طب تيجى إزاى )
هقربهالك أكتر يعنى متصادقيش ولد فى الجامعه على أساس أنه زوج المستقبل وإنتى عارفه الباقى من المكالمات والذى منه وفى الآخر تقولى يارب نولنى اللى فى بالى ما ينفعش يا أموره مينفعش يا جميل إحنا عاوزين نرفع شعار نعم للإلتزام لا للتسيب وأقصد بالتسيب هنا (إرتكاب المعاصى)وبالنسبه لتنزيل المواضيع إنتى بتختارى القسم اللى إنتى عاوزه تكتبى فيه وتضغطى عليه وبعد كده مكتوب فوق عاليمين موضوع جديد تدوسى عليه وتكتبى ومقدرش أقولك أى خدمه يا أموره عشان معرفش إلا لغاية كده فى الكمبيوتر ماشى يا جميل
|
المشاركة الأصلية كتبت بواسطة dodi80
|
ازيكو يا اخواتى فى الله
موضوع جميل جدا ومحتاجنى نعرف الباقى ارجوكى متصعبيهاش علينا وتوقفى الموضوع لعدد الردود 100 حاولى تتنازلى شوية وتبدأى بينا احنا معاكى وهنكمل ان شاء الله مستنيين البقية فورا
|
أصبر ياجميل إن الله مع الصابرين وبعدين إحنا عاملين الموضوع ده من البدايه عشان نشرك فيه أكبر عدد من البنات عشان نتعرف على أرائهم ونشدهم معانا ونقنعهم ونحاول نوجههم من خلال محاورتهم معانا .
ياحبيبتى بناتنا محتاجين لمسه حنان منا ومحتاجين إننا نمد لهم إيدينا وربنا يوفقنا جميعا لما يحب ويرضى .
يابنات عشان نبدأ التغير لابد كل واحده فينا بتعتز بلغتها العربيه لابد إنها تغير إسمها فورا للغه العربيه يالا بأه عاوزين نتغير بجد كفايه اللى بيحصل فينا وإحنا أقصى حاجه نعملها نبكى ونصرخ من الألم النفسى .
يبأه شعارنا هيبأه من هنا ورايح لا للسلبيه ونعم للإيجابيه والمجال مفتوح وانا حاسه إن بعون الله هنبأه مجموعه كبيره جدا مش هنعرف نعدها المهم كل واحده فينا تحتسب كلامها عند الله عز وجل وتعتبر البنات أخوات لها محتاجين النصيحه .
ومتزعلوش منى اللى هتدخل معانا وإسمها بالإنجليزى انا مش هرد عليها عشان أكون انا أول واحده تطبق المبدأ لا للسلبيه ونعم للإيجابيه .
لو بتحبو نبيكم صحيح ورونا الهمه العاليه عشان ندخل كلنا الجنه صحبه إن شاء الله قولوا آمين
شكرا ليكيييييييييي
يسلموا وجزاك الله خيرا موضوع في غاية الروعه محتاجته كل بنت مقبله على الزواج والامهات ----------
مشكورة يا جميلة
وربنا يفيد بيكى كل المسلمات
|
المشاركة الأصلية كتبت بواسطة nefrtlove
|
|
شكرا ليكيييييييييي
|
مشكوره ياجميل
|
المشاركة الأصلية كتبت بواسطة أمولة
|
|
يسلموا وجزاك الله خيرا موضوع في غاية الروعه محتاجته كل بنت مقبله على الزواج والامهات ----------
|
شكرا ياقمر
|
المشاركة الأصلية كتبت بواسطة drnahla
|
|
وربنا يفيد بيكى كل المسلمات
|
مشكوره يا قمر
|
المشاركة الأصلية كتبت بواسطة Raniam_2010
|
طبعا موضوعك رااااااائع وجزاكى الله خيراً
وأنا هتباعك باذن الله وربنا معاكى
بس ياريت تكبرى الخط شوية عشان يكون سهل علينا فى القراءة
معلش أختك نظرها على قدها هههههههههههه
|
شكراعلى مرورك وإن شاء الله ربنا يوفقنا ونكمل الموضوع المهم ده
السلام عليكم ورحمة الله وبركاته معلش انا جيت متأخر شويه لكن أحب أقول أن اختيار الزوج لازم يكون علي أساس الدين طبعا والا ستكون المشكلات والعواقب وخيمه
أما انا عن نفسي فأنا بدور علي أب لصلاح الدين والمعتصم هتقولي مين دول
دول أولادي اللي بحلم أني أخلفهم وهما برضه أن شاء الله اللي هيحرروا المسجد الاقصي لابد أن أختار لهم أب ملتزم علي خلق يحقق معايه اللي بتمناه دعواتكو أني أجدوه لاني تعبت من التدويرملحوظه(لازم يكون فارس حاجه كده مش متكرره )جزاكي الله خيرا
|
المشاركة الأصلية كتبت بواسطة أمة الله
|
السلام عليكم ورحمة الله وبركاته معلش انا جيت متأخر شويه لكن أحب أقول أن اختيار الزوج لازم يكون علي أساس الدين طبعا والا ستكون المشكلات والعواقب وخيمه
أما انا عن نفسي فأنا بدور علي أب لصلاح الدين والمعتصم هتقولي مين دول
دول أولادي اللي بحلم أني أخلفهم وهما برضه أن شاء الله اللي هيحرروا المسجد الاقصي لابد أن أختار لهم أب ملتزم علي خلق يحقق معايه اللي بتمناه دعواتكو أني أجدوه لاني تعبت من التدويرملحوظه(لازم يكون فارس حاجه كده مش متكرره )جزاكي الله خيرا
|
ما شاء الله عليكى يا أختى ربنا ينولك اللى فىبالك يارب ومتيئسيش ومتستسلميش وإن شاء الله هنبارك لك عاجلا إن شاء الله
وبالنسبه للزواج على أساس الدين ما انا قلت لابد ان يكون المتقدم للبنت ملتزم دينيا بس بالهداوه مش عاوزين ندخل جامد من أولها لإن سياسة التغيير عاوزه صبر وطولة بال مش موضوع نسرد فيه كل أفكارنا وبعدين نشوف غيره لأ يا حبيبتى السياسه دى مش بتجيب نتيجه خلينا نصبر شويه على البنات لغاية ما يتأكدوا فعلا إننا عاوزين مصلحتهم وهما اللى هيجوا يسألونا بنفسهم وشكرا ليكى مره تانيه
السلام عليكم ورحمة الله وبركاته
ازيكو يا فتكوات ان برده كان نفسى فى زوج يخاف عليا ويحبنى وكنت لما بشوف حلقات عمرو خالد عن السرة كنت بموت كان هو ده اللى بدور عليه كأنه كان بيحكى على اللى انا عاوزة بالضبط بس كنت بقول لنفسى بس هو فين ده انا عاوزة حد كده وكنت بدعى ربنا كتير اوى وبعت رسالة لعمرو خالد على المنتدى بقوله فيه افكارى والواقع اللى موجود والحمد لله بعد فترة طويلة رد عليا بس مش عارفة ليه ساعاتها كنت مبسوطة اوى وحسيت ان ربنا بعتلى الرد ده نجدة وخاصة انه كان بيدعملى افكارى وطبعا على اساس دينى والحمد لله فكنت فى قمة السعادة ودعالى دعء بالزوج الصالح وتقريبا بعده بيوم او يومين اتقدملى واحد فقلت بس ممكن يكون هو ده لكن مكنش فيه نصيب وبعدها بفترة طويلة شوية ربنا انعم عليا والحمد لله بالزوج اللى بتمناه وعقبالكو كلكو ان شاء الله وللحديث بقية
سلام
|
المشاركة الأصلية كتبت بواسطة dodi80
|
السلام عليكم ورحمة الله وبركاته
ازيكو يا فتكوات ان برده كان نفسى فى زوج يخاف عليا ويحبنى وكنت لما بشوف حلقات عمرو خالد عن السرة كنت بموت كان هو ده اللى بدور عليه كأنه كان بيحكى على اللى انا عاوزة بالضبط بس كنت بقول لنفسى بس هو فين ده انا عاوزة حد كده وكنت بدعى ربنا كتير اوى وبعت رسالة لعمرو خالد على المنتدى بقوله فيه افكارى والواقع اللى موجود والحمد لله بعد فترة طويلة رد عليا بس مش عارفة ليه ساعاتها كنت مبسوطة اوى وحسيت ان ربنا بعتلى الرد ده نجدة وخاصة انه كان بيدعملى افكارى وطبعا على اساس دينى والحمد لله فكنت فى قمة السعادة ودعالى دعء بالزوج الصالح وتقريبا بعده بيوم او يومين اتقدملى واحد فقلت بس ممكن يكون هو ده لكن مكنش فيه نصيب وبعدها بفترة طويلة شوية ربنا انعم عليا والحمد لله بالزوج اللى بتمناه وعقبالكو كلكو ان شاء الله وللحديث بقية
سلام
|
شكرا ياحبيبتى على مرورك وإثرا ئك للموضوع بمشاركتك بس تابعينا بأه عشان هنمشى فى الخطوات كلها إن شاء الله إلى أن تزوجى أولادك وربنا يدينا ويديكى طولة العمر
ا(لا اله الا الله سبحانك انى كنت من الظالمين)
السلام عليكم ورحمة الله وبركاته:
بصراحة موضوعكي مرة جميل ومفيد وانا هاكون على اطلاع دائما لماضيعكي بس ابغى اقولك على شغلة البنات ياللي في سني ادا مالقوا اي اهتمام ومسؤلية دول بسهولة يضيعوا وراء الشباب الطياش واتمنى تكون صلتي بربي قوية واتخطى مرحلتي بسلام وان اكون قوية النفس والارادة وان اكمل مسيرتي طائعة لربي ولوالدي بس انتوا ادعوا لي اميييييييييييييييييييييييييييييييييييييييييييييييي يييييين.
ششششششششششششششكرا
ازيكو جميعا لسه ال100 مكملوش حنى علينا بقى وخليهم 5 وعلى فكرة ان محتاجة دعائكو جدا لى ولختى بالذرية الصالحة
|
المشاركة الأصلية كتبت بواسطة dodi80
|
|
ازيكو جميعا لسه ال100 مكملوش حنى علينا بقى وخليهم 5 وعلى فكرة ان محتاجة دعائكو جدا لى ولختى بالذرية الصالحة
|
إصحى انا كاتبه الموضوع من الصبح عشان خاطرك يا جميل بس حطاه فى فضفضه مش عارفه أحطه داخل الموضوع الأصلى إزاى
اولا لازم هقولك ربنا يكرمك يا معتزة لانك تستاهلي دة ولا ايه؟؟؟
ثانيا
عايزة اقولك ان موضوعك دة جيه في وقته فعلا
لاني حاسة اننا فعلا في زمن الفتنة
في بنات كتير الحمد لله اتاخروا عن الجواز
وعلشان كدة بيضطروا انهم يقبلوا باي حد للهروب من لقب عانس(ونسيوا قاعدة الخزانة ولا جوازة الندامه)
وفي اهل كتير حسبنا الله ونعم الوكيل فيهم هم السبب اصلا في الموضوع لتعنتهم في الطلبات ونسيوا امر سيد الخلق عليه افضل الصلوات والتسليم انه اذا جائكم من ترضون دينه وخلقه فزوجوه
مش من ترضون شقته وعربيته ومركزه ونسيوه انهم كدة بيشعول فتنة وبيدفعوا بناتهم للفتنة ولعياذ بالله
نسال الله العفو والعافية
وان يعف شباب وبنات المسلمين
وان يرزقهم الزوج الصالح عاجلا غير اجلا
جزاكم الله خيرا على الكلام الجميل ده والنصيحة الجميلة ديه وصاحية من النوم بدرى كده ليه كلامك ثبتنى واللهى ورد اليا عقلى اللى كان فاضله شوية ويطير وانا بسأل نفسى اصلا يطير ليه وعارفة انه كله هبل بس تقولى ايه بقى؟ساعات بخاف ليكون ده عدم رضا وبضايق نفسى وخلاص ربنا يهدينا جميعا
جزاك الله خيرا
|
المشاركة الأصلية كتبت بواسطة dodi80
|
|
جزاكم الله خيرا على الكلام الجميل ده والنصيحة الجميلة ديه وصاحية من النوم بدرى كده ليه كلامك ثبتنى واللهى ورد اليا عقلى اللى كان فاضله شوية ويطير وانا بسأل نفسى اصلا يطير ليه وعارفة انه كله هبل بس تقولى ايه بقى؟ساعات بخاف ليكون ده عدم رضا وبضايق نفسى وخلاص ربنا يهدينا جميعا
|
الحمد لله إن ربنا جعلنا سبب فى رجوعك وانا صاحيه بدرى علشان المدرسه بينزلوا عندى 6 ونص بس فى حاجه خانقانى انا ياريت تغيرى إسمك وتخليه بالعربى أحسن عشان نحس إن كلامنا جاب نتيجه فعلا مش كده يا جميل ولا إيه !
|
المشاركة الأصلية كتبت بواسطة mody
|
|
جزاك الله خيرا
|
شكرا يا حبيبتى على مرورك
جزاكى كل خير
اذا اعجبك الموضوع و اردت نشره في المنتديات الاخرى فاستخدمي هذا الرابط:
كيفية اختيار الزوج..!!!!
http://forums.fatakat.com/thread22938
