[bosycat0200]

بسم الله الرحمن الرحيم
اخواتى الاعزاء لدى سؤال وارجو الاجابه عليه
لماذا تتغير لون حلمه الثدى فى فتره الحمل؟
هل سببها الهرمونات المتغيره فى الجسم فى هذه الفتره؟
ام ماذا ؟
وايه حل الوجع الرهيب والوغز اللى بيحصل فى الثدى ده
وزاد عليا كمان ان الحلمه بتاشر او بطلع زى دهون وبتشقق وبتحرقنى
اللى يعرف معلومه عن المواضيع دى ارجو الرد
وشكرا

[الحب في الله]

شفاكي الله وعافاكي وان شاء الله حد متخصص يفيدك

[بحبـــــ(ش)ـــــك]

حبيبتي بصي اللون الغامق ده من الهرمونات وبعد الولادة بترجع زي الاول بالضبط
وبخصوص التشققات والكلام ده
ادهني زيت زيتون

[ولادي هما كل حياتي]

التغيرات دي من الحمل وبسبب تغير الهرمونات وانا مريت بكده وكمان بيحصل وجع رهيب
وده بيختلف من واحده لواحده لان اعراض الحمل بتختلف
المهم ادهنيها باي كريم مرطب او زبده كاكاو وها تروح علي طول ولو فضل في وجع لاخر الحمل عادي ما تقلقيش هايروح بعد الولاده ان شاء الله

[bosycat0200]

شكرا على الردود والمرور الكريم

[sun123]

انا كمان صدرى تعبنى جدا و الحلمة بالذات ربنا يشفى الجميع و كل حامل تقوم بالسلامة ان شاء الله

[مشتاقة لضمة طفلي]

هو اللي هقوله ده كلام الناس الكباربعصر جدتي كده هههههههههههههههههههه لو لونها غامق فانا ببشرك انك باذن الله حامل فولد ربنا يتم ليكي علي خير بس بجد انا لاحظت انها صحيحه مع ناس كتير اعرفهم

[Sweet Flower]

انا كمان عندى النغزات دى فى صدرى ومؤلمة اوى

بس الحمد لله بتروح وتيجى مش على طول

ربنا معاكى ومعايا ويتمم حملنا على خير

[juliet_ra]

بصى يا قمر دى طبيعى من الحمل لو ركزتى شوية هتلاقى على اخر التاسع كل المناطق الحساسة لونها اغمق من العادى ودى بسبب الحمل واول ما تولدى بالسلامة ان شاء الله هيروح كل دى وترجعى للطبيعتك واما عن التشقوقات دى ليها حلول زى انك تدلكى صدرك بزيت اللوز او زبدة الكاكاو والنغز دى معناه ان العملية صناعة اللبن شاغلة كويس ودى ممكن تعملها كمدات مياة دافئ ودلكى براحة ولوانتى تعباتة اوى فى مسكن اسمه (باى_بروفنيد) دى حلو اوى والدكتور هو اللى كتبه بس برده حاولى ما تخديهوش الا لما تسالى الدكتور بتاعك وكمان فى الاخر هتلاقى الدكتور يقول هاتى الشفاطة بتاعت الصدر من الصيدلية وابدئ فى استخدامها ودهنها بزيت حتى لو زيت اطفال ودى عشان ما تتعبكيش بعد كدة فى الرضاعة وكمان فى مرهم اسمه( مومنتا ) دا كان كويس وفى برده انك تدهنى صدرك بعسل النحل والحقيقة انا جربت كل الحاجات دى يعنى والله عن تجربة وارجو من الله ان يعافى عنك ويقومك بالسلامة ان شاء الله ويرزقك كل مشتاقة بالذرية الصالحة

[Nola]

انتي حامل في الكام ؟
عشان خللي بالك تدليك حلمه الثدي بيحفز الطلق
حاولي تدهنيها بحاجه وبلاش تلعبي فيها كتير و قرب الولاده ابقي دلكيها زي ما انتي عايزه