[prettyshaimaa]

بصو يا بنات انا كان الدكتور بتاعى كاتبلى على نظام لبنتى و الله يباركله لان النظام ده خلاها تتعود على الاكل واحده واحده و موجعش بطنها و بصراحه كان قايلى على تنبيهات كتير قلت افيدكم بيها و اعمل موضوع يمكن ينفع حد اولا قالى بدايه اكل البيبى من اول الشهر الرابع قبل كده اللبن و بسسسسسس
اول اسبوع من الرابع زبادى و بلاش زبادى اللبان عشان تقيل و بقشطه و مفيهوش معايير مناسبة قالى يا اما دانون يا اما اكتيفيا لان فيهم نسبة كالسيوم عاليه و تجيبى منه معلقة و تديله حته حته و تسيبى المعلقة فبق البيبى مش تحطى الاكل فبقه و تشيليها خليها فبقه عشان يحس انها حلمه و ياكل المهم قالى حاولى تثبتى اكله الزبادى فمعاد معين يعنى مثلا ترضعيه الصبح و على العصر تدى الزبادى ده اول اسبوع الاسبوع التانى تعملى زبادى بالبسكوت مارى عشان خفيف و تخليه على المفرب يعنى انتى مثبته الاكله بتاعه الزبادى و تدى الزبادى بالبسكوت يبقى عودتيه على اكلتين مع العلم ممكن تشعرى الزبادى سكر بس بسيط بس متحطيش عسل خااااااالص قبل السنه لانه بيظهر الحساسيه ده اول اسبوعين
بعد كده الاسبوع التالت و الرابع سيريلاك رز يبقى انتى عندك كده 3 وجبات
و الاسبوع الخامس و السادس سيريلاك قمح هيبقى كده ابنك فنص الخامس نبدا بقى نثبت الزبادى و نبعد عن السيريلاك لانه بينفخ البيبى على الفاضى بس احنا اديناهوله عشان طعمه حلو يحببه فالاكل
هنبدا ندى مسلوق كوسه و جزر و بطاطس كل حاجه لوحدها فيوم مختلف و خففوه من ميه السلق و ادوه شويه ملح بسيط و برده تفاح مسلوق اهم شىء تخففوه بميه يبقى زى الكريب كده مش زى الجالوص ههههههه عشان ميقفش فزوره تدوه كده لحد اول السادس و بعد كده نبدا نعمل شوربه خضار و معاها حته فرخه من الصدر و نضربهم و ياسلام لو سلقتى رز و بطاطس محمرة و ضربتيه معاهم اخر فل تمشى كده طول الشهر السادس و الشهر السابع برده و تدى بجانبهم فاكهه برتقال موز جوافه تفاح بلاش الفواكه التقيله و اللى بتعمل حساسيه زى المنجا و الفراوله و الكيوى و الكلام ده
لما بقى نبدا الشهر الثامن حدث ولا حرج اديه كلللللللللللللل الاكل ماعدا
البقول كلها و خصوصا لو كان ولد عشان انيميا البحر المتوسط و انيميا الفول و كمان هضمها صعب بعد ميعدى السنه مسموح
الجمبرى و السبيط و الكاليمارى لالالا مسموح من الاسماك بس البلطى و المشوى
طبعا كل الخضار مسموح و انصح كل ام تاكل ولادها طبيخ كتير لان الاطفال بتكرهه بعد كده
و باكد بلاش العسل الا بعد سن سنه و بلاش اللبن الخارجى الا بعد السنه
و لما البيبى يبدا الشهر الرابع نديله دوا فيتامينات اسمه بيديكال
و ياسلام لما البيبى يقرب يعدى سن سنه كنت بدى بنتى كوبايه شاى بلبن طبعا كنت بكتر اللبن اوى و بحط معلقه عسل نحل فالكوبايه و 5 نقط فيتامين االف خلاها مشيت و طلعت سنان كويس
و لو اى حاجه عايزينها و انا فاكراها هقولهالكو

[omaly2006]

فعلا يا قمر البيديكال من شهرين الدكتور قالي كده 5 نقط لحد سنتين
والسمك المشوي 8 شهور
جزاك الله خيرا

[*أم آسر*]

جزيتي الجنه

[غزال11]

تسلمي ياقمر

[مجرد حلم1]

تسلمي
وبنا يباركلك في بنوتك ياااااارب

[مرميد]

لكن مقلش ان المفروض ياكل في الشهر السادس مس الرابع

[nossah2000]

جزاكي الله خيرا يا قمر بس يا ريت لو حد حط سكر بسيط جدا و الملح نفس الكلام لانه برضه غلط في السنه الاولي

[coffee]

بلاش منتجات الالبان والعسل الابيض قبل التسع شهور على الاقل ويفضل مش قبل السنه
والاكل مش قبل اخر الشهر الخامس

[prettyshaimaa]

يلا يا بنات كل واحده تقول اللى عندها عشان الكل يستفيد

[زي السكر]

TSLAME W TA2EEM MOMTAZ