[جين صبرى]

السلام عليكم يا أخواتى

ده أول موضوع لى ويارب أفيدكم ... جايبه لكم وصفه أفادتنى وفتحت معايا المنطقه الحساسه
وبصراحه أنا أستعملها كماسك وهى عباره عن
أنبوبة كريم بيتادين متوفر بالصيدليات وهو قاتل للبكتريا المسببه للأسمرار
ملعقه كبيره عسل نحل وياريت تلاقى قطفة الليمون لأنه بيفتح وبيفتح الوجه اذا دخل مع ماسكات للوجه
ملعقه كبيره زيت زيتون
ملعقه صغيره ماء ورد
الطريقه000
نفرغ محتويات الأنبوبه فى علبه ذات غطاء محكم
ثم نضيف عليها ملعقة الماء الورد
ونقلب بضهر قلم رصاص مثلا لأن الكريم قليل جدا يعنى مش مستاهله ملعقه
وبعدين نضيف الزيت مع التقليب حتى يتجانس الخليط
واذا لاحظتى الخليط ثقيل شويه خفيه بقليل من الزيت
وراعى أن يكون الخليط أشبه باللوشن يعنى لا خفيف ولا ثقيل
( يحفظ بالثلاجه )
الأستخدام000
كل واحده حسب راحتها المهم يترك أطول فتره ممكنه بالمكان
طريقتى فالأستخدام000
كنت أضعها بعد صلاة الظهر مباشرة وأشطفها عادى بعد أذان العصر
لأن دى أطول فتره وأنسب وقت بالنسبة لى
المهم ندهن من الكريم برفق ونوزعه جيدا وبعدين ترتدى شورت من القطن أيوه شورت الأول وبعدين البانتى عليه وأقضى شئون بيتك وبعدين خدى حمامك عادى وأتبعى الخطوات الرائعه للأخت تقريبا sab مش فاكره والله لكن موضوعها مازال موجود
يعنى زى ما بتهتمى بوجهك أهتمى بببببب... أنتوا عارفين
أااااااااااه ياريت تدهنى المنطقه بزيت لوزحلو ولوزمر بنسب متساويه فهو يفتح البشره وممكن تضعى منه عالوجه فهو رائع فى تفتيح البشره وازالة البقع

على فكره أنا كنت أعانى الأمرين من الأسمرار ولكن الأن الحمد لله وب3 جنيه بس
فى أنتظار أرائكم ( عمركم ما حتشتكى من الأسمرار لأنك بتستخدمى التركيبه القاتله للمكروبات المسببه للأسمرار )

[ام شوشو]

تسلمى على الوصفة السهلة

[جين صبرى]

شكرا على رقتك
وعلى مرورك الكريم شوشو

[روتانا]

جزاكى الله خيرا نجربها ان شاء الله بس ياريت توضحى مدة الاستمرار فى الدهان كم يوم ويجيب نتيجه؟وهل لبس الشورت مش هيمتص الدهان؟ام عادى يعنى انا بسالك لانك مجربه؟ياريت تجاوبينى وشكرا جزيلا ليكى

[القطه]

انا هجربها يا جين وان شاء الله تفلح اشكرك ولكنى مش فاهمه ايه حكايه شورت وعليه البانتى مش فاهمه ارجوكى التوضيح
واشكرك مشكلتنا كلنا يارب الوصفه تكون تمام واهم حاجه انك بتقولى انك بتعمليها فعلا بس عايزه اعرف كمان بقالك اد ايه ماشيه عليها وعموما النتيجه تبان بعد كام مره؟ وكام مره فى الاسبوع اشكرك فتوكه حبيبتى

[جين صبرى]

اهلا روتانا أهلا قطتى
شكرا على مروركم حبايبى
أنتو الأثنين ليكم نفس الأستفسار
الشورت القطن وضرورى يكون قطن الأول وبعدين البانتى (الكيلوت ) عفوا دى معلومه كانت قالتهالى صديقه وكنت بتعجب منها
ومحستش بأهميتها الا بعد ماجربتها
وهى بتمنع أحتكاك الأستيك فى ثنايا الفخذ وتحميه من الأسمرار وبالنسبه لأتباعها مع الوصفه عشان الوصفه فيها عسل والعسل حيضايق شويه وكمان أريح كتير بس أنتوا جربوا الأول ,وماتخافوش الشورت مش حيشرب الكريم لأنك بتوزعيه كويس

أما النتيجه أمتى فهى والله ظهرت معايا من أول مره مع مراعاة أختلاف بشرة كل واحده عن الأخرى وبالذات فالمنطقه دى أنتوا طبعا عارفين
وعلى فكره الكريم مفيد من نواحى كتير أهمها أنك بتقتلى الميكروب المسبب للأسمرار وكمان بتحمى نفسك من الألتهابات وأن شاء الله بتفتح المنطقه لأن العسل وماء الورد وزيت الزيتون بيفتحوا البشره

وعلى فكره أنا زوجى طبيب بس طبيب أطفال ومن زمان قالى عالبتادين بس أنا مسمعتش كلامه
وأنا جاهزه لأى أستفسار

[جين صبرى]

أنا ماشيه عليها بقالى أسبوع ومجاليش صبر قولت لازم أقولكم
وأستعملها يوميا ولو كان يناسبنى كنت حطتها بالليل قبل النوم
ايه المانع أنها تكون للأستعمال اليومى الوقايه حلوه ولا ايه يافتوكات

هى بقت من ضمن البرنامج اليومى بتاعى
صابونه مخصوص للبشره 00 صابونه مخصوص للشعر 00 سيتيال 00 معجون أسنان بالعسل يفتح الأسنان جدا جدا00 خليط من زيت اللوزالحلو وزيت اللوز المرللأماكن الحساسه 00 معطر ومزيل للعرق من المسك وبودرة التلك والشبه للأبط والأماكن الحساسه00 زيت يومى للشعر00 تركيبه بتطول حمام زيت مرتين بالأسبوع للفراغات 00 ماسك الترمس مرتين بالأسبوع00
ماسك يومى قاتل للبكتريا ويفتح البشره00 زيت لوز بالليل للجفون وزيت جنين القمح للبشره00 عطرى اليومى اللى بيفضله زوجى وهوخمره لأنى نوبيه 00 وهوجو00 تركيبة كريم من كبسولات فيتامين E والجلسرين بعد كل حمام رائحته تجنن كل اللى يشمه يطلب حبه ههههههه وده بعد كل حمام00 وكريم جليسوليد مع شوية خلطات قبل النوم00 وليمون بالملح للركب والأكواع مكان علامات الصلاه00وأخيرا أضفت تركيبة البيتادين الأخيره00

بالنظافه والخطوات المنتظمه حتبقى مرمر وبتدوخى زوجك
وحتزهقى من كتر ما لازقلك بالبيت... ده حتى الشغاله زهقت وبطلت تيجى ههههههه أنتى نفسك صعب تتنازلى عن برنامجك اليومى
واذا حصل لأى ظرف بتحس كأنك فى صحره وعطشانه
أوكأنك ماأخدتى حمامك من سنه ههههههههه أنا تحت أمركم فى أى استفسار

[القطه]

والله العظيم انتى هايله يا جين وميرسى على الايضاح
وده فعلا الواجب على اى فتوكه حلوه زيك قبل ماتنزل الموضوع تكون جربته وتكون جاهزه للاستفسارات ووجع الدماغ
اكيد جوزك سعيد بيكى بسم الله ماشاء الله ربنا يحفظكم ويسعدكم
لو عندك فكره عن حاجه اسمها مره تقدرى تفيدينى هى الصبر بتاع الفطام ولا ايه هل ممكن نستبدلها بالشبه مع الملح والديتول او السيتال فى التشطيف الداخلى
لو تعرفى ردى لو ماتعرفيش انا بشكرك على تعبك فى الايضاح

[جين صبرى]

شكرا يا قطتى على رقتك
مجال عمل زوجى وخصوصا هنا فالصعيد بيخلى الناس تبصلنا على أننا لازم نكون بنبرق زى الفنانات آه والله
ولوأى حاجه بسيطه فاتتك يكون عليه تعليق بالأنتقاد
أنا بنتقد فى حواجبى فقط لأن زوجى يقول لعن الله النامصه والمتنمصه
بس أنا رسمتهم بزيت الخروع وبقيت يعنى راضيه عنهم شويه

أما عن المر أو المره أنا أنشاء الله حسأل العطار يوم الأثنين عشان أنا ساكنه بعيد وحرد عليكى أن شاء الله الثلاثاء
وده عطار بيجيب حاجات من السعوديه وبيعرف كل كبه فالأعشاب

[hala_2007]

حلو تسلمي بس ليا تعليق بسيط البيتادين فية مشكلة بيلون الهدوم وبتبقي حاجة يعني
اما عن سؤال قطة عن المرة لا مش بتاعة الفطام بتاعة الفطام اسمة مر اما المرة دي حاجة تانية بصي مشكلة في النظافة والتبيض وازالة الالتهابات وكمان تفتيح البشرة مش عايزة اقوالك

[جين صبرى]

اهلا هاله شكرا على مرورك
بتعجبتى افكارك كتير
بصى ياهاله ريحة الكريم نفسها صعبه وبتزول تماما بعد باقى الأضافات
وعلى الرغم من أن الكريم حيفضل محتفظ بلونه الا أن أثره عالملابس خفيف أنا كمان كنت خايفه من نفس الشىء مثلك حقولكم حاجه بس بلاش ضحك من فضلكم
أنا أشتريت ثلاث شورتات كانت جدتى الله يرحمها بتستعملهم وعجبونى وكنت بستخدمهم فى فترة الحمل خاصة فالشهر الأخير كنت برتديهم بالليل
وميزتهم أن مافيش فيهم خياطات غير فالرجل فقط يعنى مافيش خياطات فالنصف فاهمين مش كده يعنى مش بيضايق فاللبس
وكمان العسل والزيت بيخلى البشره تمتص الكريم وكان والله الأثر فهدومى ضئيل جداونظافته سهله جدا
وعلى رأى الكبار هاتى من حاجتك ثلاثه واحد ملبوس والتانى عالحبل والثالث فى دولابك ههههههههه

[emyaly]

تسلم ايديك يا جين
والله انتى رائعه
نحاول نجربها ونقولك على النتيجه

[دودو صلاح]

ياجماعه خطر جدا جدا جدا البيتادين يا جماعه والاخت الى كاتبه الوصفه فعلا بتفتح بس الى حامل ممنوع وغير كمان احتمالات حدوث السرطان هتبقى كبيره اوى للى هتستعمله بلشكل ده
انا كنت بشتغل فى مجال الادويه وعارفه الدوى ده والماده الفعاله الى فيه ماده كرسينوجينك مخصصه لقتل ما ده غير كرسينوجينك وده دور الدوى بس لو استخدم فى اى غرض تانى بصفه مستمره لفتره الماده الكرسينوجينك بتتراكم وبتؤدى الى ارتفاع نسبة الاصابه بالسرطان ونحن ياسيدات العربه اكبر نسبه لسرطان الثدى لدينا والحمد لله فارجوكم بلاش تزودوها

[جين صبرى]

أهلا دودو صلاح شكرا على مرورك
أحب أوضحلك وللجميع أن الكرسينو جينك ده لفظ يطلق على أى ماده مسببه للسرطان
وعامة كثرة أستخدام أى مواد كيماويه ضار بالبشره
وأكيد أن أى حد بيوصل للنتيجه المطلوبه بيقف عن الأستخدام وبيحاول أنه يحافظ عالمستوى بأى شىء طبيعى زى زيت اللوز اللى ذكرته
وعلى فكره كمان كده بيبقى فيه خطر من السيتيال والديتول وكل حاجه بنستعملها وكمان أنا قلت لوقرأتى مره أخرى فى رد على أحدى الأخوات أن زيت الزيتون والعسل قطفة الليمون حددت قطفة الليمون بيفتح أى أماكن سمرا وكمان ماء الورد والبتادين قاتل يا جماعه للبكتريا والكرسنوجينك ده لفظ مش ماده
وتأكدى أنى قبل ما أكتب أى تركيبه بستشير زوجى الطبيب وصديقاتى طبيبات النساء وهم 7 يعنى أى واحده جاهزه لأى أستفسار منى أو منكن
وشكرا emyaly على ردك ومرورك
وشكرا دودومره ثانيه ويكفينى مرورك الكريم عشان كلنا نفيد ونستفيد
وتأكدوا مش حدخل بأى موضوع وأكتب كلمة (منقول) عشان تستفادوا أكتر
وأعتبرونى حقل تجاربكم

[ام ايفان]

[eltourky]

تسلمي ياعسل
موضوعك جه ف وقته هجربه واقولك النتيجه بعد اسبوع

[القطه]

والله انتى عسل ياجين حكايه الثلاثه دى مهمه موت
وباشكرك على تعبك معايا فى موضوع المره دى ومستنيه ردك ومعلش بحب اتعبك
سامحينى احنا اخوات بقه باشكرك كتير
اما هاله هالوله شكرا ليكى على تصحيح المعلومه الى هتعلمنى الصبر
وبرضه ميرسى عشان اكدتى لى فايده الخلطه ربنا يكرمك
والاخت دودو معلوماتى عن البيتادين انه مطهر ممتاز اول مطهر طبى يعترف بيه الاطباء ويعتبر حاليا مكوناته احدث من زى قبل
بس بضايق منه عشان بيلزق انما لم اسمع عنه كلام يخوفنى منه
ياله كل واحده ليها شكر او تعليق تاخده
بشكركم وبحبكم موووووووووووت

[جين صبرى]

شكرا أم أيفان شكرا أم مريم وشكرا قطتى شكرا على مروركم
كلكم واناكمان زيك يا قطتى بحبكم
وبفرح بكل ردودكم ومن كتر ما فرحانه بيكم نفسى اقدم لكم حاجه تشربوها

[القطه]

ايوه يا جين شربينا الدنيا حر موت اخبار الجو عندكوا
اكيد المشروبات شغاله نار
شوفى هتقدملنا ايه بس حاجه تكونوا مشهورينبيها واكيد تكونى بتحبيها
بس تصدقى انا قرأت ردك تخيلى كنت بشرب ايه؟
والله ماهتصدقى كنت بشرب خروب على كركديه على تمرهندى تحفه
اتفضلى معايا
لو عندك طرق المشروبات دى ابقى قوليها واحسن الطرق لظبتها
بحبكم فى الله

[sherry]

تسلمى يا قمر ع الموضوع الجميل ده