[موشووو ام حذيفه]

السلام عليكم

ابنى عنده سنه وتسع شهور مش بينام الليل خالص

يا دوب ينام يومين بالليل كل تلات او اربع شهور كدا

وهو قاعد جمبى دلوقت وانا تعبت

وببقى عصبيه غصب عنى من قله النوم

ومش بيسبنى انام جمبه وهو يلعب

حد جرب لابنته او ابنه منوم مؤقتا لحد ما نومه يتضبط

اصلى خايفه اجبله قلت اسال الاول

[العرووسة]

اسألى دكتور اطفال احسن

[JoOoDY]

اسألي دكتوووووور أحسن يا بنتي و الله

انا اخت جوزي كانت بتدي و لادها منوم في الطياره بس كان دكتور اللي كتبه و هو عباره عن اعشاب باين حاجه كده

و هي مش من مصر

[كلمات تستعصي علي النسيان]

انا مرة اديتهم دوا حساسيه مضاد للهستامين عشان يناموا بالليل كان نومهم مقلوووب

[شيماءعم]

ربنا يكون في عونك بس هم بعد السنه الاولى نمهم بيتعدل

[moony4love]

لا طبعا منوم ايه

اعمليله اي مشروب مهديء كراويه ينسون لو عندك اعشاب بيبي درنك او بيبي كالم

والحال من بعضه والله

هو اتفطم اكيد صح ربنا يكون في عونك انا عارفه اني بعد ما افطم بنتى هتلاقيني بدور زيك على منوم

[ملكـة بيتـى]

بصى ياحبيبتى ممكن يكون عنده مغص او معملش تواليت ودى حلها شويه نعناع دافيين على برتقاليه تعمله ليونه , وممكن عنده احتقان فى المجارى الانفيه او مناخيره نازله وده علاجه محلول الملح اللى فى الصيدليه مش مضر وملوش اعراض جانبيه , ومتخلهوش ينام الدهر او العصر خااالص , و انا اعرف دوا بديه لبنتى عشان الجيوب الانفيه هوا فيه ماده البراسيتامول بتهديها و بتخليها تنام بعد ربع ساعه بس طبعا مش هقولك على اسم الدوا عشان حرام تدى الطفل دوا من غير سبب المهم انتى حاولى تخليه طول اليوم يلعب وياكل كويس ومتنيمهوش خالص طول اليوم ا ااااااكيد هيجى باليل ينام زى المخده ههههههه وربنا يباركلك فيه

[kotaa]

انا جربت منوم بس مش منوم يعنى هو دواء مش بيضره بس من اعراضه انه بينيم الدكتور كان كتبهولى و هو كان كويس بصراحه ساعه كده و القيه غلبه النوم و نام و انا قبل ما اشتريه سالت الصيدلى قلى مفهوش اي حاجه هو اسمه "افيل" 15مجم/5مل كنت بديله 2.5 مل بس انا ابنى عنده 8 لشهور ف لو عيزه تستخدميه اسالى عن الجرعه قد ايه

[MISS INDIA]

حبيبتي حاوللي كل يوم تنيميه بدري نص ساعة وتصحيه بدري شوية

حيتظبط نومه ان شاء الله

لكن بلاش المنوم لانه حيخليه عصبي

[رنااا]

دوا للحساسيه اسمه افيل بس ياخده وقت اللزوم بس لما تحسى انك خلاص عاوزه تنامى اوى مش عمال على بطال