[راندام]

.أبنى عنده 4.5سنوات وهو صغير كان بيجيله تشنجات حراريه مع أقل سخونيه هو دلوقتى الحمد لله كويس بس لاحظت دلوقتى أن مشية رجليه غريبه أكنه مش قادر يرفعها من على الأرض و كمان كعب رجله مع المشى بيخرج على بره +شفايفه على طول جافه لدرجة أنه مع الضحك بتتجرح أنا فعلا" رحت للدكتور و قال لى أن المخ مالوش علاقه برجليه و لم يفيدنى بشئ مع العلم أنه بيشتكى كتيير من ركبته و عظم الفخذ وطلبت من الدكتور أعمله تحاليل لكنه قال لى ما لوش لزمه هو مفهوش حاجه أنا حقيقى قلقانه ردوا عليا أرجوكوا.

[simpaolo]

السلام عليكم ....... روحى لأكتر من دكتور ....... و ما تبخليش عليه ...... انا عارفة ان الدكاترة مكلفين ....... بس انا مش بارتاح للدكتور اللى ما يطلبش تحاليل و اشعة .... ارجوكى روحى لدكتور تطمنى له

[راندام]

أولا" شكرا" لردك عليا و ثانيا" أنا فعلا" كنت هروح لدكتور تانى بس مش عارفه أروح لدكتور عظام ولا أطفال باردوا

[drnahla]

بصى يا راندام
ممكن يكون فعلا معندهوش حاجة وانتى بس خايفة عليه
بس لو بيشتكى من ركبته باستمرار وعظمة الفخز ممكن يكون وقع عليها وفيه كدمة ف الساق تسبب له الالم
انصحك بمراجعة دكتور عظام
وربنا يشفيه

[ام المنا]

الله يشفيه ويطمنك عليه صحيح لازم تعمليله صور اشعه وتحاليل علشان تتطمني وان شاء الله ما عليه شر

[راندام]

أنا متشكره جدا" يا جماعه على أهتمامكم و أنا فعلا" أن شاء الله هوديه عند دكتور عظام و جزاكم الله خيرا"

[nehad]

ربنا معاكي يا حبيبي
وان شاء الله خير
علي فكره ممكن يطلع نقص فيتامين أ او ب

[اسماء اسامه]

حبيبتى انا حاسة بقلقق وخوفك كويس اوى ونصيحة من اختك طالما ان فيه تشنجات وسخونية بسرعة نروح لدكتور المخ والاعصاب ويارب يكون دايما فى صحة وسعادة وعايزاكى تطمنينى عليه

[أم لوجى و ملك]

انا بنتى مكنتش بتعرف تقف خالص ورحت لدكتور وقالى ان عندها نقص فيتامين د
ووصف لها حقنه شهريه اسمه ديفارول ودلوقتى بقت الحمدلله زى الفل

[راندام]

يا جماعه أناكنت داخله علشان أقولكم أن رحت لدكتور أطفال تانى و قالى انه محتاج حديد وقولت أنى هامشى عليه شويه و أشوف النتيجه لكن بعد ما قرأت الرساله اللى فاتت حاسه أنه هيغمى عليا بجد من الخضه فأنا مش هستنى نتيجة الفيتامينات أنا بأذن الله هروح غدا" لدكتور عظام و هشوف هيقول آيه و بناء" على كلامه هروح أن شاء الله لدكتور مخ و أعصاب مع أنى رحتله مره قبل كده و طلب منى تحليل علشان يعرف نسبة الفسفور و حاجه كمان بس مش فاكره آيه هى و قالى وقتها أن نسبة الفسفور عاليه بسيط عن الطبيعى بس مفيش مشكله

[شيماء عمار]

اوعى تربطى حالة ابنك بحد تانى حالتك النفسية مهمة ليكى وللولد بس ادعى ربنا يلطف بيكى وبابنك ويخفف عنة ومتسكتيش لازم تشوفى دكتور تانى وتالت وربنا يارب يطمنك علية اللهم امين

[m.moon]

ربنا يشفيه لك ان شاء الله يكون خير

[بوسى على]

اولا الف الف الف الف سلامه على ابنك بس عايزة اقولك نصيحة بلاش تدخل فى متهات الدكاترة لانهم مش بيتفق على راى انت افحصى رجله كويس وافتكرى ان كان عمل حركه عنيفة او نط من حاجة عاليه وبعدين لوماوصلتيش لحاجة روحى لدكتور اطفال يكون شاطر علشان دكتور الاطفال بيكون اعلم بتكوين جسم الاطفال
لان انا مريت مع ابنى بمشكله تشبه دى والحمد لله راحت لدكتورة ربنا يبارك لها من دواء واحد بق ذى الفل وربنا معاكى

[ALZAHRAA]

اختى الحبيبه لاازم متسكوتيش على ابنك وتروحى لااكثر من دكتور لحدمتطمنى عليه ويهدا بالك وقلبك لاانهم امانه لاازم نحافظ عليها واكيد تطمنينى عليه