[موري ام حمزة]

.اخواتى الفتوكات
هاقدملكو شوية اكلات بحرية سهلة وخفيفة ومش مكلفة
هى صحيح اكلات معروفة لكن بطريقتى هاتلاقوها احلى كتير
هابتدى بحاجة بسيطة علشان اشوف رأيكو اية
ولو عملتوها وعجبتكم هاديلكو وصفات تانى
واللى عايزة اى وصفة تسألنى عليها

سناك جمبرى
المقادير تكفى شخصين
1-نصف كيلو جمبرى وسط مقشر
2-بصلتين مفرومة
3-اربع حبات طماطم مقطعة صغير
5-اربع قرون فلفل اخضر شطة مقطع صغير
6-معلقة سمنة أو شوية زيت
7-ملح وفلفل
8-بقدونس للتزيين حسب الحاجة

الطريقة-تسخنى السمنة او الزيت وتحطى عليا البصل وتتشوح لمدة دقيقة واحدة. وبعدين تضيفى الطماطم وتقلبيها لمدة دقيقة.بعدين تحطى الفلفل الاخضر. وبعدين تغسلى الجمبرى وتحطية.قلبى الجمبرى وبعدين غطية.كل شويه قلبى ولو عاز مية حطى شوية شوية لغاية ما يستوى.حطى الملح والفلفل والبقدونس واطفى النار.
ممكن تقديم الطبق دة مع رز ابيض او مكرونه بيضاء اوعيش بلدى
انا عن نفسى بعملو ساندوتشات واطلع عالبحر انا وجوزى ومعاهم اتنين كانز ساقع ويبقى وااااااااااااااو
جربوة مش هاتندمو وهاتدعولى.

[أميرتى يمنى]

تسلم أيديك بجد وصفة سهلة وجميلة جدا
وبعدين بقى يا بختك (والله ما بحسد ما تخفيش )عندك البحر وأحنا هنا هنموت من الحر
شكرا جدا لكى وهابقى أجربها لما أروح المصيف عشان أعملها سنتوتشات زيك
وياريت تقولى لينا على بقية الوصفات اللى باين أنها جميلة جدا

[nehad]

حلوه موت
يالا عايزين الباقي بسرعه

[sasoooooooooooooo]

حلوة اووووووووووووووووووووى
تسليمى يا قمر

[أم ايثار]

تسلم ايدك يا ام حمزة يا قمر

[حنان السيد]

شكلها حلو اوى بس قوليلى مابتاخدوش حمزه معاكم ليه وانتو رايحين تقعدو ع البحر !!!

[نادو]

شكلها تحفة اوعدك انى اجربهاااااااااااااا

[ام سعيد]

[أم الطيب]

أكلتها من أسبوعين عند واحدة قريبتي كانت عاملاها كده بالضبط وكانت رووووووووووووووووووووووووووووووووووووووووووووووووو ووووووعة.
ياللا مستنيين الوصفة التانية

[موري ام حمزة]

والله اخجلتونى بالردود الجميلة دى
ومافيش حسد بين الاخوات يا اميرتى
وانا مستعدة اعزمكو كلكو يوم هنا عالبحر بس انتو تؤمرو

[موري ام حمزة]

حاضر يا ام نهاد
هابعتلكو طريقة الملوخية بالجمبرى
وشكرا عالرد

[موري ام حمزة]

انا عايزاكو تجربها بجد يا ام ايثار
مش تقولو حلوة من غير ماتدوقوها
ولو ما عندكوش جمبرى ابعتلكو

[موري ام حمزة]

القعدة دى مش عايزة اطفال
عايزة هدوء واستجمام
حمزة بقى تاخدو تيتا وتروح الملاهى اللى فى المون بيتش عارفاها
شكرا يا حنون

[موري ام حمزة]

جربيها يا نادو ومش هاتندمى
بس اوعى قبل الامتحان احسن تنامى فى اللجنة

[موري ام حمزة]

تسلميلى يا ام سعيد
هابعتلكو حاجات تانى لكن انتى عارفة العيال ودوشتها

[موري ام حمزة]

حاضر يا ام الطيب
النهاردة انشاء الله هاتلاقو حاجة جديدة