بسم الله الرحمن الرحيم
انا هاكتبلكم عن تجربتى مع اهل زوجى لكى تستفيد منها كل زوجه وكل بنت مقبله على الزواج
طبعا كل حياه زوجيه فى اولها بتكون صعبه بعض الشىء
فى التعامل مع اهل الزوج نتيجه لاختلاف الطباع والتربيه
والتفكير
وده فى اغلب الاحيان بيكون سبب الخلاف بين الزوجه
واهل الزوج
وهى دى كانت مشكلتى بالظبط مع اهل زوجى العزيز
اختلاف دائم فى وجهات النظر واتهامى دائما بأنى
غير مؤهله لكونى زوجه لإبنهم وعليا انى اغير من طباعى للتناسب مع طباعهم
لكى اصبح على حد قولهم زوجه بجد
مش متجوزه زى كل البنات وفاكره ان الجواز للفسح واللعب بس
ومهما عملت مفيش فايده
اكل بعمل كل اصناف الاكل
طلبات زوجى موجابه واهله جميعا من الكبير للصغير مجابه
بالاضافه طبعا لإبنى واحتياجاته كطفل صغير
وكمان كان فيه مشاكل تانيه كتير طبعا بسبب الغيره وخلافه
لدرجة ان الدنيا كانت بتسود فى عنيا كتير
لكن ولله الحمد رد فعلى كان دائما هادئ وبعقل
لو خناقه مع حماتى اقول لنفسى يا بت مش مشكله مانتى ياما اتخنقتى مع والدتك عادى عديها علشان خاطر جوزك
ونفس الشئ مع والد زوجى واخوته جميعا
بل على العكس كنت بحاول اتقرب منهم بأى طريقه
وأى مشكله تحصل وزوجى غير موجود فيها
لا اعرفه عنها اى شئ مهما حصل حتى لو كنت مظلومه
اقول خلاص طالما انا فى بيتى مع زوجى والاحوال على مايرام
والحمدلله كنت دايما احس ان ربنا معيا علطول
مع العلم انى لم اكن اعرف اهلى اى شئ او اطلعهم على اى مشكله
والحمدلله بمرور الوقت زالت معظم الخلافات والحمدلله
وحظيت بحب زوجى وتقديره واحترامه الكبير لى ولعقلى
واصبح لا يتاخر عنى فى اى طلب والحمدلله
واهله كمان اصبحوا يحبوننى ويقدرونى كثيرا
بالنظر لغيرى من زوجات ابنائهم
والحمدلله انعم الله عليا بنعم كثيره جدا
بالاولاد والمال والحياه الهانئه
انا اسفه انى طولت عليكم لكن بجد نفسى كل واحده عندها مشاكل مع اهل زوجها تستفيد من تجربتى
وشكرا على طول بالكم
بارك الله فيكي
