[راندام]

أكيد أنتوا عندكوا نفس المشكلة دى و هى الأجازه يا ترى حد فيكم فكر هيعمل ايه مع الأولاد الحلوين الظراف اللطاف..........ألخ أكيد لسه على فكره أنا كمان (محتاسه لسه فى الموضوع ده ) لكن بيتهيأ لى لما نفكر سوا هنلاقى أفكار كتيير حلوه منها نقضى وقت فراغ كويس و كمان نفيد أولادنا دول أربع شهور يا ناس لازم نعمل فيهم حاجه جامده واللهى أنا عندى أفكار كتيير بس محتاجه مشاركتكم معاي يعنى نفسى أربيهم دينيا" و فنيا" وأخلاقيا" و نفسيا" و أجتماعيا" مش عايزه الوقت يضيع فى الكرتونات و الحاجات الهيفه دى هى بصراحه مش كلها هيفه فى حاجات كتير مفيده بالذات على قناة الجزيره للأطفال بس الموضوع دى محتاج ظبط أوعى تقولى اناهاخلص منهم و أوديهم حضانه أو النادى طب أنتى فين لازم نعوضهم عصبية الدراسه لازم نديهم حنان زياده يا جماعه الموضوع كبير جدا" جدا" متستهونوش بيه ده جيل جديد على فكره انا نسيت اقولكم انا اسمى راندا خريجة كلية التربيه الفنيه و عندى أروى 8 سنوات و عبد الحميد 5 سنوات و محمد باشا سنتين على فكره باشا دى صفه مش اسم و بحكم دراستى اقدر افيدكم فى كيفية اكتشاف مواهب الأولاد واذاى ننميها ويا ريت اى حد يقدر يفيد الأمهات الغلابه دول اللى أنا منهم يفيد ها أوعوا تقفلوا الموضوع و تقولوا أحنا فينا دماغ للكلام ده ولا تقولوا معاكى ربنا أنتى بقى أرجوكم بلاش احباط ساعدونى و ساعدوا نفسكوا و أولادكم عارفين أحنا لو سبنا نفسنا من غير تنظيم للأجازه هايبقى أخرتناسرايا المجانين طبعا" عارفين ليه يلا يا جماعه نحط أدينا فى أدين بعض و نبدء الأجازه المفيده اللى عايزه تيجى معايا تدينى التمام يالا يا جيش الفتوكات نقضى على وقت الفراغ يالا مش عايزين نضيع وقت ردوا عليا بسررررررعه وقولوا بصوت عالى أحنا معاكى

[rehab]

بقولك أيه ماتاخدي أبني معاكي تخرجي أنا من الزن والله العظيم بقيت أقعده علي باب الشقه واللي طالع واللي نازل يقعد يقول ياختي عسل هناخده شوية وأنا طبعا أتفضلوا يا جماعة مني ليكم ومفيش دقيقه وتلاقيهم مطلعينه قال ايه قال بيعيط وهو لا بيعيط ولا باين عليه عياط بس خرابونجي قوليلي ده بقي أعمل معاه أيه

[ام هاجر 2]

احنا معاااااااااااااااااااااااااااااااااااااااااااااااا اااااااااااااكى
بالروح والقلب

[prettyangel]

طيب ها يا راندا قوليلنا نعمل ايه؟؟؟؟؟؟؟؟؟؟؟؟؟؟؟؟؟

[أمولة]

يالهوي ابني الي معطل الو اسبوعين ومجنيني ومطلع عيني ومش عارفه كيف اقضي على وقت الفراغ عنده هاتيلي حل الله يفرجها عليكي انتي كمان -----

[راندام]

بصو يا جماعه أنا رأي نبدأ بالدين: طبعا" هما أطفال فلازم نعاملهم على أد عقلهم أولا" عايزين نعرفهم قصص الأنبياء ففى السوق قصص للأنبياء مخصوصه للأطفال بسيطه و ملونه فلو بدأنا نحكى لهم كل يوم قصه واحده بس مع أعادة حكايتها من الحين للآخر أكيد هاتتثبت فى دماغهم و ما تنسوش أن التعليم فى الصغر كالنقش على الحجر ولا أيه ؟ وبيتهيأ لى أن دى هتكون بدايه كويسه للأجازه ها قولولى أيه رأيكوا فىالكلام ده

[انعام]

ربنا يعينا عليهم ويصبرهم علينا
واله الواحد بيحس انو مقصر في حقهم
بس نعمل ايه من شغل البيت الما بيخلص?

[راندام]

معلش يا أنعام نحاول نرتب نفسنا أكتر علشان خاطر أولادنا أومال الجنه تحت اقدام الأمهات أزاى؟

[omabdo]

سلام عليكم ياراندا حاولي تقسمي لهم اليوم خلي وقت للكرتون <شيءلابد منه >وخلي وقت للعب عشان يطلعو طاقتهم لو مفيش امكانية يروحو نادي وخلي وقت تحاولي تحفظيهم قرآن السور القصيرة حتي خرجيهم في حديقة الولاد محتاجين الخضرة والهواء الطلق اللي كله تلوث طبعا عوديهم يرتبوا معاكي البيت انا والله باعمل مع اولادي كده وهما تقريبا في نفس سن اولادك انا بانصحك بكده ومش عارفة لما انزل مصر هنقضي اجازتنا ازاي كل الخطط بتتنسف ومش باقدر احكم علي حد بيبقو مع الحماية بتاعتهم ربنا يجعلها اجازة سعيدة عليكي وعلينا

[راندام]

وعليكم السلام يا أم عبدو جزاكم الله خيرا" على هذه النصيحه الرائعه أنا عن نفسى هاعمل بيها بس بالنسبه للتقسيم فده هيبقى صعب أنى أحطه علشان كل واحده ظروفها غير التانيه بس ممكن نخلى مثلا" الصبح شويه كرتون وقبل النوم قصه من قصص الأنبياء وفى وسط النهار نبدأ سوا تخفيظ القرآن أنا عن نفسى هبدأ النهارد هحفظهم سوره صغيره جديده عليهم بأذن الله يا جماعه أنا كنت أحب يكون فى مشاركه أكتر من كده اللىموافق يمشى معايا غلى النظام دى و نتابع مع بعض يقولى أناشايفه أن الموضوع جميييييييييييل جدا" و مفيد

[nehad]

دار تحفيظ قرأن قريبه
نادي و ياخد كورس سباحه مثلا
ههههههه
ايه رأيكم
أصل انا أبني لسه عنده سنه

[شرين عمر]

انا هااحاول احفظ قران ونمارس اى نوع رياضة واهو

[اسيل احمد]

انا مشكلتي زيكم
والكبر من هيك انه ولادي مشاكل مع بعض بالبيت بس بره ملايكه وما حد بصدقني بس اقلهم مجننيني بقللولي بتردي عنهم العين شو اعمل معهمبجننوني بمشاكلهم الي بدون سبب

[بوسى على]

ياراندام انا ها قولك على تجربتى انا ولادى 5سنوات و سنتين طبعا السنتين لاسه مش عارف حاجه اوى اما ال5سنوات انا جيباله شيخ للتحفيظ القران لانى حاولت معاه انا الاول ما التزمتش لكن الشيخ بنلتزم معاه وبعدين بنشترك فى السباحه فابالتالى الوقت مقسم بين الشيخ وطبعا انا باكد على الشيخ ومع المراجعة
السور القديمة والنادى وشويه كارتون وشويه نلعب وشويه كمبيوتر هتلاقى مفيش وقت وربنا معانا ويكون صالحين

[ريري]

الحمد لله انا اشتركت لأولادى فى حضانه للتحفيظ ..بس طبعا انا باتابع معاهم وباكمل الحفظ بالبيت ..وربنا يعيننى
اما الرياضه هاتبدأ من الشهر الجاى ..ربنا يقوينا على المصاريف
وحقيقة ..ما فيش اهم من القران فى فترة الصغر ،والرياضه جمييييييييله علشان يخرجوا طاقتهم ..ربنا يهديهم ويبارك لنا فيهم

[ام الاء]

كلامكم كله صح فى التقسيم سواء فى القران والرياضه وا

[مورة]

بصي يا ستي انا مش بلقلهم وقت لاني فعلا عاملة نظام
بين المحفظة انا جايبة اخت للتحفيظ في البيت
بعد العصر بتخلص علي الساعة 6بينزل علي التمرين في النادي
عندة الساعة 7 مشترك في مدرسة الكورة لانة مجنون كورةبيخلص9
يعقد يلعب شوية في النادي لحد عشرة ونصف نرجع يدوب ياخد شور
يتعشي الساعة بتبقي واحدة
وفي النهار عندنا يومين في الاسبوع تدريبات سباحة
وعنديا يوم في دورة للتخيل الذهني في الحساب( اليو سي ماس)
مع العلم انا عندي اطفال عمر وعلي عمر 5 وعلي اتثين ونصف وعلي كمان بيت النادي مع عمر وبين الكمبيوتر والكرتون لانة لسة صغير
انا عن نفسي مش بلقلهم وقت فارغ وياريت الكل يشجع اولادةعلي القران والرياضة