[n.e.h.e.a]

ياريت كل الفتكوات يردوا عليا ضرورى
بما إن فى عدد كبير متزوج وربات بيوت شاطرة
أنا عاوزة اعرف من كل الفتكوات المصريات
إيه احسن انواع الاجهزة اللى ممكن اجيبها فى جهازى
البوتاجاز
الثلاجة
الغسالة

اذا اعجبك الموضوع و اردت نشره في المنتديات الاخرى فاستخدمي هذا الرابط:
ياريت أعرف رأيكوا؟؟
http://forums.fatakat.com/thread23171

[ريري]

الغساله..اكيد ايديال
البوتجاز..شغال يونيفرسال ،وفى بوتجازات جديده توشيبا
الثلاجه..كريازى

[ام بسنت]

انا جايبه غساله ايديال
وتلاجه ايديال نيو فروست
وبوتجاز يونيفراسال

[rehab]

التلاجه كريازي
الغساله الأحسن أنك تجيبيها نصف أوتوماتيك عشان المسحوق ده مصروف لوحده
أما البوتجاز يونيفرسال وكريازي حلوين قوي

[n.e.h.e.a]

بس أنا اسمع إن غسالة إيديال دلوقت مش زى إيديال بتاعت زمان
زمان كانت احسن كتييييير
وفى نوع إسمه - وايت ويل - حد جرب الغسالة دى إيه رأيكو فيها
كمان فى ثلاجة- إل جى - إيه رأيكوا
أما البوتاجاز اسمع إن كريازى كويس بس هوة أحسن وألا يونيفرسال

[لولينا]

الغسالة ايديال الثلاجة توشيبا البوتوجاز تكنوجاز دى احسن الانواع الموجودة فى السوق الان وانا جربتها بجد ممتازة

[حتة سكرة]

بصى انا كمان بجهز زيك انا جبت الغسالة كريازى
والتلاجة هاتيها كريازى لان مساحة الفريزر واسعة اوى
يعنى هاتنفعك فى تخزين الاكل
وبجد تحفة
اما البوتاجاز انا محتارة زيك
انا هاتابع الموضوع مخصوص عشان اعرف احسن الانواع

[n.e.h.e.a]

أنا بأشكر قوى كل اللى إهتموا بسؤالى وردوا عليا :i con_salut:
بأشكر ريرى ام بسنت rehab لولينا حتة سكرة
بس انا شايفة إن فى ناس كتيييير ما ردتش ومعتبرة إن الموضوع مش مهم
مع إن كتيييييييييير من الفتكوات
بيحتاروا اوى لما بيقرروا إنهم يشتروا الاجهزة الكهربية
او يغيروا أجهزتهم القديمة
لأنهم بيبقوا عاوزين اجهزة ممتازة وما بيقدروش يحكموا على حاجة غير الشكل
علشان كدة ياريت كل فتوكة تقولنا رأيها علشان الكل يستفيد
مستنيا ردودكوا

[meroas2]

السلام عليكم
ربنا يعينك و يتمملك بخير ان شاء الله
بالنسبه للبوتاجاز.............. كريــــــــــــازى
و الثلاجـــــــــه............... توشيبــــــــــــــا
الغسالــــــــــــه...............زانوسى العبـــــــد

و طبعا مفيش كلام بالنسبه لنوع وايت ويل تحفه بجد
هو نوع اجنبى بس مشكلته انه ملوش هنا قطع غيار

[mody]

انا عندى غساله ايديال زانوسى و تلاجه جولدى وبوتاجاز يونيفرسال

[n.e.h.e.a]

أنا نسيت أشكر ميرووو مودى
على إهتمامهم وردهم على الموضوع بتاعى
ميرررررررررررسى ياأحلى فتكواااااات

[سمسمه26]

الثلاجة ايديال نو فروست بتاعتى بس كريازى احلى منها الفريزر بتاعها اكبر
والغسالة ايديال اكوا تك وبتاعه زمان طبعا أحسن
انا لسه بتاعتى بايظه الراجل قاللى ان العيب ده فى الغسالات الجديده بس
والبوتاجاز يونيفرسال

[n.e.h.e.a]

تسلميلى يا سمسمة

[lol5]

حبوبة

أنا مش في مصر بس أقول لك اللي موجود عندي وما شاء الله شغالين مزبوط

البوتاجاز Indesit.. الغسالة LG.. التلاجة Toshiba

وهم كويسين كتير

[n.e.h.e.a]

ميرسى اوى على إهتمامك وردك رغم إنك مش مقيمة فى مصر يا lol5

[nehad]

بصي يا سكر تلاجه كريازي أخدت فيها مقلب جامد من أول يوم جواز وهي بايظه
والتوكيل مش عارف يصلحها
قمت جبت واحد من بره غير الترموستات

[n.e.h.e.a]

فى ناس كتييير بتقول هاتى كريازى علشان الفريزر واسع بس بصراحة انا عمرى ما حبيت احطها فى قائمة إختياراتى أنا بيتهيألى إن احسن حاجة فى مصر إيديال وتوشيبا ووايت ويل (وطبعاً فىه LG بس دى هتبقى غالية على ناس كتتتتتتتتتتير

شكراً يا نهاد على ردك

[رؤى]

انا جايبة تلاجة كريازى بس مش عجبانى اعتقد ان تشويبا وايديال فعلا احس حاجة بس البوتجاز ماركة كريازى حلو وربنا يوفقك

[n.e.h.e.a]

ميرسى يا رورو
وعلى فكرة إسمك جميل قوى

[جالاكسى2006]

التلاجه الكترو ستار (بريستيج) تحفه
الغساله ايديا زانوسى العبد مش اكوا تك خلى بالك
البوتوجاز كريازى تحفه عن تجربه كل الحاجات دى