يارب لك الحمد كما ينبغي لجلال وجهك و عظيم سلطانك - اليوم 29-8-2014 والساعة الآن 03:10 ص (جميع الأوقات بتوقيت جرينتش +2)

منتدى فتكات

 
 
لو بتدوري على صحبة و لمة و كلام من القلب و بسمة، و محتارة تروحي فين، هتلاقي فتكات موجودة فيها ايادى بالخير ممدودة: يلا تعالي مع احلى صحبة دنيا ودين!





مبروك للفائزات مديحة 2011 (المسابقة الاسلامية) Asmaa1985 (المعلومات العامة) الننة كرمبة (الطبخ)
رد   انشري في صفحتك على فيس بوك!   اضغطي هنا لاضافة الموضوع الى مفضلتك!
 
أدوات الموضوع التقييم: تقييم الموضوع: 26 تصويتات، المعدل 5.00.
الى كل اخت مهمومه وحزينه ومكروبه اليكم حكايتى لتعلمو ان مع العسر يسرا تطورات 5 5.00 26
  #1  
31-12-2011 قديم 31/12/2011 08:22pm
الصورة الرمزية ام انس المصريه@
فتكات نشيطة
ربة منزل - مصرية
العضوة ام انس المصريه@ هي صاحبة الموضوع ام انس المصريه@ غير متواجدة حالياً
تاريخ التسجيل: 12/2011
المشاركات: 144
المواضيع: 10
مودي: ----

الى كل اخت مهمومه وحزينه ومكروبه اليكم حكايتى لتعلمو ان مع العسر يسرا تطورات - العضوة ام انس المصريه@ هي صاحبة المشاركة

السلام عليكم ورحمة الله وبركاته

حبيباتى الفضليات

انا هحكى لكم قصتى علشان تعرفو ان مع العسر يسرا

والله كل كلمه هحكيها لكم حصلت ومش بزيد ولا بنقص ولا كلمه

مش عارفه ابتدى منين هبدا بعد جوزاى ب6 سنين بس ياريت تستحملونى وتقرو التجربه لاخرها وتدعو لى بالله عليكم
كنت وقتها متزوجه من ست سنوات ولم ارزق بااولاد وزوجى كان بيعاملنى معامله جافه جدا وقاسيه جدا بسبب تاخر حملى

علما باانه ملتزم ومتدين ولا يترك فرض او سنه الا فعلها ولكن سبحان الله الصبر ده رزق ربنا بيعيطه بقدر لكل انسان

انا والله كنت صابره ومحتسبه وكنت بقول دايما حديث النبى صلى الله عليه وسلم

عجبا لامر المؤمن ان امره كله له خير ان اصابته سراء شكر فكان خير له وان اصابته ضراء صبر فكان خير له وليس ذالك الا للمؤمن

المهم زوجى جاله فتره كان خلاص بيحاول يكرهنى عشان لو تزوج عليا وطلبت الطلاق ميزعلش على فراقى كان والله والعظيم

بيعاملنى اسوء معامله ودايما كنت حاسه بالذل والقهر من جوايا ولكن والله العظيم لم ابين له فى يوم انى مقهوره ولا مذلوله لان المؤمن

عزيز لا يذل ابدا الا الى الله عز وجل)

كنت دايما حاسه ان فرج ربنا قريب منى اوى مع ان الشكل العام للمشكله بتقول ان مفيش منها مخرج

علشان مطولش عليكم زوجى اجر شقه ووجد فى جيبه اسعار لغرف نوم وتنجيد ولوازم لفرش شقه فواجهته وقلت له بالله عليك احكى

لى انت ناوى على ايه فقالى انا خلاص خطــــــــــــــــبت وهتزوج فى خلال ايام انا انهرتانهيار شديد ولكن والله مقولتش ولا كلمه

غير انا لله وانا اليه راجعون اللهم اجرنى فى مصيبتى واخلف لى خير منها

وظليت ابكى طوال الليل وقمت صليت وبقيت اسجد سجود طويل وادعو ربى واشكى له همى وكربى وصليت ركعتين استخاره

فى انى اعيش معاه وده كان هيسبب لى الم فظيع انا عارفه ان التعدد حلال والله وان ربنا سبحانه وتعالى ذكره فى القران

لكن انا والله عندى غيره فظيعه وبحب زوجى جدااااااااااا لانه اول راجل بحياتى تزوجنى وعمرى 17 سنه

وكنت كل مااتخيل انه يتزوج عليا ويخلف من الجديده ويهتم بيها اكثر منى كنت اموت ولان زوجى مش عاقل ورزين مش هو اللى ينفع يعدد

التعدد عاوز راجل عاقل وبيفهم مش راجل يخليكى تغيرى ويغيظك وكان زوجى لما حد يحمل من اخواته او اقاربه كان يجى يغظنى

بس والله والله ماكنت بتغاظ وكنت بتمنى الخير لكل الناس علشان ربنا يعطينى الخير

المهم فى الصباح قلت له انا عايزه اروح عند اهلى وطلقنى قالى مش هطلقك غير بعد سنه من زواجى

قلت له ليه قالى طيب خلاص اشتكينى فى المحاكم ولما القاضى يحكم لك هبقى اطلقك

قعدت فى بيت والدى شهر كامل مش باكل نهائى ولا بنااااااااام خالص خسيت فى شهر واحد 25 كيلو من القهر

وكنت بسمع عنه انه خلاص جاب الشبكه وكتب الكتاب وفرش الشقه و خلاص هيتزوج فى ناس طلبت انها تصلح بينى وبينه ولكن بلا جدوى

انا رفضت رفض شديد وبقيت اقول للناس انا بكره وانا والله كنت مازلت بحبه وكنت امام امرين كل امر اصعب من التانى

انى اعيش معاه وهو متزوج او انى اطلق ولكن اقسم بالله كان عندى حسن ظن فى الله

المهم طلبت منه الطلاق كتييييييييير جدا رفض وقالى انا بحبك ومقدرش استغنى عنك واللى انتى عيزاه هعملو لكى لكن مستحيل اطلقك

ساعتها بس حسيت بحبه ليه وانه لما حس انى هضيع من ايده حس بالندم على كل حاجه عملها فيا وكل الذل والقهر

المهم خلاص عرفت انه هيتزوج يوم الاربعاء فروحت محكمة الاسره علشان اسال عن اجرات الطلاق فى الظروف دى

قالو هترفعى قضيه طلاق للضرر بس هتقعد فى المحكمه سنه واكتر طبعا انهرت

هو هيكون فى السنه دى تزوج وخلف لا انا عايزه اطلق منه قبل مايدخل على التانيه دى

المهم رجعت البيت فاانا عارفه بيت مراته التانيه قلت اروح لها اقول لها قولى له مش هتدخل عليا غير لما تطلق زوجتك الاولى

روحت لها اخوها قالى ده هى بتفرش الشقه علشان حنتها بكره الناااااااااار اشعلت فى جسمى كله فروحت الشقه اللى زوجى

هيتزوج فيها وجدت مراته واقفه اقسم بالله اقسم بالله انا لابسه النقاب من ونا عندى 16 سنه واهلى ملتزمين امى منتقبه وابى ملتحى

البنت اللى تزوجها زوجى كانت بتلبس بادى وبناطيل وكانت بتشتغل فى المصانع وكانت بتحط مكياج بس هو خلاها تلبس النقاب

المهم لما لقتها قلت لها خلى زوجى يطلقنى قبل مايدخل عليكى بدل مااخلى عيشتك جحيــــــم طبعا اهل زوجى كانو فى الشقه

قعدو يصوتو وفكروا انى جايه اضارب ماما كانت معايا جالها انهيار عصبى ووقعت سورقت فى الارض

لانى بالنسبه لها كنت ميت مش بيندفن كانت تقولى لو متى كنت هستعوض ربنا واقول قضاء وقدر لكن انتى كده مش عايشه ومش ميته

المهم زوجى جه ونا منهاره وامى منهاره بصراحه حضنى اودام مراته واهلها وقالى انا بحبك ومقدرش استغنى عنك قلت له

ارمى عليا يمين الطلاق دلوقتى حالا علشان ارتااااااااح برضو مرضاش ورفض

اخدت امى وروحت الليله دى كانت اسود ايام حياتى الليله دى الوحيده اللى خلاص الامل اللى كان مالى قلبى خلاص راااااااح

الليله دى اللى حسيت فيها انى انكسرت وانهزمت ولكن والله قمت لله وصليت وبكيت وقلت يارب

ياااااااااااارب اللى شايفه خير ليه حققه ليه بس ارضينى بيه مش طالبه منك غير الرضا يااااااااااارب

يارب لو كاتب انى اعيش معاه على ضره انا موافقه بس ارضينى يارب ولو كاتب انى اطلق ارضينى يارب

ونمت وقلت يارب لو راضى عنى خلينى احلم اعطينى بشره انك تقبلت دعائى ياااااااارب

نمت محلمتش بحاجه ولكن اول ماصحيت صليت الظهر وقعدت اقرا سوره الانفال وياجماعه سوره الانفال جميييييييله جدا

فكنت بقرا وببكى المهم لقيت تليفون من نمره غريبه بيتصل بيا

فتحت قالى انا صديق زوجك وزوجك معايا هنا وهو عايز يرجعك قلت له انا عايزه اطلق هو يشق طريقه وانا اشق طريقى

وانا سليمه زيى زيه انا والله لا اعانى من اى مرض يمنع عنى الحمل روحت لدكاتره كتيييييييييير قالو سليمه ميه فى الميه

قالى صاحبه هو خلاص هيطلق زوجته التانيه اتصدمت مصدقتش اديت التلفون لبابا

بابا والله العظيم قاله كده حرام انه يطلقها يوم حنتها

فصاحب زوجى قاله والله ابوها طلب منه انه اما يطلق بنتك او يطلق بنته

يعنى قاله طلق مراتك الاولى وانا ازوجك بنتى او تطلق بنتى فزوجى قاله انا بحب مراتى ومقدرش اطلقها

قاله خلاص يبقى تطلق بنتى
وشويه

وزوجى جه دخل حضنى وبكىىىى وحضن امى وبكىىىى

مبقتش مصدقه ومصدومه

فعلا يارب انت كريم ورحيم ورحمتك واسعه وفعلا ان مع العسر يسر وبعد الجوع شبع وبعد السهر نوم وبعد المرض عافيه

وبعد الفقر غنا وفعلا ولرب ضائقه يضيق بها الفتى زرعا واعند الله منها المخرج

ضااااااااااااقت فلما استحكمت حلاقاتها فرجت وكنت اظنها لا تفرج

فعلا

تصبر ان عقبى الصبر خير ولا تجزع لنائبة تنوب فان اليسر بعد العسر يأتى وعند الضيق تنكشف الكروب

وفعلا مش مصدقه رجعت لزوجى حبيبى مبقتش مصدقه ان كل ده حصل وانى رجعت له مبقتش مصدقه انو فعلا بيحبنى اوى كده وانو ميقدرش يستغنى عنى فعلا دعائى وبكائى وتذللى لله مرحش هدر فعلا صبرى على اذى زوجى واهانته ليه مرحتش هدر
ياااااااااااااااااااه ربنا كريم ورحمته وسعت كل شىء


قبل مايتزوج بقيت اقول له اعمل لى الحقن المجهرى لان تشخيص حالتى بتفسر انها تاخر انجاب بلا سبب

وحل المشكله دى هى الحقن المجهرى فكان رافض يعملى العمليه وقالى بدل ماعملك العمليه اتزوج

انا دلوقتى عملت العمليه وبفضل الله حــــــــــــــــملت ومحصلش نصيب وبرضو اللى فيه داء مش بيبطلوا
يوم الاجهاض بدال مايخدنى فى حضنه ويطبطب عليا قالى انتى كده مالكيش عندى حاجه اعتبرى الفلوس اللى عملت لك بيها العمليه دى مؤخرك ونفقة متعتك ويبقى كده ملكيش عندى غير العفش برضو صبرت عليه وكتمت قهرتى جوايا وقلت له اقسم بالله ربنا هيرزقنى وهيعطينى لانى صبرت وربنا مش هيضيع صبرى ابدا
وبقيت كل اللى على لسانى اللهم لك الحمد ان كنت اخذت فقد اعطيت وان كنت ابتليت فقد عافيت وعندى يقين فى الله ان ربنا هيرزقنى الاولاد
وعملت الحقن المجهرى تانى هو اقسم بالله مش هيحط ليه فيه شلن وربنا يعلم انا جمعت الفلوس منين وعملت العمليه تانى
وتخيلووووووووووووووو

اقسم بالله ربنا رزقنى انس حبيب قلب امه تخيلو بعد 8 سنين عذااااااااااااب بمعنى الكلمه ربنا اعطانى انس
سميتو انس لحاجتين
اول حاجه على اسم سيدنا انس بن مالك خادم رسول الله وحطت النيه فى انس انو يكون خادم لدين الله
وتانى حاجه انس جايه من الانس انو يونسنى فى وحدتى وفعلا ربنا يخليه ليه ملا عليا وحدتى وماشاء الله عليه زى القمر وبقى عندو دلوقتى 4 شهور ماشاء الله
ادعولى بالله عليكم ربنا يرزقنى واخاوى انس بااخوات بنات وصبيان ومحتجش اعمل الحقن المجهرى تانى لانه متعب جدا ومكلف جدا والحمد لله على كل حاااااااااااال



والله انا حبيت احكى لكم علشان تعرفو ان ربنا فرجه قرييييييب وان مع العسر يسرا

وسامحونى على الاطاله
ويارب محدش يمر بكل المصاعب اللى مريت بيها



تطورات

بعد مابقى انس عنده سنتين و3 شهور قلت اروح للدكتور اللى عملى الحقن المجهرى تانى اشوف هعمل ايه قبل ماسنى يكبر وادخل ع ال30 سنه علشان لو عملت الحقن تانى يكون نسبة النجاح كويسه روحت كنت مفكره ان ليا اجنه مجمده عنده لكن قالى انزلى المعمل اسالى لقيتهم فى المعمل بيقولو لى احنا فتحنا الانبوبتين فى ترجيع الاجنه اللى ربنا رزقنى منهم باانس فلو حبيتى تعملى حقن مجهرى هيكون من اول وجديد وهيتكلف 13 الف انا حزنت اوى اوى بس قلت فى قلبى يارب مااحتاج لكل دا وارزقنى طبيعى يارب لما جات البريود روحت للدكتور قالى ايه رايك نجرب شهرين تلاته ندى منشطات لعل ربنا يجعل فيهم سبب وتحملى طبيعى قلت ماشى ونا متاكده من جوايا استغفر الله العظيم يارب سامحنى انى مش بحمل غير بالحقن المجهرى
اخدت منشطات تقريبا 10 حقن مريونال وحقنة التفجير باخد العلاج ونا مش فى دماغى
زوجى حتى قالى كده وقالى والله ماهعملك حقن مجهرى تانى انتى ربنا اعطاكى انس احمدى ربنا اقوله الولد صعبان عليا وحدته انت ربنا باسط عليك الرزق لو كان معايا دهب كنت بعته بس بعته كله فى انس برضو يقولى لاء عيطت جامد وقتها وقلت يارب مايحوجنى ليك ولا لفلوسك ابداااااااا
قعدت استنى البريود متجيش قلت اتاخرت عادى ماما صممت عليا اعمل تحليل دم روحت ونا قلبى هيقف من كتر مابيدق جامد اوى عملت التحليل وكانت النتيجه
مبــــــــــــــــــــــــــروك انتى حــــــــــــــــامل مبقتش مصدقه واعيططططططططططط جامد روحت اتصلت بالدكتور قلت له قالى خدى فوليك اسيد ودوفاستون 3 مرات وتعالى كمان 15 يوم
بعد 10 ايام نزل عليا دم كتير اوى اوى وكتل دم قلت خلاص ربنا يعوضنى وطالما حملت طبيعى ربنا هيرزقنى تانى بااذن الله بس بقيت اعيط جامد وبقى انس هو اكتر حاجه صعبانه عليا
معلش هكمل لكم بعدين

معلش كنت فى مشاداه كلاميه مع ابو انس ربنا يهديه ويبطل يقولى اتجوز
المهم لما نزل عليا الدم الكتير ده كنا يوم جمعه ودكتورى قافل اتصلت بدكتوره نسا اخويا كان متابع لمراته عندها وروحتلها اول مادخل الجهاز المهبلى قالت لى فى جنين اهو على عنق الرحم نزل خلاص قلت اللهم لك الحمد على كل حال واللهم اجرنى فى مصيبتى واخلف لى خيرا منها لقتها بتدخل الجهاز وشوفت نقطه صغيره اوى قالت لى ايه دا فيه جنين تانى بس ضعيف اوى وحرام عليا اديكى علاج ينظف الرحم والجنين دا لسه موجود انا هديكى مثبتات وتروحى تنامى على ظهرك بس لسه فى بقايا من الجنين الاولانى هتنزل
واروح من هنا والاقى بحر دم اتفتح كتل كتير اوى ودم كتير اوى اوى اوى قلت اكيد التانى نزل هو كمان روحت لدكتورى تانى يوم اكدلى ان الجنين لسه موجود بس ميقدرش يقولى انه كويس او لاء غير بعد اسبوعين
فضلت والله والله انزف فى الاسبوعين دول نزفت فيهم نزف شديد 4 مرات قالى اعمل التحليل الدم الهرمونى دا عملته والنسبه ماشاء الله عاليه وكويسه
المهم بعد اسبوعين روحت له سمعنى النبض وبرضو ماشيه على الحقن والاقراص المثبته
فضل ينزل عليا دم لحد نص الشهر الرابع وبعدين وقف نزول الدم الحمد لله ومر حملى بسلام من الفتره دى لحد اول السابع الضغط على عليا اوى بقى 170\90 الدكتور ادانى 6 اقراص الدوميت فى اليوم وعملت تحليل بول لقيت نسبة الصديد عاليه فى البول طبعا بقيت اخد ادويه للصديد دا
لحد نص السابع قاعده مش بعمل حاجه لقيت ميه كتير اوى اوى نزلت عليا ماما قالت لى نامى على ظهرك ومتخافيش نمت جيت اقوم الميه نزلت كتير اوى روحت لدكتور قالى الكيس اللى حوالين الجنين اتقطع احنا هنحاول ناجل الولاده اسبوعين بس لان حجم البنت صغير اوى اوى ومخدتيش حقن للرئه المهم ادانى حقن مثبته ولبوس مهبلى مثبت ده غير الدوفاستون اللى مبطلتش اخده من اول حملى لحد يوم ولادتى وحقن للرئه
المهم الميه فضلت تنزل تنزل لحد بعد يومين نزل دم وجالى طلققققققققق مع انى اصلا بولد قيصرى
روحت للدكتور ادانى حقنتين وقفوا الطلق وقالى تروحى تنامى ياريت حتى تعملى الحمام فى السرير فضل الدم ينزل برضو وبعد يومين تانين جالى طلق تانى فظيع جدااااااااااااا الطلقه كانت بتجيلى كل نص دقيقه اللى اعرفه ان الطلق بيبدا هادى وبيحمى فى الاخر ده بدا معايا حامى كل نص دقيقه
روحت للدكتور قالى خلاص الميه نشفت خالص حوالين البنت وبرضو ادانى حقن تهدى الطلق بس مهدااااااااااااااااااش قال خلاص ولاده حالا اهو
يعنى كيس الميه اتفتح يوم الجمعه المغرب ولدت التلات المغرب بس الحمد لله كنت اخدت 5 حقن للرئه
ولدونى ببنج نصفى لان الضغط كان عالى وبنتى اتولدت ياحبيبتى ضعيفه اوى اوى اوى وزنها 1200 جرام كان زوجى متفق مع الحضانه وجاب الاسعاف اخدوها ودوها الحضانه علشان تبقى على جهاز التنفس
بقالى دلوقتى 12 يوم والده وبنتى فى الحضانه وحشانى اوى اوى اوى نفسى اشيلها وابوسها واحضنها واشمها انس لحد الان مفكر انها فى بكنى ويجى يبوس بطنى ويقولى نونتى ياماما حبها ياماما
انا كنت ناويه اسميها جنه بس لما حصل اللى حصل قلت يارب يارب بنتى تعيش واسميها عائشه على اسم السيده عائشه احب زوجات النبى صلى الله عليه وسلم لقلبه المبرئه من فوق سبع سموات وعلشان ربنا يجعهلها نصيب من اسمها وتعيش
استحلفكم بالله تدعوا لعائشه كتير اوى اوى اوى وان ربنا ميحرمنيش منها ابدااااااااااااا وان ربنا يشفيها ويعافيها ويردها لحضنى سليمه معافاه من كل سوء
وانى ادخل قريب اوى اقولكم عائشه رجعتلى بالسلامه
وبالله عليكم كمان تدعوا لزوجى ربنا يهدييييييييييييييييييييييييه ويطلع فكرة الجواز من دماغه لسه حالاااااااا والله العظيم معيطه جامد يعنى مش مكفيه ان بنتى بعيد عنى ربنا يهديه ويسامحنى على الدعا اللى دعيته عليه

التقييم: تقييم الموضوع: 26 تصويتات، المعدل 5.00.


انشري في صفحتك على فيس بوك! انشري في تويتر!

ام انس المصريه@ ام انس المصريه@ http://files.fatakat.com/customavatars/avatar601993_2.gif فتكات نشيطة Fatakat الغربيه - مصر


التعديل الأخير تم بواسطة : nona love a بتاريخ 16-6-2014 الساعة 10:27 ص.
رد مع اقتباس
  #2  
31-12-2011 قديم 31/12/2011 08:23pm
الصورة الرمزية ام انس المصريه@
فتكات نشيطة
ربة منزل - مصرية
صاحبة الموضوع ام انس المصريه@ غير متواجدة حالياً
تاريخ التسجيل: 12/2011
المشاركات: 144
المواضيع: 10
مودي: ----

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة ام انس المصريه@ هي صاحبة المشاركة

على فكره زوجى اعطاه لمراته التانيه نصف الحجات اللى كان جايبها لها علشان ميكونش فى ظلم واقع عليها مع ان ابوها هو اللى خير زوجى بين انو يختارنى او يختار بنتو

1

انشري في صفحتك على فيس بوك! انشري في تويتر!

ام انس المصريه@ ام انس المصريه@ http://files.fatakat.com/customavatars/avatar601993_2.gif فتكات نشيطة Fatakat الغربيه - مصر

رد مع اقتباس
  #3  
31-12-2011 قديم 31/12/2011 08:35pm
الصورة الرمزية ام رقية(24)
سوبر فتكات
وسام ألكسا لاستخدامها شريط ادوات ألكسا أثناء وجودها بالمنتدى
خريجة - مصرية
لو تعرفي العضوة دي شخصيا ياريت تطمنينا عليها
تاريخ التسجيل: 5/2010
المشاركات: 4,604
المواضيع: 86
مودي: متفائلة

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة ام رقية(24) هي صاحبة المشاركة

يااااااااه

ماشاء الله عليكى وعلى صبرك

فعلا الصبر دة رزق ومش اى حد يقدر يصبر

ربنا يسعدك يارب انتى وزوجك وابنك ويرزقك

ويكثر ذريتك يارب ويرزق انس بااخوات كتييييييير يارب

ويعوضك خير على كل اللى شفتيه ويهدى زوجك يارب

احبك فى الله

0

انشري في صفحتك على فيس بوك! انشري في تويتر!


صورة توقيع ام رقية(24) في منتديات فتكات


بإذن الله ما هى إلا أيام وسينجلى الكرب وسيبقى ما فعله كل منا فى هذه الأزمة شاهد له أو عليه أمام الله .
رد مع اقتباس
  #4  
31-12-2011 قديم 31/12/2011 08:37pm
الصورة الرمزية MS.DODY
فتكات نشيطة
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
MS.DODY غير متواجدة حالياً
تاريخ التسجيل: 11/2011
المشاركات: 175
المواضيع: 10
مودي: متفائلة

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة MS.DODY هي صاحبة المشاركة

مبروك يا حبيبتى ربنا يبارك لك فى انس و يجعله الولد الصالح البار لكى و لوالده و يرزقك الذرية الصالحة بنين و بنات بجد انا بكتبلك الكلام ده و دموعى فى عنيه الف مبروك

1

انشري في صفحتك على فيس بوك! انشري في تويتر!


صورة توقيع MS.DODY في منتديات فتكات
رد مع اقتباس
  #5  
31-12-2011 قديم 31/12/2011 08:39pm
الصورة الرمزية ام انس المصريه@
فتكات نشيطة
ربة منزل - مصرية
صاحبة الموضوع ام انس المصريه@ غير متواجدة حالياً
تاريخ التسجيل: 12/2011
المشاركات: 144
المواضيع: 10
مودي: ----

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة ام انس المصريه@ هي صاحبة المشاركة

احبك الله الذى من اجله احببتينى ياام رقيه
والحمد لله انا لو فضلت احمد ربنا طول عمرى مش هوفيه ذره من نعمه عليا
انا بقعد ابص لانس واعيط واحضنه واعلط واحمد ربنا
وجوزى كمان اول ماشاله بين ايديه يوم الولاده عيط جامد اوى لان حملى كان صعب وحصلى تسمم حمل بس ربنا كريم

0

انشري في صفحتك على فيس بوك! انشري في تويتر!

ام انس المصريه@ ام انس المصريه@ http://files.fatakat.com/customavatars/avatar601993_2.gif فتكات نشيطة Fatakat الغربيه - مصر

رد مع اقتباس
  #6  
31-12-2011 قديم 31/12/2011 08:39pm
فتكات نشيطة
ربة منزل - مصرية
رمش عين غير متواجدة حالياً
تاريخ التسجيل: 7/2011
المشاركات: 191
المواضيع: 12
مودي: حزينة

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة رمش عين هي صاحبة المشاركة

يارب يخليهولك وتجيبى كمان عشر عيال ويزيدك ايمان وحسن ظن بالله

0

انشري في صفحتك على فيس بوك! انشري في تويتر!


smsam\toatoa
رد مع اقتباس
  #7  
31-12-2011 قديم 31/12/2011 08:40pm
الصورة الرمزية ام انس المصريه@
فتكات نشيطة
ربة منزل - مصرية
صاحبة الموضوع ام انس المصريه@ غير متواجدة حالياً
تاريخ التسجيل: 12/2011
المشاركات: 144
المواضيع: 10
مودي: ----

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة ام انس المصريه@ هي صاحبة المشاركة

الله يبارك فيكى ياميس دودى
والحمد لله ملىء السموات وملىء الارض

0

انشري في صفحتك على فيس بوك! انشري في تويتر!

ام انس المصريه@ ام انس المصريه@ http://files.fatakat.com/customavatars/avatar601993_2.gif فتكات نشيطة Fatakat الغربيه - مصر

رد مع اقتباس
  #8  
31-12-2011 قديم 31/12/2011 08:43pm
الصورة الرمزية ام انس المصريه@
فتكات نشيطة
ربة منزل - مصرية
صاحبة الموضوع ام انس المصريه@ غير متواجدة حالياً
تاريخ التسجيل: 12/2011
المشاركات: 144
المواضيع: 10
مودي: ----

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة ام انس المصريه@ هي صاحبة المشاركة

رمش العين
اللهم امين ربنا يستجيب لك دعائك

0

انشري في صفحتك على فيس بوك! انشري في تويتر!

ام انس المصريه@ ام انس المصريه@ http://files.fatakat.com/customavatars/avatar601993_2.gif فتكات نشيطة Fatakat الغربيه - مصر

رد مع اقتباس
  #9  
31-12-2011 قديم 31/12/2011 08:47pm
الصورة الرمزية nody love
فتكات ست الكل
طالبة جامعية - مصرية
لو تعرفي العضوة دي شخصيا ياريت تطمنينا عليها
تاريخ التسجيل: 11/2008
المشاركات: 9,577
المواضيع: 44
مودي: ----

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة nody love هي صاحبة المشاركة

سبحان الله ربنا قادر على كل شىء

0

انشري في صفحتك على فيس بوك! انشري في تويتر!



رد مع اقتباس
  #10  
31-12-2011 قديم 31/12/2011 08:50pm
فتكات متميزة
وسام الوفاء لمرور اكثر من خمس سنوات على عضويتها واستمرارها كعضوة نشيطة
ربة منزل - مصرية
سيندو غير متواجدة حالياً
تاريخ التسجيل: 2/2009
المشاركات: 587
المواضيع: 23
مودي: فرحانة

رد: الى كل اخت مهمومه وحزينه ومكروبه اليكم حكايتى لتعلمو ان مع العسر يسراالسلام عليكم - العضوة سيندو هي صاحبة المشاركة

ربنا يباركلك فابنك ويخليوهلك
انا بقالي 6رسنين بردة كل الحكاية اللي انت بنحكيها بحلم انها بتحصلي مع زوجي في ا حلام اليقظة بس ربنا قادر علي كل شئ يبدل حزني بفرح ويرزقني من حيث لا احتسب

1

انشري في صفحتك على فيس بوك! انشري في تويتر!


رد مع اقتباس
رد



تعليمات المشاركة
لا تستطيعين كتابة مواضيع
لا تستطيعين كتابة ردود
لا تستطيعين إرفاق ملفات
لا تستطيعين تعديل مشاركاتك

كود [IMG] متاحة
كود HTML معطلة

أقسام فتكات


اي مشاركة في الموقع و المنتدى تعبر عن رأي كاتبتها دون ادنى مسئولية على ادارة الموقع
جميع الحقوق محفوظة لمنتدى فتكات، يحظر نقل او نسخ اي اجزاء من الموقع الا بإذن الكتروني من ادارة الموقع
vBulletin، Copyright ©2000 - 2014، Jelsoft Enterprises Ltd.
إنشاء و تطوير انترنت بلس - استضافة المستضيفون العرب
مواضيع مميزة
مواضيع جديدة
استعلامات




ايوه هي دي فتكات اللي بيقولوا عليها :) انتي مش مشتركة ليه؟! بصي الفتوكات بيقولوا ايه: فرحانة سعيدة مبسوطة متأثرة محتارة مصرية فخورة مربية شابة هاه؟ ح تنورينا؟ اشتركي الآن!