[فتاة مصرية جدا]

أنا النهاردة هكلمكم علي بعض القصات
وأنا بصراحة مش موافقة دلوقتي على مقولة "إن الشعر تاج المرأة"
وتعالوا نغير المقولة دي لأنها مش ماشية مع اللي احنا فيه
وزيادة نسبة المحجبات وهنقول إن "الحجاب هو تاج المرأة"

kamar_02.jpg

أول حاجة لو اتكلمنا عن الموضة في قصات الشعر الحريمي هنلاقي إن الكاريه هو موضة الصيف السنة دي ولكنه موضة مبتكرة وجديدة ومختلفة عن الكاريه التقليدي فدلوقتي الأطراف من قدام بتكون طويلة أكتر من المنطقة الخلفية في الشعر.

kamar_04.jpg

بس المشكلة الوحيدة للقصة دي إن ما ينفعش إنها تتلم في الصيف فلو واحدة شعرها خشن وناوية تصيف مانصحهاش بالقصة دي لأنها مش هتعرف تلم شعرها.

kamar_05.jpg

الشعر الليس"المفرود" السنة دي هو الموضة أكتر وبمناسبة فرد الشعر فيه طرق كتير غير طبيعية لفرد الشعر وكلها بتبوظ الشعر وكمان السيشوار والبيبي ليس والمكواة دول بيحرقوا الشعر علشان كده مانلجأش للأشياء دي غير في أوقات اللزوم فقط.
فلو عايزين نطري الشعر ممكن نعمل مرتين في الأسبوع حمام زبادي بالعسل لأن ده بيطري الشعر جدا وبيديه لمعة لكن ما بيفردهوش وأنا من وجهة نظري اللي شعرها مكسر مش مفرود تعتبر إن دي خلقة ربنا وتسيبه على كده لأنه في الغالب بيكون لايق على شكل وشها ولو بصينا لأهل أمريكا اللاتينة زي السيدات في البرازيل والأرجنتين هنلاقي إن شعرهم كيرلي وهما سايبينه كده وشكلهم حلو قوي وأرجوكم بلاش تقلدوا الممثلات والمطربات لأن دول فنانين وبيعملوا حاجات علشان تبهرنا مش أكتر وفي الآخر النتيجة صناعي في صناعي مش في الشعر بس ده في كل حاجة وأنتم فاهمين قصدي.

kamar_06.jpg

أهم حاجة إن السيدة أو البنت يكون عندها ثقة في نفسها شعرها مجعد جسمها مليان دايما تكون مبسوطة من نفسها ومالهاش دعوة بحد وماتبصش لحد.

ما ينفعش تفرد شعرها علشان العريس ييجي وتاني يوم الدخلة تغسله والعريس يلاقي شعرها على حقيقته!!!!!!!
يبقى خلينا في الطبيعي أحسن.

kamar_07.jpg
أما بالنسبة لألوان الشعر الموضة فالألوان الطبيعية هي الموضة زي الأسود والبني وده زي السنة اللي فاتت.

وبالنسبة للون الأصفر مابيناسبش المصريات لأننا أفارقة مش أوربيين.

أما الهاي لايت خلاص مابقاش موضة مش بقولكوا خليكوا في الطبيعي أحسن ولو طالبة قوووي تغيير في اللون مفيش أحسن من الحنة لأن كل الصبغات فيها مواد كيماوية مضرة بالشعر والدليل على كده إن السيدات الحوامل ممنوع يستخدموا الصبغة.

أما بالنسبة للسيدات المحجبات فدايما يحاولوا إنهم يفتحوا البلكونة أو أي شباك في البيت ويعرضوا شعرهم للشمس والهواء وأثناء تعرض الشعر للشمس والهواء يعملوا تدليك بأصابع اليد وللحفاظ أكتر وأكتر على الشعر نبعد عن الطرح البوليستر ونخلينا في الطرح المصنوعة من القطن لأنها أحسن.

اذا اعجبك الموضوع و اردت نشره في المنتديات الاخرى فاستخدمي هذا الرابط:
موضة قصات الشعر للبنات
http://forums.fatakat.com/thread23382

[سمسمة المسمسمة]

شكرا جزيلا لكي
ودام الله عليكي الصحة والذوق

[دكتور نجاة]

جزاكى الله كل خير وخاصه على النصيحه للمحجبات

[جورى القمر]

طبعا طبعا الحجاب ثم الحجاب اخواتى والشعر اة ف البيت

[ام البنات3]

http://forums.fatakat.com/attachment...d=1211221 292جميله يا قمر

[فتاة مصرية جدا]

تسلمولي مروركم

[فتاة مصرية جدا]

[ماروكو]

شكرا عالموضوع الراااااااااااااااائع

[فتوكة الهلوبة]

واو شكلهم حلو اوى اوى

[ayoush4]

شكرا كتير الك على النصائح والمعلومات