[رانيا الدلوعه]

.السلام عليكم ورحمة الله وبركاتة

بعد التحيا والسلام انا نفسي افضفضلكم من الي فيا بجد انا تعباااااااااااااااانه جدا جدا

وحاسه اني مخنوقه ومديقه اوي اوي

انا عيد ميلادي 30/5

وحيبقي عندي 26 سنه ومفيش اي جديد في حياتي خالص

حياتي فضيا وبتتسحب من تحت رجلي من غير جديد حتي شغلي مليت منه وحسه اني بشتغل وبتعب علي الفاضي

نفسي الاقي شريك لحياتي نفسي الاقي صديقه معايا نفسي الاقي ونيس لوحدتي

بجد انا تعباااانه ومفيش غير دمعه حزينه هيا الي بتتكلم عن حلتي الي انا فيها

معلش انا عرفه ان كل وحده فيكم عندها مشاكل بس انا مش لقيا حد افضفضله واشكيله من همي

معلش انا حنهي كلامي عشان مخنوقه ومش قدره اتكلم خلااااااااااص.

[اسيل احمد]

عزيزتي رانيه الدلوعه
تحياتي ليك وانا بعرف انه بتمر ع الواحده فينا اوقات بتكون مخنوقه وقرفانه بس ما ننسى انه ربنا معانا وبختبر صبرنا وتحملنا وانا مستعده اسمعك قد ما بدك اعتبريني اختك وقليلي كل الي مدايقك وبوعدك اساعدك ع قد ما بقدر وكلي ليك اذان صاغيه ربنا يكون معك ويفرج همك

[heba saad]

رانيا حبيبتى اولا وقبل ما اعلق على كلامك اعتبرينى اخت وصديقة ليكى
وثانيا بقولك ان الله مع الصابرين اصبري ياقمر
وهتلاقي شريك حياتك اللى يستحقك ويقدرك
ومن جهة الصداقة مش هتلاقي احسن من الفتوكات وانا اولهم يا حبيبتى
ومن جهة انك عندك 26 سنة ومرتبطيش دى مش مشكلة يا حبيبتى كل تاخيرة وفيها خيرة
والله ربنا كريم اوى وعلى قد ما الانسان بيصبر على قد ما بيديلة
وربنا يكرمك بالزوج الصالح
والصديقة الوفية
واشغلى وقتك عشان متفكريش كتير في النقطة دى
وانا تحت امرك في اى وقت

[sasoooooooooooooo]

راينا يا حبيبت قلبى ليه زعلانه
اكيد هو اختبار من ربنا ليكى
وكل تاخيرة وفيها خير
واكيد ربنا سيبلك ال احسن
وان شاء الله ربنا هايرزقك بزوج صالح يحبك ويقدرك ويحافظ عليكى
وهايرزقك ان شاء الله بصديقه وافيه
تحبك وتقديرك وتعرف امتك
وان شاء الله بصر ةالقضاء برضاء الله وصبرك ربنا هايحقق كل ال انتى بتحليمى بيه
واكيد كلنا يشرفنا ان يكون لينا اخت جديده معانا

[حتة سكرة]

لا لا لا انتى مزعلانى خااااااااااااااالص يارانيا
اولا لانك لسة صغيرة "ايوة لسة صغيرة
اوعى تفتكرى انة عشان بقى عندك 26 سنة انة خلاص
انسى..............انتى شكلك زى القمر (دة احساس)
وبعدين مسالة شريك الحياة دى قسم ونصيب
بصى لما تحسى تانى انك هاتفكرى فى الموضوع دة
ويعكنن عليكى قولى يعنى كان يبقى احسن لو عرفت حد
وفضلنا مع بعض سنة ولا اتنين وكان يحصل فراق اهو دة
اللى بجد ضياع عمر
ربنا هايكرمك بواحد يصونك ويحفظك ويهنيكى
ويكون احلى منك كمان ههههههههههههههه
ومن ناحية الاصحاب ولا يكون عندك فكرة
احنا كلنا هنا معاكى وهانفضل معاكى باذن الله
واى حاجة تعوزيها .........مش محتاجة كلام خلاص
اة كمان..........اقرى قران هو دة اللى هايخفف عنك
باى يا قمر

[مي16]

أنا مريت بنفس الفترة وكنت حاسة ان حياتى فاضيه ومملة ومفيش أى تغير ،، وكنت دايما بفكر فى الموضوع ده ..
وأول ما قررت إنى أشيل الموضوع من دماغى لأنى زهقت من كتر ما أنا مستنية ،،
الحمد لله ربنا رزقنى بزوج صالح ..
إن شاء الله والله الفترة دى حتعدى وربنا سبحانة وتعالى حيرزقك بزوج صالح ..
بس أهم حاجة إنك تدعى جدااا تدعي لربنا وانتى مخلصة النية ...
وحاولى على قد ما تقدرى ماتستنيش الموضوع ده لأنه حتى لو كانت فترة قليله جدا اللى حتستنى فيها حتبقى بالنسبة ليكى طويلة أوى ( صدقينى والله عن تجربة )
وبالنسبة للأصحاب احنا كلنا أصحابك بجد مش كلام وخلاص ...

[مروشكا]

الأخوات وفوا وكفوا
بس بدي خبرك أنو يوم عيد ميلادك يصادف يوم عيد ميلاد بنتي
مبروك وعقبال الميه
وأكيد تكوني بأحسن حال

[crazy_tota]

رانيا يا قمر بقي بتدوري علي صديقة كلنا هنا يا حبيبتي اخوات واصحاب وانا اقدر اقولك انك لو حاولتي تكلمي اي واحدة في المنتدي حتلاقيها بتسمعك وقلبها مفتوح ليكي
اما مسالة شريك الحياة دي قسمة ونصيب
ويالعالم يمكن ربنا بيختبر صبرك واذا صبرتي حيعوضك بانسان يسعدك ويهنيكي وينسيكي ايام الوحدة
وبقولك تاني يا قمر احنا كلنا هنا موجودين عشان بعض
وفي اي وقت تحسي انك عاوزة تفضفضي مع اي حد صدقيني انا موجودة وكل الفتكاويات قلبهم مفتوح ليكي

[شرين عمر]

اقولك اية كنت اعرف وحدة واللة يا بنتى نفس الحكاية ومش بقول اىكلام واللة دة الحقيقة هى هى الحكاية وهى دلوقتى عندها شوية عيال زى العسل واتجوزت يوم عيد ميلادة27 وانتى عارفة ان دة مكتوب وعارفة انا بنت عمتى اتجوزت 30سنةومعة ولد وبنت توكلى على اللة واكثرى الدعاء وربنا هايوفقك وعيشى حياتك

[رانيا الدلوعه]

انا بجد مش عرفه ازاي اشكركم كلكم علي اهتمامكم بيا والله انا فعلا مرتاحه نفسيا شويا دلوقتي لاني مريت امبارح بتجربه رهيبه بسبب حزني واكتأبي وفي واحد قلي ازاي انتي زي القمر كده ومتجوزتيش لحد دلوقتي
ده سببلي حاله كنت حموت فيها والله ضربات قلبي زادت اوي وكان عندي نغزه جمده اوي في صدري ومش قدره اخود نفسي وكنت بستشهد علي اني خلاص بموت لولا ماما فضلت تعيط وتقرألي القرأن خلتني نمت شويا وصحيت احسن شويا من الاول والله انا بدعي ربنا انو يزيل عني همي وبتمني انكو تدعولي براحه البال لا حتي شغلي انا مش قدره اروحه لان كل الي في الشغل بيقولولي ده انتي حلوه وجميله ليه مش مرطبطه والله مش بعرف ارد عليهم بقول نصيب وربنا يرزقني

[gannat mam]

يا حبيبتى ربنا يفرج همك ويرزقك عن قريب بالزوج الصالح ,اما دلوقتى تصبرى بالرضا واعرفى ان اكيد اللى انتى فيه خير لكى من اللى انتى عايزاه,وكل الفتكات حاضرين وتحت الطلب

[smsma amr]

حبيبتى رانيا بجد انا زعلت منك كتير ليه انت مكبره الموضوع كده اولا انت عندك 26 سنه يعنى لسه صغيره وكمان سن الزواج ارتفع دلوقتى يعنى ده شئ عادى وانت ماشاء الله حلوة يبقى ليه الزعل الزواج ده نصيب مكتوب عند ربناامتى ومين وازاى وياما ناس متجوزه ومش سعيده فى حياتها يبقى انت كده افضل وانشاء الله يبعتلك الخير وبعدين انت عارفه ان الناس عندنا فضوليه وبتتحشر فى كل حاجه واللى يسالك قولى لسه النصيب مجاش ومتخليش كلامهم يهز ثقتك فى نفسك

[smsma amr]

بصى ياقمر انا عيزاكى تهتمى بشغلك وتحاولى تكونى متميزه فى مجالك ايا كان طورى من مهاراتك اشغلى نفسك فى الاشياء المفيده مثل حفظ القران او خلى ليكى نشاط فى رعايه اطفال ايتام مثلا وكل الفتكاوات صديقاتك وياريت تقبلى نكون اصدقاء وتاكدى يا رانيا ان جمالك نعمه من ربنا متخليهاش انت نقمه على نفسك خليكى دايما جميله فى الشكل والروح وربنا يكرمك انشا الله

[راجية الجنه]

ربنا يفرج همك و يبعد عنك الشيطان و كل شئ قسمه ونصيب واللى يقوللك ف الشغل الكلام اللى انتى بتقوليه ده غلطان هم مش عارفين ان كل شئ نصيب و ربنا انشاء الله هيرزقك بانسان ابن حلال و طيب زيك بالظبط و انا على فكرة زعلت منك لما قلتى انك لوحدك و مش لاقيه حد تكلميه و احنا رحنا فين وعلى فكرة كل سنه و انتى طيبه مقدما ربنا يسعدك

[رانيا الدلوعه]

انا بجد مش عرفه اشكركم ازاي علي وقفتكم معايا واكيد انتو احسن ناس عرفتهم و وقفو جمبي

[crazy_tota]

يا قمر الاول ربنا يرزقك بابن الحلال اللي يسعدك بس زي ما البنات قالولك انتي لسة صغيرة ومفيش داعي خالص تقلقي من انة لسة العريس مجاش قلتلك انا انو دة نصيب
واللي بيقولولك انك حلوة وزي القمر ازاي لسة مرتبطيش نسوا يكملوا الجملة هي الرجالة اتعمت ولا اية
هم اكيد يقصدوا كدة متقلقيش يا قلبي نصيبك مش حيروح لحد غيرك انتي بس اكثري من الدعاء واحسني الظن بالله
بس اوعي يوم مات تتخطبي متعزميناش في الفرح
اضحكي كدة وفكي عن نفسك الحياة مش مستاهلة تعب

[أميرتى يمنى]

فكى كده وأضحكى وعيشى يومك دا أنتى يا بنتى دلوقتى فى أحلى أيام حياتك لا فى مسئولية ولا عيال عايزين خدمة ورعاية ولا حاجة خالص ولا زوج بيطلب ويتأمر
عيشى حياتك اليوم بيومة وأنسى وتوكلى على الله بس بجد يعنى قوليها من قلبك وأنتى مقتنعة بيها قوى وهتلاقى أن شاء الله ربنا وفقك للى فيه الخيرليكى
وبعدين أنتى مش لوحدك كلنا هنا جنبك ومعاكى واللى أنتى عايزاة ونفسك تفضفضى بيه قوليه وكلنا أذان صاغية وأنا تحت أمرك لو تحبى نتكلم ونبقى صحاب قوى
وربنا يوفقك ويكرمك يارب باأبن الحلال اللى يصونك يارب

[ALZAHRAA]

بصى ومن غير كلام لاان اميرتى يمنى اخدت الكلام من مخى مش قدره اقولك اكثر من الى هى وكل الفتوكات قلوه لكى
ربنا يسعدك ويحلى ايامك

[أم أحمد إيهاب]

احمدى ربنا على اللى انتى فيه صدقينى لما تعدى هذه المرحلة هتقولى نفسى ارجع تانى للىانا كنت فيه فكرى واجتهدى بعملك هو ده اللى هيعودلك
اما صديقة انتى عتدك 26 مش معقولة معنديكيش صديقة لحد دلوقتى ولو معنديكيش صدقينى تأنى والقران خير صحبة ونصيحة احتفظى بالاسرارك لنفسك

[منامنيو]

اختى العزيزة رانيا
مش عاوزاكى تزعلى
على فكرة انا تقريبا ظروفى زى ظروفك ويمكن اصعب
ومريت ومازلت بامر بايام حزينة كتير
بس باحاول انى اصبر نفسى
لاننا طول ما فى حياة لازم يكون فى امل فى ربنا
انا باحاول ابتدى من جديد مع نفسى وباخلى هدفى وحلمى الكبير انى اتقرب لربنا
ادعيلى ربنا انه يصبرنى ويدينى القوة انى اتحمل اللى انا فيه
وعلى فكرة انتى لو عرفتى ظروفى هتعرفى انك مكبرة موضوعك قوى وصدقينى اكيد انتى لو فكرتى صح هتلاقى حاجات جميلة كتير فى حياتك بس انتى اللى مش واخدة بالك لان فكرك فى شىء معين
واخيرا ... انا فعلا بادعيلك من قلبى انك تكونى سعيدة دايما وان ربنا يحققلك كل احلامك ويرزقك بابن الحلال
انا اسفة انى طولت عليكى