[dr\dina]

بسم الله الرحمن الرحيم
انا نفسي افسر الحلم ده لاني سمعت فيه اقوال كتييير قوي
انا شفت شخص اعرفه وهو فاتح التابوت بتاعه وعمال يقولي ايه رايك لومت شوفي هتحسي بايه وراح نام في التابوت وقفله وعمل نفسه ميت ولما زعلت قام وقالي متخفيش انا لسه ممتش زعلانه ليه؟
ارجو التفسي وشكرا ليكم ياجماعة

[فطيمة]

ان شاء الله خير ياعسل

[فسدقه]

ما شاء الله الحلم ده حلو قوى للشخص اللى انتى شفتيه فى التابوت ده يدل على ان ربنا هايرفع من شانه ومكانته بين الناس فى شغله وفى بيته وهايوفقه فى حياته كلها ربنا يباركله والله اعلم

[dr\dina]

شكرا ليكي يافطيمة ياقمر

[dr\dina]

متشكرة جدا جدا يافسدقة ياطعمة
وربنا يخليكي لينا

[نوءه]

يدل الدخول فى التابوت على الفرج والنجاه من شر بعد مده والنيل بمرادك ويدل على العلم والهدايه ماشاء الله يا درادينا .

[دودو صلاح]

انا عندى حاجه غريبه كل يوم لما باجى انام لازم اسئل جوزى انت راضى عنى ولا لا انشاله بهزار وساعات ببوس ايده وبيبقى كويس معايا وطيب قبل ما بنام حتى لو كنا متخنقين طول اليوم مبنمش غير لما بصلحه بس الغريبه لما بنام وبحلم بحلم بيه بشخصيه وحشه جدا ومضيقانى جدا ويا اما اعيط فى الحلم او ازعق ومعرفش اخد حقى واصحى الصبح ابص عليه الاقيه يعنى نايم لا حول ولا قوه ومش هو ده الى كان فى الحلم خالص واحمد ربنا انه كان حلم وكمان الحكايه دى مش بتحصلى فى اليوم الى بنبقى متخانقين فسه عشان متقولوش ده العقل الباطن لا ساعات بنبقى كنا بره وراجعين ننام من التعب على طول بس بحلم برده نفس الاحلام والاحلام دى بتبقى كلها صويت وعيط انا الى بصوت وساعات بستنجد بيه لكن هو مبيعبرنيش فى الحلم لكن ده عكس شخصيته الحقيقه وكمان انا بحب جوزى جدا حتى لو كان هو مبيحبنيش بس انا بحبه اوى فلو حد عنده حل للحكايه دى ياريت لانى لما بصحى الصبح بيبقى مزاجى وحش جدا وببقى نفسى اعيط اوى وساعات مببقاش طيقى جوزى من الحلم وبعد ما افوق كده ببقى عاديه

[bkboza]

وده مين يا دودو