[sherry]

وعلى فكرة البيتادين ده مفيد جدا الدكتورة كانت كتبالى عليه بس الغسول للتنظيف المنطقه الحساسه

[جين صبرى]

شبرررررررررررررى شكرا على مرورك
قطتى بالهنا والشفا هنا مشهورين بالكركديه لوحده والتمرلوحده
بس أنا بعمل تمر هندى بيعجب أصحابى بجيب التمر هندى وأغليه وبعد مايبرد أدخله الثلاجه وبعدين أخففه بميه صاقعه خالص وأضربه فالخلاط بيعمل ريم عالوش زى الكباتشينو وبيكون رائع مع الثلج
والله لتيجى تزورينى والمكيفات ملطفه الجو يعنى ماتخفيش من الحر
وعلى فكره انا من اسكندريه بس لما اتجوزت عشت فى أسوان

[جين صبرى]

شيرى أنتى مريتى مرتين اهلا اهلا
أصل النت كان فاصل
شكرا حبيبى

[dr\dina]

بجد شكرا ليكي ياطعمة على الحاجات الجميلة دي
وانشاء الله مستنيين جديدك

[جين صبرى]

دكتوره دينا
مرورك ده شهادة تقدير
ألف ألف شكر

[القطه]

جين احنا بلديات على كده انا كمان اسكندرانيه الام والاب قاهرى عشت فى اسكندريه وبموت فيها بحب وصفاتك على فكره السيرلاك فظيع
وكمان عملت خلطه البيتادين جميله وكمان بتنشف المنطقه خالص فعلا انتى ممتازه لما عالنت واتعلمت منك كده اومال لو جيت اسوان بقى
وميرسى على وصفه التمر هندى
عندى فكره ليكى يا جين اعملى صفحه ليكى خاصه بلى عايز يزورك ويكلمك هاكون عندك كل يوم
واخيرا ربنا يحميكى من الحسد هابخرك

[جين صبرى]

شكرا قطتى على مرورك
واضح أنك ماشاء الله عليكى أروبه فالنت
أنا مش عارفه يعنى أيه أعمل صفحه
ده أنا عندى صور ديكورات مش عارفه أنزلها وكمان بعمل بدلة رقص000 لنفسى ممكن العرائس تعملها
مش عارفه أزاى أنزلها
أنا سعيده جدا أن الخلطات عملت معاكى نتيجه وكمان لما تستمرى ويا سلام لما تتعطرى بالمسك

[قوه الامل]

مشكره للوصفه الرائعه

[جين صبرى]

مشكوره عالمرور
ونحب نتشرف من وين يا أمل

[umaesha]

حبيبتى فى الله جين جزاكى الله عنا كل خير هجرب كل كلامك باحرف وهرد عليكى

[جين صبرى]

umaesha
شكرا على مرورك ويارب يبيض وشى معاكم
وفى أنتظار ردك

[شمس العروبة]

بارك الله فيك وجزيتي خير الجزاء

[جين صبرى]

شكرا شموسه حبيبتى

[حبيبة كريم]

جين بجد انتى فظيعة جامدة موت ربنا يوفقك انا مكنتش اعرف ان اسوان فيها ناس طعمة جدا
انا فرحى قرب واخدت وصفاتك من هنا سواء ماسكات و طرق بياض الابط والركب والمناطق الحساسة وباذن الله هبدأ اعملهم بس انا كنت خايفة من مرهم البيتادين لان سمعت كلام عنة فى المنتدى خوفنى بس انتى مشجعانى اجرب
وبجد ربنا يوفقك

[جين صبرى]

حبيبتى حبيبة كريم
أولا أختيارك أسم حبيبة كريم سكر خالص عاجبنى جدا
ثانيا مبروك الفرح ياجميل
ثالثا لو قرأتى ردى بنفس الموضوع بخصوص البيتادين حتطمئنى أن شاء الله
لأنه علاج أكثر من أنه بيقتح يعنى المقصود منه أن أحنا نقضى عالميكروب والعسل هو اللى بيعمل عالتفتيح والبيتادين مطهر وقاتل للبكتريا وبعدين وجود العسل مخلوط بيقلل من كمية الكريم المستخدمه ده أنتى لو رحتى للدكتوره حتكتبلك البيتادين بس مش حتقولك عالعسل مش كده
وبعدين الأساسى وصفة الزيت للمنطقه الحساسه بموضوع العروسه أو أى وصفه ترتاحى لها من وصفات الأخوات بالمنتدى
وألف ألف مبروك
سلالالالام يا سكر

[m_maha]

جزاكى الله خير جين وفى انتظار جديدك

[Ann fajer]

السلام عليكم:
ازيك ياجين ياشاطرة, تعرفي اولا شوقتيني اني اتعرف عليك واشوفك,ثانيا انا جربت الكثير من وصفات التفتيح بس منفعتش وان شاء الله حجرب وصفتك واحكيلك على النتائج .
شكرا لمجهودك جين والله يعطيك العافية.

[دكتورة]

شكرا ليكِ جين على الوصفة الكاملة المتكاملة
انا لسه مجربتهاش بس باذن الله هجربها وان شاء الله ارد عليكى
اما بالنسبة للناس اللى متخوفة من البتادين
اقولهم ببساطة
البيتادين ده يا جماعة ما هو الا صبغة اليود اللى زمان كنا بنحطها على الجروح
واللى جربها اكيد فاكر كانت اد ايه مؤلمة جدا وكانت بتصبغ الجلد والهدوم
اما الاختراع العجيب اللى هو البيتادين واسمه العلمى" بوفيدين ايودين"
اخد فوايد صبغة اليود فى التطهير وقتل الميكروبات
مع عدم الشعور باى الم اثناء وضعها على الجرح
وعدم صبغها للجلد
دا لو غسلتيه بشوية ميه من غير صابون بيروح علطول
فمفيش اى مشكلة من استخدامه على الاطلاق
وزى ما اختنا الكريمة جين ذكرت فى وصفتها وقالت انه لن يستخدم على المدى الطويل
انما لغاية لما يحصل تفتيح وبعدها نتابع باى حاجة طبيعية
وشكرا ليكِ جين مرة اخرى

[جين صبرى]

مها شكرا على مرورك الجميل حبيبتى
أنا فاجير العراق وأهل العراق شكرا على الكلام الجميل والنهارده بالليل أن شاء الله حدخل على مواضيعك اللى عناوينها كلها تشد وجريئه وتعالى زورينى عشان أتشرف فيكى

الدكتوره ياسلالالالالام عالدكتوره
شكرا على مرورك الجميل واللى أسعدنى أكتر أنك قرأتى كل المشاركات والردود
كده صح...وشكرا على توضيحك العلمى الرائع

[حلوه ودلوعه]

شكرا على هذه الخلطة الرائعة تسلم ايدك ..........
وصراحة اعجبتنى جدا جدا

وياريت تفهمينى معنى قطفة الليمون شنو تقصدين بها


ولكي كل الشكر