الكب كيك فى البيت يلا بسرعه .....

باربى girl · #1 19-5-2008

اهلا وسهلا اخواتى السلام عليكم و رحمه الله و بركاته ولكم منى افضل تحيه يا احلى فتوكات يا ريت تقيموا الموضوع عشان يتثبت

دلوقتى انا هقولكم طريقه عمل الكب كيك و على فكره انا جربتها كتير و عجبت كل الناس لدرجه ان انا اتشهرت بيها

اولا: المقادير: ابتسامات

1- 3 كوب دقيق

2- 1.5 كوب زبده او سمن (ويفضل الزبده)

3- 1.5 كوب سكر بودره

4- نصف باكو بيكنج باودر

5- باكو فانيليا

6- 4 بيضات

7- كوب لبن

طريقه التحضير:
1- اولا نحضر صحن و نضع السمن ثم نضع عليه السكر البودره ثم نضع راحه اليد على الخليط و نحرك حركة دائريه فى اتجاه واحد حتى يمتزج السكر بالزبدة ,،،ثم نضع البيض و لكن بيضه بيضه اى نضع بيضه ونعجن باليد ثم نضع بيضه اخرى حتى يتم و ضع البيض كله ،،ثم نضع الفانيليا ،، ثم نضع الدقيق وعليه البيكنج باودر ونخلط ،، نضع كوب اللبن على الخليط و نعجن جيدا

2- نحضر الكوبيات الالمونيوم التى يوضع بها الكيك من عند اى محل منتجات ورقيه اووو لو عندك صينيه الكب كيك تحضرى الورق(ورق الكب كيك) وتضعيه فى الصينيه ابتسامات

3- ندهن الكوبيات او الورق بالزيت ثم نضع عليه قليل من الدقيق لمنع الالتصاق
4- نضع العجين فى الكوبيات او الورق و لكن لا تملأئيه لانه سينفش

5- لو استخدمتى الكوبيات رصيها فى صاج الكحك او ضعى الصينيه لو استخدمتيها
6- نضعهم فى الفرن فى درجه حراره 220

7- يكون الفرن سخن و بعد ما تضعيها تبعديها عن النار اى لا تضعيها على ارضيه الفرن

8- اصبرى عليها 3\1 ساعه وبعدين شوفيها وخليكى وراها لحد ما تتأكدى انها استوت

9- طلعيها و حطى عليها الشربات اللى انتى محضراه من الاول (كوب سكر وكوب كاء وليمونه على النار حتى يمتزج ثم يوضع فى الثلاجه)

10- سيبيها لحد ما الشربات تتشرب و تقدميها و ماتقوليش لعدوك

يا ريت اى استفسارات عشان تتطلع مظبوتة
ردو عليا بليييييييييييز

اذا اعجبك الموضوع و اردت نشره في المنتديات الاخرى فاستخدمي هذا الرابط:
الكب كيك فى البيت يلا بسرعه .....
http://forums.fatakat.com/thread23319

باربى girl · #2 19-5-2008

نسيت اقولكم 1-السكر حسب الرغبه يعنى ممكن اقل لو عايزينها دلعه

2- لو عايزه هاتى شوكولاته سوداه و سيحيها و ضعيها على الكيك بعد ما تستوى

3- لو عايزه تحشيها حاجه قبل ماتحطيها فى الفرن حطى طبقه صغيره من العجين ثم حطى الحشو ثم حطى باقى العجين

4- لو عندكم طريقه اخرى للتزيين ياريت تقولوها

و اللى تجرب تقول النتيجه

ام سعيد · #3 19-5-2008

تسلم إيدك هجربهاااااا وأقولك

باربى girl · #4 20-5-2008

يا رب تطلع حلوه ان شاء الله

reham10 · #5 20-5-2008

ينفع تتحشى شوكولاتة خام قطع

باربى girl · #6 20-5-2008

اولا شكرا على مرورك reham 10 ثانيا يمكن بان تضعى قبل السوى حته العجين و بعد كده و براحه تجيبى قطعه الشوكولاته وتحطيها براحه يدوبك تغطس فى العجين و بعد كده تسوى و بالهنا و الشفا

باربى girl · #7 20-5-2008

ارجو من الفتوكات اللى بيمروا يقيموا الموضوع.............لو عجبكوا

باربى girl · #8 26-5-2008

ايه هو الموضوع وحش اوى كده؟؟؟؟؟؟؟؟؟؟

reham10 · #9 26-5-2008

ممكن نضع على الوجة كريمة الزبدة اوالجناش وشكرا على الوصفة

lol5 · #10 26-5-2008

Yum Yum

شكلها ح تطلع روعة

عندي اقتراح بالنسبة للتزيين.. هل ممكن تتزين بالسكر السايح زي الدونات مثلا؟

نادو · #11 27-5-2008

ممممممممممممممممممم
شكلها حلو ة

أم لوجى و ملك · #12 28-5-2008

انا بحب الكب كيك اوى
هجربه يا قمر

باربى girl · #13 28-5-2008

شكرا جميعا على مروركم و اهم حاجه الاساس يعنى الكيك اما التزيين فهو حسب زوء كل فرد و حسب الطلب ومعلش اتاخرت عشان عندى امتحانات الكب كيك فى البيت يلا بسرعه .....