[nar83]

النهاردة بقى الموضوع موضوعكم انتم انا زهقت كل يوم نفس الطبيخ ونفس الخضار ونفس الطريقة كفاية حرااااام....
عاوزة كل واحدة فينا يكتب اكلته المفضلة والى شايفها شهية وسهلة ونستفيد من بعض وفى الاخر اجوزنا يدعولنا حتى لو وصفة بسيطة او مش رئيسية حتى لو من اختراعك المهم الطعم والى هنحكم عليه انا وكل واحدة منكم اما نجربها انشاء الله وعاوزين نرد على بعض أول بأول يلا ياجماعة بقى هاتو افضل ماعندكم عبال ما احضرلكم افضل ماعندى

[حنان الشريف]

والله فكرة حلوة
انت عارفة طبعا اد ايه الكوسه مفيدة وخصوصا للقلب بس كلنا عارفين ان كتير من ولادنا مابيحبوش ياكلوها
بس انا عملتها بطريقة خلت بناتي اكلوها وبيطلبوها مني دلوقت
والله انا اخترعتها كده من دماغي وما اعرفش ان كان فيه وصفه بنفس الطريقة دي ولا لا
بصي يا ستي المكونات
* اكيلو كوسه مقشرة ومقطعة
*ربع او نص كيلو لحمة مفرومه
*بصلة متوسطة مقطعة رفيعة
*اربع حبات طماطم متوسطة مفرومه
ملح وفلفل وبهارات من ملعقة الي 2ملعقة سمن او زيت على حسب دسامة اللحم
الطريقة مافيش اسهل ولا اسرع من كدة
بتحمري البصل المقطع رفيع تحمير خفيف في السمن (او الزيت زي ما تحبي)

بتضيفي اللحمة المفرومة وبتعصجيها كويس وبتبليها بالملح والفلفل والبهارات
بعدين تضيفي الكوسه المقشرة والمقطعة وتقلبي لحد ما تدبل بعدين تضيفي الطماطم المفرومه وتدخليها الفرن لحد ماتستوي
وبالهنا والشفا مع ارز ابيض اوبشعريه وياريت تجربيها وتقوليلي رأيك

[nar83]

الله عاشت اديكى ام 3 بنات والهى انا بحب الكوسة وساعات بعملها بالبيض والبقسماط واقليها واكلها على العشاء عشان مبحبش البقالة والجبن والحاجات دى احنا بتوع التقيل وتسلمى لمرورك الكريم وانا انشاء الله بحضرلكم اكلة تكون حلوة

[raghoda]

جمبري مع صلصة الصويا
عبارة عن جمبري مطبوخ مع الثوم و صلصة الصويا و الماء و الملح
المقادير
• 500 غرام من الجمبري
• 2 ملعقة كبيرة من صلصة الصويا
• 1 فص ثوم
• 1 ملعقة كبيرة من الزيت النباتي
• 1 ملعقة صغيرة من الملح
الطريقة
1. يبقى الجمبري بالقشر و ينزع الرأس فقط و و يعمل شق بسيط في الظهر حتى يتم نزع شريان الرمل
2. يطحن الثوم ثم يحمر في الزيت و يضاف الجمبري
3. تضاف صلصة الصويا ثم تخفف النار و يبقى على نار هادئة حتى ينضج الجمبري ثم يوضع في طبق التقديم و يقدم

[nar83]

الله ياعم السى فود دى اكلة صينى وجميلة اوى عاشت اديكى هجربها

[ام كيكي]

طيب خدو دي وممكن تعدلو فيها وتغيرو الصوص زي ماتحبوا
الاستيك بالمشروم صوص:
4 قطع ستيك او انتركوت
علبه ويبنج كريم من جهينه 1\4 ليتر
1\4 ك ماشروم (او اكتر حسب الرغبه)
ملح - فلفل - بصله متوسطه - زيت ذره للتحمير

الطريقه:
حمري الانتركوت في الزيت من الجهتين حتي يختفي الدم ويتغير الون الي مائل للاحمرار (ودا بيخلي اللحمه طريه ومحتقظه بالعصاره بداخلها).
اضيفي الماشروم المقطع والبصله اربع تربع والملح والفلفل واضيفي كوب ما في نفس طاسه التحمير وغطي الخليط 15 دقيقه على نار متوسطه.
شيلي البصل واضيفي الكريمه واتركيها على النار دقيقتان لتتشرب من الصوص.
يمكن استبدال الماشروم صوص بالمسترده او صوص الفلفل الاسود او الجبنه الريكفورد حسب الذوق.
تقدم مع ارز ابيض او بطاطس مهروسه ومضاف اليها 1\2 عبوه من الكريمه.
وعاوزه اعرف رأيكم وهاتدعولي ان شاء الله.

[ام احمد123]

ايه رايكم في اللحمه بالبصل كلنا بنحبها
بس جربتوها بالبصل الاخضر

هاتى كمية بصل اخضر بالعيدان الخضارء بتاعته و قطعيها و شوحيها في زيت زيتون و تبليها بالملح و الفلفل
اللحم الكمية اللى انت عاوزاها قطعيها شرايح صغيره و شوحيها لوحده في قطعة سمنه صغيرة و ممكن لا و تبليها بملح و فلفل هيل مطحون قرنفل و قليل من القرفة و الزنجبيل كثير شوية و سيبها لما تشرب ميتها و تزوديها شوية لو حاسة انها محتاجة سوى ثم تقلبيها على البصل شوية يتقلبوا و ياخذوا طعم بعض و قولولى على النتيجة

على فكرة ساعات اقدمها بسندوتشات مع بطاطس محمرة


او مكرونةو برضه بطاطس محمرة

[reda mohamed]

موضوع جميل ... من فترة حبيت أعمل موضوع زيه ردت عليا عضوة سدت نفسى
شوفى يا قمر أكتر أكله بحبها وبشبع منها بعيد عن اللحوم والأسماك
طبق ملوخية + بطاطس مقلية + مسقعة حارة ... بحبها جداً

[nar83]

عاشت اديكو يافتوكات وصفاتكم سهلة وجميبة وافكاركم حلوة وشكمرا لام كيكى وام احمد وريضا بجد عاوزين تغير فى طرقنا

[nar83]

انا جبتلم طريقة السمك السنجارى اكلة بورسعيدى من الاخر ونحن نختلف عن
الاخرون.

بصو ياسيدات فتوكات المكونات:

1. سمكة بورى كبيرة او قاروس او لوت (يفضل بورى)
2. بصلة كبيرة(مبشورة)او(مخرطة قطع صغيرة)
3. نص راس توم مهروس(للتبيل)
4. 4او5 طماطمات(مقطعة مكعبات صغيرة اوى)
5. 3 قرون فلفل حار حسب حجمه (مقطع دوائر صغيرة)
6. ملح-فلفل-كمون-شطة-ليمون-خل-زيت زيتون
7. احباش حسب الرغبة(شبت وبقدونس..)

الطريقة:

تغسل السمكة وتنظف جدا وتفتح من البطن طوليا فى صنية مع الاحتفاظ بالراس والذيل
تتبل السمكة وتدهن بالثوم المفروم والملح والفلفل والكمون
ويوضع البصل مع الطماطم والفلفل المقطع والاحباش ويعصر الليمون ويرش الخل وزيت الزيتون وتدخل الفرن على درجة حرارة عالية ثم توسط حتى يشرب السمك الخلطة ويحمر الوش ومقلقوشعلى الريحة بقى
الرز ممكن ابيض بالشعرية او اصفر بالكارى والكركم وبالهنا والشفا جربوها على ضمانتى

[ام ميداء]

تسلم ايديكى يا قمر

[فروووووووحة]

الرجلة

المقادير
حزمة رجلة
نصف كوب عدس
ملح
فلفل
بهارات
بصلة مفرومة
كوب عصير طماطم
2ملعقة زيت
2ملعقة صلصة طماطم
كوب ماء
الطريقة
1- يحمر البصل في الزيت حتى يصفر لونة
2-يضاف الية عصير الطماطم والصلصة
3-يتبل بالملح والبهارات والفلفل
4-يضاف الية العدس ثم كوب الماء ويترك على النار
5- تغسل الرجلة جيدا ثم تفرم
6-تضاف الى الخليط على النار ويحرك جيدا ويترك على النار حتى ينضج ويوضع في طبق التقديم ويقدم ساخنا
ملاحظة
يمكن اضافة كمية من اللحم المقطع قطع صغيرة الى البصل ويحمر معة مع زيادة كمية الماء

[nar83]

تسلميلى يا ام ميداء وتسملى الرجلة الله انا بسمع عن الرجلة دى عاملة زى الملوخية دى اكلة قديمة وانا اموت فى اكلات زمان بس انا معرفش بتتباع عندى فى الولايات المتحدة ولا لأ ممكن تبعتى صورتها! على العموم تسلمى ياقمر كانى كلتها بالظبط

[nar83]

ايه ياجماعة فين الوصفات دنا كنت فاكرة هنطلع بكتاب طبخ مستنية ردودكم يافتوكات

[LARA_2008]

تسلم ايدك مواضيعك كلها حلوة

[أم أمونة]

تسلمين ياحبوبة انا بعد زهقت كل يوم اسال زوجي شنو تحب تاكل ويرتفع ضغطي لما يقولي اي حاجة
انا طبيعتي احب الدجاج وعندي اصناف كثيره بس راح اقولج عن نودلز الدجاج احبة وووووووووايد

المقادير:
صدور دجاج مقطعه صغار
ملفوف شرائح
جزر شرائح
بصل شرائح
فلفل اخضر بارد ملون(يعطي الوان جميلة)
كوسا شرائح(حسب الرغبة ممكن ما تحطيه)
صلصة صويا
صلصة صوياالثقيلة(مكتوب عليها صويا معتدلة)
مكعب ماجي خضار2
شوية ثوم مهروس
بهارات دجاج
معكرونة سباجتي
زيت للتحمير

الطريقة:
* نضع البصل مع الثومحتى يذبل قليلا ثم نضيف جميع الخضروات ونضع مكعبين ماجي .
*نخلطهم قليلا ثم نضيف الدجاج ونضع صلصة الصويا العادية وصلصة الصويا الثقيلة تسمى بالمعتدلة ونخلطهم.حتى النضج
*اثناء ذلك نكون سلقنا المعكرونة وبعد ما تستوي نحط كمان شويه من خليط الصويا.
*نضع خليط الخضار والدجاج ونضيفة الى المكرونة مع التقليب بحذر وبعدها نتركها قليلا لمدة ربع ساعة وتقدم ساخنة.

بالعافية واتمنى تكون أكلة حلوة وخفيفة ناطره الرد