[انا بوبي]

ايهما تفضلي الولاده الطبيعي ولا القيصري?
ايهما اسهل ؟ ايهما اامن للام والمولود؟
ايهما تفضلي في القيصري بنج كلي ام نصفي ؟
وهل تفضلي الولاده بدوون الام لوطبيعي وهل جربتيها؟
ارجو ان تفيدونا انا وكل الحوامل بالتفصيل اللي جربوا الولاده

[امي هي حياتي]

ياريت يفيدونا

[مرات أحمد]

أنا لسه ماتجوزتش بس أكيد الطبيعى أفضل كتييييييييييييييير

[دودو و عبودو]

انا لسه حامل ودا اول حمل ليا بس نفسي اولد طبيعي ادعوللى اولد طبيعي

[om na3`am]

انا حامل اول مره وخايفه جدا من الولاده مش عارفه انهى احسن ياريت حد يفدنا

[yoyo om youssef]

ولدت قيصري بنج كلي اكيد اسهل من الطبيعي

[cartoon]

بصي يا قمر
انا حصلتلي ولادة مبكرة في آخر الخامس
ربنا يعوض عليا يارب

المهم بعد الولادة كنت بتناقش مع دكتوري في الموضوع ده
فقالي الولادة القيصرية افضل من الطبيعي
فانا سالته ليه يا دكتور؟
فقالي عشان الست اللي بتولد طبيعي بتيجي لسن ال 50 ويحصلها سلسل بول
فقولتله وده من ايه؟؟
فقالي من حزق الولادة
ونصيحة يا بنات يا حوامل
حاولوا ما تصوتوش وانتوا بتولدوا اكتمي صرختي لتحت عشان تولدي بسرعة وطبيعي
وربنا يكرمني ويكرمكم يارب

[rooty333]

دي حاجه بتبجي من عند الله
انا كان نفسي اولد طبيعي وولدت قيصري بس هي صعبه قوي

[لولى ومرجان]

ربنا يقومك بالسلامه اولا
ثانيا انا ولدت قيصرى وبنج كلى والحمد لله كان كله تمام
اما الطبيعى اللى جرب يقولك

[sara2550]

بالنسبالى القيصرى اسهل وبنج كلى علشان سمعت ان البنج النصفى ممكن يعمل شلل نصفى لو الدكتور مش شاطر

وكمان احسن للبيبى علشان مشاكل خروج البيبى فى الولادة الطبيعية والى بشفطة بجهاز شفط فبيسبب اعاقة