[المحتااااااااره]

السلام عليكم يا فتكات
أنا هدخل فى الموضوع علطول وعايزة أرائكوا فية بصراحة
أنا عندى أبن متزوج من 5 شهور ومراتة كويسة جدااا وأنا زوجى متوفى وهما
قرروا أنهم الاكل والشرب معايا يعنى اللى بيقدر على حاجة بيعملها وخصوصا مرتب ابنى
بسيط شوية فأنا المساعدات بتبقى من عندى أكتررررر بكتيرررر منة هو والله
مش بضايق لحاجة زى دى انتو عارفين انا ام ودة ابنى ومراتة ومش ببخل عليهم باى حاجة
وولادى كلهم متزوجين وبعيد دة اللى خد الشقة اللى جمبى علطول فحياتهم معايا
وبقووول انا هحوش لمين يعنى ماياكلوا ويشربوا ويتبسطوا
ومراتة مش زهقانة لحاجة زى دى اهو احنا بنساعد بعض وبنفكر فالطلبات اللى ناقصة
وبننزل انا وهى بنجيب اللى ناقصنا والحمل الاكبر عليا ان هى حابت من الحاجة كيلو
اهو أحطايطى بردة فشقتها انا بجيب 3 واقول اهو بيت مفتوح والحاجة مشدودة عندى أكتر
والله عمرة ماستخسرت فيهم حاجة واللى بعملة رغم انهم بياكوا منة وسيباة فالشقة ياكلوا ويتبسطوا
ورغم كدة اديها وحملها وهى داخة شقتها تقولى خلاص ماهو قدامنا اهة واللى عندك مش بعيد علينا
اقولها لا علشان جوزك يمكن يكون نفسة فية بلليل ولاحاجة هتقعدى تفتحى وتدخلى وتجيبى
اهو عندك اهو وهما معاهم مفتاح لشقتى لان انا حركتى بطيئة شوية بحكم السن
فطلعت للتنين مفتاح بيدخلوا عليا علطول علشان ميخبطوش واقعد كل شوية افتح
معلش انا طولت بس حبيت اديكوا اختصار بسيط لحياتنا
من فترة كدة وانا لاحظت حاجة
أوقات بخرج اروح ازور حد او شوف حد من بناتى ان فى حاجات نقصت من البت
مكنتش بحط فدماغى واقول اكيد استخدمناهم بس بعد كدة كل خروجة ليا واجرع ابص فى التلاجة
مثلا عارفة ان فيها جبنة ملقهاش والله عمرى مافكرت ابدااا ولا ظنيت وحش فالبداية
اقول باينها خلصت انبارح واحنا بنتعشى او بنفطربس بدات الحكاية دى تتكرر
وبدات انا اركز معاها عرفت اية اللى فتلاجتى حتى البيض كنت بعدة وكنت فى يوم خارجة ورجعت لاقيت البيض ناقص 4 بيضات
وفوجت بمرات ابنى بتقولى انا عملت كيكة جميلة اوى وجيبلى منها طبق مليان ادوقها
حسيت انى اتخنقت شوية بس مردتش اتكلم دى مرات ابنى وبتحبنى وبحبها وقلت جاهز هتقولى
مثلا انها خدت بيض من الثلاجة بس ناسية وخصوصا ان من اول يوم قولتها شقتى هى شقتك لة عوزتى حاجة
عايزاكى تدخلى تاخديها من غير ماتستازنى
وحاجات كتير ياجماعة القيها ناقصة بجد لبن من الفريزر انا بجيب كميات كبيرة وبعين
واطلع كيس كيس ااول باول حاجات الاقى ناقص كسين لبن من المطبخ كيس ملح كيس كاكاو ازازة زيت
انا بدات فعلا مع ان عمرى مابعملها اركز اوى فى حاجتى واشوف واعد واكتشف بعد كدة انها ناقصة
كلها حاجات تافهة بالنسبة لى ولو عرفتنى هديلها فوق اللى بتاخدة بزيادة
بس المشكلة انى احساس كبير بيقول انها هى وقلت يمكن من العشم خلاص وحست انة بيتها
بس مش معنى كدة انى كل ما اخرج الاقى حاجاتى ناقصة وخصوصا انى مببخلش عليهم بحاجة وربنا اللى عالم
ولاعمرى بينتها انى لاحظت اصلا ومعتقدش ابنى يعرف لانة شغلة بردة وبيات فية ومش بيرجع غير اخر 3 ايام فالاسبوع
والحاجات اللى بتنقص دى بلاحظ انها بتاخدها وهو مش موجود وطول ما هو هنا وانا خرجت مش لاقى اى حاجة نقصت
فهل دة طبيعى اللى بتعملة وهى حست انة بيتها ولا المفروض تستاذن بردة للى بتاخدة دة
ولا أسيبها وخلاص وهى لابنى بردة مش عارفة اتصرف اذاى
وهل دة اسمة سرقة بقى ولا اسمية اية بس دلونى بجد الواحد زعلان للى بيحصل..

[وجه جميل]

ياامى انتى بتقولى بيتك مفتوح ليهم
وعودتيهم انهم ياكلوا ويشربوا معاكى
يمكن هيا بتاخد الحاجات دى
من باب العشم وانك قولتلها البيت بيتك
واللى فيه ليكى
وبتطلعها مثلا شقتها تستخدمها وتنسى تنزل الباقى
على اساس اللى عندك وعندها عادى
اكيد مش غرضها السرقه ابداااا
وخصوصا انهم عايشين من خيرك
ربنا يهديهالك..

[25 يناير 2011]

بصراحة مش ليكى حق تزعلى
هى من كتر ارتباطها ليكى اعتبرتك شقتها زى شقتك زى ما انت قولتلها
ومدام هى كويسة وانتوا كويسيين مع بعض فخلاص

[اميرهـ فى مملكتى]

ياطنط ياريت ماتزعليش منى

حضرتك مكبرة الموضوع بصراحة

البنت عشمانة فيكى وغير كدة انتى متفقة على اتفاق معاها

فهى بتتصرف على الاساس دهـ

ولو الوضع دة مزعج بالنسبالك

يبقى اول كل شهر تشتروا طلبات البيت

وكل واحد ياخد حاجتة

ولو خلصها مفيش مانع يبلغ التانى انه عايز حاجة

دة فى حالة انك لو عايزاها تستأزن منك

مع انى شايفة انه كدة هتعملى فجوة ملهاش لازم بينك وبينها

وربنا يصلح الحال ليكوا

[drhappy]

ربنا يبارك فى حضرتك
ممكن بتتكسف تطلب منك وانتى موجودة بتاخد وانتى بره علشان الحرج
وعارفه انك مش هتدقى على الحاجات دى ...يمكن نفسها فى حاجات وابنك مش قادرة تطلبها منه
سامحيها خلاص وانتى بتقولى ده لابنك ولو انتى عايزة تعيى حاجة خبيها وخلاص بدل ما تشيل منك وتبطل تيجى

[pretty smile(ميما)]

بصي انتي بتقولي ظروفهم صعبه فخليكي عادي
اعتبريها زكه لنفسك
او زكه ليه
اعتبريها لابنك مش الاكل داه ابنك بياكل منه برده
و اعتبريها زي بنتك و قاعدين مع بعض فشقه واحده و بتستخم حاجتك
كبري يعني عشان متوجعيش راسك
طلما الحاجه مقضياكي و مفيش اي عجز

[_*سبحان الله*_]

انا شايفه انها زى بنتك وبتتعامل بعشم معاكى لا مش سرقه هى معتبر ده بيتها وانتى امها

[om al2awald]

حبيبه قلبي يا امي انتي ادتيها مفتاح قولتلها اسحبي يا حبيبتي من غير استئذان وده الي هي بتعمله بيتها وبتاخد منه عادي جدا

حبت تعمل كيكه اخدت بيض وبعتتلك منها وقالتلك عملت ده معناه انها يا امي مش متخيله انك بتفرقي في الي هنا والي هنا


انتي ممكن بطريقه كويسه تقوليلها لو اخدتي حاجه من التلاجه وخلصت فكريني اجيب غيرها وقوليلي الجبنه خلصت يا طنط البيض خلص وهتلاقيها تقولك
ماهو مش معقول يكون كل شيء تحت ايديها وهتدخل تاخد 4 بيضات!!!!!!!!!!!!

[CUTEGIRL]

وخصوصا ان من اول يوم قولتها شقتى هى شقتك لة عوزتى حاجة
عايزاكى تدخلى تاخديها من غير ماتستازنى

حضرتك ممكن تكون فهمت الطريقه دى غلط
ودينيا هى المفروض تستأذن
حاولى تكلميها بينك وبينها قوليلها يابنتى لو احتجتى حاجه او اخدتى حجه مش همنعك انتى زى بنتى
بس قوليلى انا خدت كذا يا ماما عشان ابقا عارفه ايه ال نقص فالشقه
لو انكرت
يبقا تخدى مفتاح شقتك ومساعدتك ليهم وانتى موجوده وبسسسسس

لو قالتلك حاضر يا ماما وبقت تقولك
يبقا بطيب خاطر ونيه كويسه وعشم بس كان جواها ووقتها هتبقى انتى راضيه

[البرنسيس ميودة]

معلش حضرتك قلتى فى سياق كلامك انك قولتيلها لو عوزتى اى حاجه من الشقه ادخلى خديها من غير ما تستأذنى
طيب فى اية تانى ماحضرتك اللى قولتلهاكده ولما هيا اخدت عليكى واتصرفت بطبيعتها تقوم تقولى عليها بتسرقنى
حتى الكيكه اهو جت ادتك منها
فين المشكله مش عارفه الصراحه