30-5-2008
|
 |
فتكات هايلة
ربة منزل - مصرية (تعيش في الفحيحيل - الكويت)
|
|
|
|
|
رد: عندي سؤال بده اجابه
أسيل انا عندى ليكى شوية افكار بس يارب تجيب نتيجه ويارب تفهمى لهجتى المصريه
1- اطلبى من كل واحد فى اولادك يقص دايره بحجم طبق مثلا ويرسم على ناحيه وش بيضحك  والجهه التانيه وش زعلان
ودى طريقه يعبرو بيها عن شعورهم تجاه بعض
يعنى مثلا لو الولد ضرب اخته هى تعلق الوش الزعلان فوق سريرها او على اى شىء خاص بيها ولو هى مبسوطه منه تعلق الوش المبتسم واخوها كمان يعمل زيها
ودورك انتى انك تتابعى موقفهم تجاه بعض وتسألى عن الاسباب
2- حاولى انهم ميلعبوش مع بعض العاب فيها تنافس عشان ميبقاش فى غيره
3- ممكن تطلبى منهم انهم يساعدوكى فى اعداد عصير او شىء سهل بيحبوه وتحددى لكل واحد المطلوب منه عشان ميتعاركوش
4- حاولى دايما تكافئيهم على تصرفاتهم الكويسه بس ياريت المكافأه تكون اى شىء غير الحلويات
5-ممكن تكافأيهم بانك تخرجيهم مكان بيحبوه
او يرسمو رسمه وتعلقيها فى حجرتهم
6-العقاب اى شىء غير الضرب وليكن مثلا انه اللى عمل حاجه غلطط يقعد فى كرسى المشاغبين فى جانب لمدة دقيقتين بدون كلام
7-ممكن عقاب اقوى وهو انك تخاصمى اى حد فيهم لمدة وده شىء هيدايقهم جدا ومتصالحيهمش الا بعد مايقول او تقول (انا اسف)
طولت عليكى معلش
|
السلام عليكم 
